மனம் கவர் திரைப் படப் பாடல் வரிகள்

Namasivayam Mu · Namasivayam Mu Thu Oct 22, 2015 6:54 am

செங்கையில் வண்டு கலின்கலின் என்று
செயம் செயம் என்றாட இடை
சங்கதம் என்று சிலம்பு புலம்பொடு
தண்டை கலந்தாட
கொங்கை கொடும்பகை வென்றனம் என்று
குழைந்து குழைந்தாட மலர்ப்
பைங்கொடி நங்கை வசந்த சவுந்தரி
பந்து பயன்றாளே

குற்றாலக் குறவஞ்சி:திரிகூட ராசப்பக்கவிராயர்,திருக்குற்றாலக் குறவஞ்சி தமிழ்ச் சிற்றிலக்கியங்களுள் ஒன்று. தமிழ்நாட்டின் தென்கோடியில் தென்காசிக்கு அருகில் அமைந்திருக்கும் குற்றாலம் எனும் ஊரின் சிறப்பைப் புகழ்ந்து அங்குள்ள ஈசரான குற்றாலநாதரைப் போற்றி, தெய்வக் காதல் பற்றிய கற்பனையை அமைத்துப் பாடப்பெற்ற நூல் ஆகும்.

குறவஞ்சி நாடகம் என்று போற்றப்படும் இந்நூல் வடகரை அரசனான சின்னணஞ்சாத் தேவரின் அவைப்புலவராக விளங்கிய திரிகூடராசப்பக் கவிராயர் என்பவரால் இயற்றப்பட்டது. இவர் திருநெல்வேலி மாவட்டம் தென்காசிக்கு அருகில் உள்ள மேலகரம் என்னும் ஊரைச் சார்ந்தவர் (இவர் திருவாவடுதுறை ஆதினத் தலைவராக விளங்கிய சுப்பிரமணிய தேசிகரின் சகோதரர் ஆவார்). திருக்குற்றாலநாதாரின் முன்னிலையில் அரங்கேற்றப்பட்ட இந்நூல் அன்றைய மதுரை மன்னனான முத்துவிஜரங்க சொக்கநாத நாயக்கரின் பாராட்டையும் பரிசையும் பெற்றது.

குறவஞ்சி திரைப் படம் . பாடலை பாடியவர் ,சிதம்பரம் ஜெயராமன்

குறவஞ்சியில் பந்தாடல் நிகழ்ச்சி சிறந்த ஆடல் நிகழ்ச்சியாக அமையும். இதற்குத் தகுந்த நிலையில் பாடலமைதியும், இசையமைதியும் தாள அமைதியோடு அமைக்கப்படும். குற்றாலக் குறவஞ்சியில் வசந்தவல்லி பந்தடிக்கிறாள். அப்பொழுது அவளுடைய செங்கையில் உள்ள வளையல்கள் கலீர் கலீர் என்றும் செயம் செயம் என்றும் ஒலி முழங்கின. இவ்வகை ஒலிநயம் மிக்கப் பாடல்கள் ஆடலை அழகுபடுத்தும்.

shobana sahas · shobana sahas Fri Oct 23, 2015 7:33 pm

மனம் கவர் திரைப் படப் பாடல் வரிகள் 3838410834

மனம் கவர் திரைப் படப் பாடல் வரிகள் 103459460

மனம் கவர் திரைப் படப் பாடல் வரிகள் 1571444738

இந்த பதிவைத் துவங்கியவர் நன்றி கூறியுள்ளார் shobana sahas

Namasivayam Mu · Namasivayam Mu Fri Oct 23, 2015 8:52 pm

shobana sahas wrote:

மேற்கோள் செய்த பதிவு: 1170991

வாழ்க வளமுடன்

Namasivayam Mu · Namasivayam Mu Fri Oct 23, 2015 9:08 pm

செங்கையில் வண்டுகளின்.... பாடல் தொடர்ச்சி

இருண்ட மேகஞ்சுற்றிச் சுருண்டு சுழியெறியுங்
கொண்டையாள் - குழை
ஏறி யாடிநெஞ்சைச் சூறையாடும் விழிக்
கெண்டையாள்
அரம்பை தேசவில்லும் விரும்பி யாசைசொல்லும்
புருவத்தாள் - பிறர்
அறிவை மயக்குமொரு கருவ மிருக்குமங்கைப்
பருவத்தாள்

இதுவும் அப்பாடலில் சிதம்பரம் ஜெயராமன் பாடிய வரிகள் ஆகும்

Namasivayam Mu · Namasivayam Mu Fri Oct 23, 2015 9:13 pm

செங்கையில் வண்டுகளின்.... பாடல் தொடர்ச்சி

தண்ணமு துடன்பிறந்தாய் வெண்ணிலாவே அந்தத்
தண்ணளியை ஏன்மறந்தாய் வெண்ணிலாவே
பெண்ணுடன் பிறந்ததுண்டே வெண்ணிலாவே என்றன்
பெண்மைகண்டும் காயலாமோ வெண்ணிலாவே.

வசந்தவல்லி சந்திரனை நிந்தித்துப் பாடும் இப்பாடல் வரிகளை p.லீலா பாடி இருப்பார்

Namasivayam Mu · Namasivayam Mu Fri Oct 23, 2015 9:32 pm

செங்கையில் வண்டுகளின்.... பாடல் தொடர்ச்சி

குறத்தி குறிகூறல்

சொல்லக்களோய் குறி சொல்லக் கேளாய்

முல்லைப் பூம் குழலாளே
சொல்லக்களோய் குறி சொல்லக் கேளாய்
நன்னகரின் வாழ் முத்து
மோகனப் பசும் கிளியே சொல்லக் கேளாய்

Namasivayam Mu · Namasivayam Mu Fri Oct 23, 2015 9:34 pm

குறவஞ்சி திரைப்படத்தில் மற்றும் ஒரு பாடல் மனத்தைக் கவரும்

குறி சொல்ல வஞ்சி வருகிறாள். குற்றால மலையின் வளம் பாடுகிறாள் வசந்தவல்லிக்கு.

வானரங்கள் கனி கொடுத்து மந்தியொடு கொஞ்சும்
மந்தி சிந்து கனிகளுக்கு வான்கவிகள் கெஞ்சும்,

தேன் அருவி திரை எழும்பி, வானின் வழி ஒழுகும்
செங்கதிரோன் பரிக்காலும் தேர்க்காலும் வழுகும

**ராஜா** · **ராஜா** Sat Oct 24, 2015 1:45 am

அருமையான திரி ஐயா , தொடர்ந்து மனம்கவர்ந்த பழைய பாடல்களை பகிருங்கள் நாங்களும் தெரிந்துகொள்கிறோம் புன்னகை

Namasivayam Mu · Namasivayam Mu Sat Oct 24, 2015 6:47 am

ராஜா wrote:அருமையான திரி ஐயா , தொடர்ந்து மனம்கவர்ந்த பழைய பாடல்களை பகிருங்கள் நாங்களும் தெரிந்துகொள்கிறோம்

மேற்கோள் செய்த பதிவு: 1171054
மிக்க நன்றி

Namasivayam Mu · Namasivayam Mu Sat Oct 24, 2015 7:26 am

1960 ம் ஆண்டு வெளிவந்த குறவஞ்சி திரைப்படத்தில் வந்த இப்பாடலை சிதம்பரம் ஜெயராமன், ப. லீலா மற்றும் ஜமுனாராணி பாடியுள்ளனர் . இசை TR பாப்பா

காதல் கடல் கரை யோரமே என் கண்ணே
காத்திருந்து நானே தவம் புரிந்தேனே
நித்தம் உன் காலடியை தேடிவிளையாடி வந்து
முத்தமிடும் அலையாய் நான் மாறிடுவேனே

முத்தமிடும் அலையால் நான் முத்தாகவே மாறி
முழுமதிபோலே ஒளி வீசிடுவேனே

இணையத்தில் இப்பாடலைத்தேடி கண்டு கேட்டு மகிழலாமே

Sponsored content · Sponsored content

மனம் கவர் திரைப் படப் பாடல் வரிகள்

மனம் கவர் திரைப் படப் பாடல் வரிகள்

Re: மனம் கவர் திரைப் படப் பாடல் வரிகள்

Re: மனம் கவர் திரைப் படப் பாடல் வரிகள்

Re: மனம் கவர் திரைப் படப் பாடல் வரிகள்

Re: மனம் கவர் திரைப் படப் பாடல் வரிகள்

Re: மனம் கவர் திரைப் படப் பாடல் வரிகள்

Re: மனம் கவர் திரைப் படப் பாடல் வரிகள்

Re: மனம் கவர் திரைப் படப் பாடல் வரிகள்

Re: மனம் கவர் திரைப் படப் பாடல் வரிகள்

Re: மனம் கவர் திரைப் படப் பாடல் வரிகள்

Re: மனம் கவர் திரைப் படப் பாடல் வரிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக