மலேசியா, சிங்கப்பூருக்கு பிரதமர் மோடி பயணம்: எதிர்பார்ப்பில் தமிழர்கள்

-
பிரதமர் நரேந்திர மோடி விரைவில் மலேசியா மற்றும் சிங்கப்பூர் நாடுகளுக்கு சுற்றுப்பயணம் மேற் கொள்கிறார். இதனால் அங்குள்ள தமிழர்கள் மிகுந்த எதிர்பார்ப்பில் உள்ளதாக தகவல்கள் வெளி யாகியுள்ளன.

மலேசியாவில் சுமார் 20 லட்சம் இந்தியர்கள் வாழ்ந்து வருகின்றனர். இதனால் அந்நாட்டுடன் அரசியல் ரீதியிலான உறவுகளை தாண்டி, இந்தியாவுக்கு நெருங்கிய நட்புறவு இழைந்தோடுகிறது. சுருக்கமாக சொல்வதென்றால் உறவுகளை விட்டு கடல் கடந்து சென்றாலும் அங் கிருக்கும் தமிழர்களுக்கும், இந்தியர்களுக்கும் மலேசியா தங்களது தாயகமாகவே தெரியும். அந்த அளவுக்கு அங்கு இந்தியர் களின் மக்கள் தொகை அடர்த்தி யாக உள்ளது. குறிப்பாக தமிழர் கள் மட்டும் 70 சதவீதம் பேர்.

இதனால் மலேசியாவின் எந்தப் பகுதிக்கு சென்றாலும், தென் னிந்திய மற்றும் தமிழகத்தின் செட்டிநாடு உணவுகள் எளிதில் கிடைக்கும். கடந்த 1981ல் மலேசியாவில் கால்பதித்த தத்தோ துரைசிங்கம் பிள்ளை இன்று முக்கியமான தொழிலதிபராக திகழ்கிறார். இவரது லோட்டஸ் நிறுவனம் தான் மலேசியாவில் 90 சதவீத தமிழ் திரைப்படங்களை வெளியிட்டு வருகிறது.

இதனால், தமிழக நட்சத்திரங்கள் மலேசியாவிலும் பெரும் பிரபலம் என்கிறார் துரைசிங்கம். மேலும் அவர், ‘‘தமிழகத்துக்கு அடுத்தபடியாக, மலேசியாவில் தான் தமிழ் திரைப்படங்களுக்கு அதிக மவுசு. அஜித், சூர்யா, சிவகார்த்திகேயனுக்கு ஏராளமான ரசிகர்கள் இருக்கின்றனர். எனினும், சூப்பர்ஸ்டார் ரஜினிகாந்த் தான் அனைவருக்கும் பிடித்தமான நடிகர்,’’ என்கிறார்.

மூன்றாவது தலைமுறையாக மலேசியாவில் உணவகம் நடத்தி வரும் மோகன் என்பவர், ‘‘பிரியாணியும், செட்டிநாடு உணவு களும் தான் இங்கு மிகவும் பிரபலம். தமிழகத்தின் சுவை மாறாமல் அந்த உணவுகளை நாங் கள் பரிமாறுவதால், ஏராளமான மலேசியர்கள் எங்கள் உணவகத் தின் நிரந்தர வாடிக்கையாளராக மாறிவிட்டனர்’’ என்றார்.

மலேசியாவின் வர்த்தகத்தில் மட்டுமின்றி, அந்நாட்டின் அரசியலி லும், இந்தியர்கள் ஆளுமை செலுத்தி வருகின்றனர். இதனால் தற்போது 14 இந்தியர்கள் மலேசிய நாடாளுமன்ற உறுப்பினர்களாக உள்ளனர். தவிர 500க்கும் மேற்பட்ட தமிழ் பள்ளிகள் மற்றும் இந்து ஆலயங்களும் மலேசியா முழுவதும் பரவி இருக்கின்றன.

‘லிட்டில் இந்தியா’ என்றழைக்கப்படும் மலேசியாவுக்கு பிரதமர் நரேந்திர மோடி விரைவில் பயணம் மேற்கொள்ளவுள்ளதால், தமிழர்களுக்கான நன்மைகள் மேலும் அதிகரிக்கும் என்றும் எதிர்பார்க்கப்படுகிறது.