மாயா’ நடிகர் ஆரி-யின் திருமணம் நடைபெற்றது

by **ayyasamy ram** Thu Nov 19, 2015 7:57 am

-
ரெட்டை சுழி, நெடுஞ்சாலை மற்றும் மாயா போன்ற படங்களில் நடித்த நடிகர் ஆரிக்கு இன்று திருமணம் நடைபெற்றது. இலங்கைப் பெண் நதியாவை அவர் திருமணம் செய்துகொண்டார். நதியா, லண்டனில் உள்ள ஒரு தனியார் நிறுவனத்தில் மனிதவள மேம்பாட்டு அதிகாரியாக பணிபுரிந்து வருகிறார்.

சென்னை பாரிமுனையில் உள்ள காளிகாம்பாள் கோயிலில் திருமணம் நடைபெற்றது. நேற்று நிச்சயதார்த்தம் மற்றும் வரவேற்பு நிகழ்ச்சிகள் நடைபெற்றன.

காதல் திருமணம் பற்றி ஆரி கூறியதாவது: ‘நானும், நதியாவும் ஒரு நிகழ்ச்சியில் சந்தித்துக் கொண்டோம். மூன்று வருடங்களாக நல்ல நண்பர்களாகப் பழகி வந்தோம். சமீபத்தில்தான் அது காதலாக மாறியது. பெற்றோரின் சம்மதத்துடன் திருமணம் செய்கிறோம்’ என்றார்.