பணம்

-
–
பொய்யை மெய்யாக்கும்
அரசு இயந்திரங்கள் பெற்ற
அரசுப் பதிப்பு மழலைகள்
–
உலகச் சந்தைப்
பொருளாதாரத்தை நடத்தும்
ஊமைச் சிகரங்கள்
–
மனிதர்களை அடிமையாக்க
மையால் எழுதிய
மன்னிப்புச் சீட்டுகள்
–
குடும்பத்திற்குள்
குழப்பமும்
குதூகலமும் ஏற்படுத்தும்
காகிதப் பிள்ளைகள்
–
அனைவரின் கைகளில்
தாவித் தாவி விளையாடும்
விரல் ரேகைத் தேய்த் தழுவும்
தொட்டில் குழந்தைகள்
–
மொழி வேறுபாடு
நிற வேறுபாடு
சாதிமத வேறுபாடு
தீண்டைமையைக்
குழிதோண்டிப் புதைக்கும்
தாள் மண்வெட்டிகள்!
–
————————–
கவிஞர் தமிழ்தாசன்
கடல் நுரைப்பூக்கள்- கவிதை தொகுப்பிலிருந்து

பணம் பந்தியிலே குணம் குப்பையிலே

இயற்றியவர்: கவிஞர் கா.மு. ஷெரிஃப்



பணம் பந்தியிலே குணம் குப்பையிலே - இதைப்
பார்த்து அறிந்து நடக்காதவன் மனிதனில்லே
பிழைக்கும் மனிதனில்லே
பணம் பந்தியிலே குணம் குப்பையிலே - இதைப்
பார்த்து அறிந்து நடக்காதவன் மனிதனில்லே
பிழைக்கும் மனிதனில்லே

ஒண்ணுந்தெரியா ஆளானாலும் பணமிருந்தாலே - அவனை
உய்ர்த்திப் பேச மனித கூட்டம் நாளும் தப்பாதே
ஒண்ணுந்தெரியா ஆளானாலும் பணமிருந்தாலே - அவனை
உய்ர்த்திப் பேச மனித கூட்டம் நாளும் தப்பாதே
என்ன அறிவு இருந்திட்டாலும் பணமில்லாத ஆளை
என்ன அறிவு இருந்திட்டாலும் பணமில்லாத ஆளை - உலகம்
எந்த நாளும் மனிதனாக மதிக்க மாட்டாதே

பணம் பந்தியிலே குணம் குப்பையிலே - இதைப்
பார்த்து அறிந்து நடக்காதவன் மனிதனில்லே
பிழைக்கும் மனிதனில்லே

ஆளை ஆளு புகழ்வதெல்லாம் பணத்துக்காகத் தான் - பணம்
அகன்று விட்டால் புகழ்ந்த கூட்டம் இகழும் உண்மை தான்
ஏழ்மை நிலை வந்தால் நேசர் யாரும் இல்லை
ஏழ்மை நிலை வந்தால் நேசர் யாரும் இல்லை - இதை
எண்ணிப் பார்த்து நடக்காதவன் அடைவான் தொல்லை

பணம் பந்தியிலே குணம் குப்பையிலே - இதைப்
பார்த்து அறிந்து நடக்காதவன் மனிதனில்லே
பிழைக்கும் மனிதனில்லே

உன்னால் உயர்ந்த நிலையடைந்தோர் நிறைய பேர்கள் உண்டு - அவர்கள்
உனது நிலை தாழ்ந்த பின்பு ஒதுங்குவார்கள் கண்டு
மண்ணாய் அவரை மதித்து நீயும் துணிவுமே கொண்டு
மண்ணாய் அவரை மதித்து நீயும் துணிவுமே கொண்டு - நாளும்
முயன்று மேலும் பாடுபட்டால் வெற்றியும் உண்டு

பணம் பந்தியிலே குணம் குப்பையிலே - இதைப்
பார்த்து அறிந்து நடக்காதவன் மனிதனில்லே
பிழைக்கும் மனிதனில்லே
பணம் பந்தியிலே குணம் குப்பையிலே..