ஆண்மையே விழித்தெழுக !

**M.Jagadeesan** · **M.Jagadeesan** Thu Nov 19, 2015 2:21 pm

ஆறடி உயரமும் அரும்பு மீசையும்
ஆண்மைக்கு அழகா ? இல்லையில்லை
ஐம்புலன்களையும் அடக்கி ஆள்வதே
ஆண்மைக்கு அழகென்று ஔவை சொன்னாள் !

நூறு கிலோமீட்டர் வேகத்தில்
செல்வதா ஆண்மை ! இல்லையில்லை
நூறு வயதுவரை வாழ்வதே ஆண்மை !

மாடுமேய்க்கும் சிறுவனிடம் தன்னுடைய
தோல்வியை ஒத்துக் கொண்டாள் ஔவைப்பாட்டி !
தோல்வி துலையல்லார் கண்ணும் கொள்வதே
ஆண்மையாகும் .

வேளைக்கொரு ஆடை , வேளைக்கொரு உணவு
என்று அலைவதா ஆண்மை ? அல்ல
நாளைக்கு என்செய்வோம் என்றெண்ணி
நாலு காசு சேர்ப்பதே ஆண்மையாகும் .

அவையத்து முந்தியிருக்கச் செய்த தந்தையை
காப்பகத்தில் சேர்ப்பதல்ல ஆண்மை !
என்னவிலை கொடுத்தேனும் முன்னறி தெய்வங்களை
கண்போல் காப்பதே ஆண்மை !

காவலன் ஒருவனால் கேவலம் அடைந்து
நாவறண்ட போதினும் நீர் உண்ணாது
செத்து மடிந்த சேரமான் இரும்பொறை
வித்தாகி நின்றான் ஆண்மைக்கு அடையாளமாய் !

கான முயலைக் கொல்வது ஆண்மையல்ல
யானையுடன் போராடித் தோற்பதே ஆண்மையாகும் !

**T.N.Balasubramanian** · **T.N.Balasubramanian** Thu Nov 19, 2015 2:39 pm

அருமை அய்யா ,
ஆனாலும் அவ்வையை ஆண்மைக்கு எடுத்துக்காட்டாகி ,
பெண்மையிலும் ஆண்மையை கொண்டுவந்துள்ளீர் .

ரமணியன்

**M.Jagadeesan** · **M.Jagadeesan** Thu Nov 19, 2015 2:58 pm

நன்றி ஐயா !

ஆண்மை என்ற பண்பு ஆண்களுக்கு மட்டும் சொந்தமல்ல ! பெண்களுக்கும் ஆண்மை உண்டு .

**பழ.முத்துராமலிங்கம்** · 27/09/2015

ஆண்மை சீரழிவு
ஆண்மைக்கு நீங்கள் கூறிய தகுதி பல
இன்று இழந்த நிலையை , நிலைக்கு
பணம்,தகுதி, சமுதாய தாக்கம்,
இயழாமை,இன்னும் பல காரணிகளும்
சேர்தே பயணிக்கின்றன.இதையும் சரியாக
சிந்திக்க வேண்டும்

K.Senthil kumar · K.Senthil kumar Fri Nov 20, 2015 2:59 pm

கவிதை அருமை
ஏடு நினைத்து தலையில்
கோடு கிழிக்கும் ஆண்மகன்களுக்கு அடி கொடுக்கும் கவிதை...

**T.N.Balasubramanian** · **T.N.Balasubramanian** Fri Nov 20, 2015 3:07 pm

M.Jagadeesan wrote:நன்றி ஐயா !

ஆண்மை என்ற பண்பு ஆண்களுக்கு மட்டும் சொந்தமல்ல ! பெண்களுக்கும் ஆண்மை உண்டு .

மேற்கோள் செய்த பதிவு: 1175535

பெண்களுக்கும் ஆண்மை உண்டு
ஆண்களுக்கும் பெண்மை உண்டு
என்ற கோணத்தில்லா ?

ரமணியன் சிரி

**M.Jagadeesan** · **M.Jagadeesan** Fri Nov 20, 2015 3:58 pm

ஆமாம் ஐயா !

Sponsored content · Sponsored content

ஆண்மையே விழித்தெழுக !

ஆண்மையே விழித்தெழுக !

Re: ஆண்மையே விழித்தெழுக !

Re: ஆண்மையே விழித்தெழுக !

Re: ஆண்மையே விழித்தெழுக !

Re: ஆண்மையே விழித்தெழுக !

Re: ஆண்மையே விழித்தெழுக !

Re: ஆண்மையே விழித்தெழுக !

Re: ஆண்மையே விழித்தெழுக !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக