நிராகார் பரமாத்மாவும் அவருடைய திவ்ய குணங்களும் - இராஜயோக தியானம் - பகுதி- 3

ஒரு ஆச்சிரியமான விஷயம்

பரமாத்மாவை எல்லோரும் ஐயனே! அப்பனே! எங்கள் கஷ்டத்தை போக்குபவனே! என்றெல்லாம் சொல்லி நினைக்கின்றனர்;அழைக்கின்றனர். ஆனால் சத்தியமான,தெளிவான சம்பந்தம் என்ன என்பதை அறிவதில்லை;எனவே அச்சம்பந்தத்தை அவரோடு கொள்ளவும் இல்லை. சரியான அறிமுகமும் அவரிடத்தில் அன்பும் இல்லாத காரணத்தால் அவரை நினைக்கவும் முடியவில்லை. ஏனெனில் மனதை அவரிடம் செலுத்தும் வழி தெரியவில்லை. அதன் விழைவாக அவரிடமிருந்து உரிமையுடன் அடைய வேண்டிய சாந்தியும் சுகமும் கிடைக்காமல் போய் விடுகிறது. பரமபிதா பரமாத்மாவுடன் இனியதொரு சந்திப்பும் ஏற்பட முடியாமல் உண்மையான சுகத்தையும், ஞான ஒளியையும், அருட்சக்த்தியையும் அடைய முடியாமல் தவிக்கின்றனர். கடவுளை வழிபட்டும் வாழ்க்கையில் எவ்வித மாற்றமும் இல்லாமலேயே வாழ்ந்து வருகின்றனர். ஆகவே மிகவும் அன்பான அந்த பரமபிதா பரமாத்மாவின் அறிமுகம் இங்கே தரப்பட்டுள்ளது. இவற்றை மக்களின் நலனுக்காக அவரே விளக்கிக் கூறியிருக்கிறார். அதை அனுபவத்தில் காண வைத்திருக்கிறார். அனுபவதிதில் காணுமாறு செய்தும் வருகிறார்.

பரமபிதா பரமாத்மாவின் திவ்யமான திருநாமமும் அவர்தம் மகிமையும்:

பரமபிதா பரமாத்மாவின் பெயர் சிவன், சிவன் என்பதன் பொருள் கல்யானகாரி, மங்களகாரி, பரமபிதா பரமாத்மாதான் ஞானகடல், சாந்திக்கடல், ஆனந்தகடல், அன்புக்கடல், அவரே தூய்மை அற்றவர்களை  தூய்மையாக்குபவர்; அனைத்து ஆத்மாக்களையும் சாந்திலோகத்திர்க்கும், சுகலோகத்திர்க்கும் செல்வதற்கான வழியை காட்டுபவர். விகாரங்களிளிருந்தும் காலனிடமிருந்தும் விடுவிப்பவர். அனைவரின் பால் கருணை மிகக் கொண்டவர் அவர் ஒருவரே; அவரே திவ்ய புத்தி கொடுப்பவர். திவ்ய திருஷ்டியையும் கொடுப்பவர்; மனித ஆத்மாக்களுக்கு ஞானமென்னும் சமரசம் அல்லது அமிர்தத்தை அருந்தக்கொடுத்து அமர பதவி அடைவதற்கான வரங்களையும் அருளும் காரணத்தால் அவர் பெயர் சோமநாதன் என்றும் அமரநாதன் என்றும் ஆயிற்று. அவர் ஜனன மரணத்திற்கு அப்பாற்பட்டு விளங்குபவர். ஆகவே சதா முக்தன்; எப்பொழுதும் ஒளிவீசிக் கொண்டுள்ள அணையாத விளக்கு அவரே, ஆகவே அவரே சதாசிவன்:

பரமபிதா பரமாத்மாவின் திவ்யமான உருவம்

பரமபிதா பரமாத்வாவின் உருவம் ஜோதி பிந்துவாகும். ஜோதியின் சுடர் போன்ற உருவம், அவ்வுருவோமே நிர்மலமானது. செம்பொன் நிறமானது; மனதை கவரக்கூடியது. அந்த சுந்தர திருவுருவத்தை திவ்யமான கண்களால் அதாவது ஞான கண்களால் மட்டுமே காண முடியும் திவ்யமான புத்தியில் தான் காண முடியும். ஜோதி பிந்துவான அந்த அழகுச்சுடரின் ஞாபகமாகவே அவரை சிவலிங்க வடிவத்தில் பூஜை செய்கிறார்கள்; அவர் அவதரித்த நாளை நினைக்கும் நாளாகவே சிவராத்திரியும் கொண்டாடப்படுகிறது.

நிராகாரத்தின் அர்த்தம்

எல்ல மதத்தினருமே பரமாத்மாவை நிராகாரி என்று மதிக்கிறார்கள்; ஏற்று கொள்கிறார்கள். இவ்வார்த்தையால் அவர்கள் பரமாத்மாவிற்கு ஆகாரம் அதாவது உருவமே இல்லை என்று நினைக்கிறார்கள். அவ்வாறு உருவமே இல்லை என்று சொல்வது தவறு என்று பரமாத்மா சொல்கிறார். மனித சரீரமும் (ஸ்தூல) அவருக்கு இல்லை. சூட்சம தேவதைகளுக்கு இருப்பதை போல சூட்சம சரீரமும் இல்லை. ஆகவே சரீரம் இல்லாதவர் அசரீரி ஜோதி வடிவானவர். அவர் அணுவிலும் சிறிய அணு போன்றவர். இப்படி இருப்பதால் தான் அவர் ஒவ்வொரு அணுவிலும் இருப்பதாகச் சொல்லிவிடுகிறார்கள்.