ஆத்மா எனபது என்ன? மனம் எனபது என்ன? - இராஜயோக தியானம் - பகுதி- 1

அன்றாட வாழ்க்கையில் ஒவ்வொருவருமே எத்தனையோ தடவை "நான்" "நான்" என்ற வார்த்தையைச் சொல்லி கொண்டே இருக்கிறார்கள். தினந்தோறும் நான் எனது என்று சொல்லி கொண்டே இருந்த போதிலும், அவ்வாறு நான் என்று சொல்லும் பொருள் எது?. அதன் உருவம் என்ன என்ன என்பதை யாருமே தெரிந்து கொள்ள முடியவில்லை. விஞ்ஞான வளர்ச்சி பற்றி சொல்லவே வேண்டாம். விளங்காத புதிர்களை விஞ்ஞானத்தின் மூலம் விளக்கிவிட்டாலும் கூட நான் என்று சொல்வது எது? என்பதை பற்றிய உண்மை தெரியாது. பிறவற்றை பற்றி தெரிந்து கொள்பவர் தன்னை பற்றி சரியான ரீதியில் அறிவதில்லை. நீங்கள் யார்? உங்களுடைய அறிமுகம் என்ன? என்று கேட்டால் உடனே தன் உடலின் பெயரையும், செய்யும் தொழிலையுமே கூறுகிறோம்.

உண்மையில் "நான்" என்ற சொல் உடலிலிருந்து வேறுபட்ட, ஞானமுள்ள, ஆத்மாவையே குறிக்கும். ஆத்மாவும், உடலும் உடலும் சேர்ந்த மனிதன் ஜீவாத்மா ஆகிறான். உடலானது பஞ்ச தத்துவங்கள் என்று சொல்லப்படும் நிலம்,நீர்,தீ,காற்று,ஆகாயம் என்பவைகளால் ஆனது. சிந்தனை சக்தியும் தீர்மானிக்கும் சக்தியும் ஆத்மாவில் உள்ளன. செய்யும் காரியங்களை பொறுத்து சமஸ்காரங்கள் அமைகின்றன.

ஆத்மா அழியாதது: ஜோதிமயமானது; புள்ளி வடிவமானது; மனித உடலில் புருவ மத்தியில் மூளைபகுதியில் வாசம் செய்கிறது. இரவு நேரத்தில் ஆகாயத்தில் தெரியும் நட்சத்திரம் மின்னுவதை போலவே திவ்வியமான பார்வைக்கு புள்ளி வடிவத்தில் தெரியும். புருவங்களுக்கு மத்தியில் ஆத்மா வசிபதினால் தான் ஆழ்ந்து சிந்திக்கும் போது நெற்றியை தேய்த்து கொள்கிறான். ஏன் தலைவிதி நன்றாக இல்லை என்று சொல்லும் போது தன்னுடைய நெற்றியை தான் தேய்த்து கொள்கிறான். பக்தர்கள் கூட நெற்றியில், இரு புருவத்திற்க்கு மத்தியில் தான் திருநீறு அணிந்து திலகம் இட்டு கொள்கின்றனர். இந்த இடத்தில இருக்கும் ஆத்மா மூளையுடன் இணைந்து செயல்படுகிறது. மூளையானது ஆத்மாவின் ஞனெந்திரியங்கலுடனும், உடலின் கர்மேந்திரியங்களுடனும் இணைந்திருக்கிறது. ஆத்மாவில் தான் எண்ணங்கள் எழுகின்றன. எண்ணங்கள் மூளையின் மூலமாக பரவி பின் செயலாகிறது. சந்தோசத்தையும், துன்பத்தையும் அனுபவம் செய்வது ஆத்மாதான்.

தீர்மானம் செய்வதில் புத்தி அடிப்படையாகி விடுகிறது. மனம், புத்தி, ஆத்மாவிலிருந்து தனி பட்டது அல்ல. ஆனால் இன்று தன்னைத்தான் மறந்து விட்டு தன்னை தேகமாகவும், ஆண், பெண்ணாகவும் வாலிபன், கிழவன் என்றெல்லாம் நினைத்து விட்டது. தேக அபிமானம் தான் துன்பத்திற்கெல்லாம் காரணம். இவ்வுடல் மோட்டார் காரைபோன்றது. இதன் டிரைவர் ஆத்மா. டிரைவர் காரை இயக்குவது போல ஆத்மாவும் இவ்வுடலை இயக்குகிறது. டிரைவர் இல்லாத காரை போன்று ஆத்மா இல்லாத உடல் உபயோகமற்றது. தன்னைத் தான் ஆத்மா என்று நினைத்த பிறகுதான் தான் அடைய வேண்டியதை அடைவதற்காக, ஒருவனால் முயற்சி செய்ய முடியும் என்று ஆத்மாக்களின் தந்தை பரமாத்மா (சிவன் தந்தை) கூறுகிறார்.  நன்றாக காரை ஓட்ட தெரியாத டிரைவரால் விபத்துகள் ஏற்படும். காரில் அமர்ந்து வரும் பிரயாணிகளுக்கும் அதனால் துன்பம். இதே போன்று தன்னை ஆத்மா என்று உணராத காரணத்தால் தனக்கும் துன்பம், தன்னை சார்ந்தவர்களுக்கும் துன்பம்.

தான் வருத்தமாக இருப்பதால் தானும் நிம்மதியாக இல்லாமல் மற்றவர்களையும் நிம்மதி இழக்கச் செய்து விடுகிறார்கள். ஆகவே ஒவ்வொருவரும் தான் யார் என்று உணர வேடியது மிகவும் அவசியம்.

மனித உடலில் புருவ மத்தியில் மூளைபகுதியில் வாசம் செய்கிறது. இரவு நேரத்தில் ஆகாயத்தில் தெரியும் நட்சத்திரம் மின்னுவதை போலவே திவ்வியமான பார்வைக்கு புள்ளி வடிவத்தில் தெரியும். புருவங்களுக்கு மத்தியில் ஆத்மா வசிபதினால் தான் ஆழ்ந்து சிந்திக்கும் போது நெற்றியை தேய்த்து கொள்கிறான். ஏன் தலைவிதி நன்றாக இல்லை என்று சொல்லும் போது தன்னுடைய நெற்றியை தான் தேய்த்து கொள்கிறான். பக்தர்கள் கூட நெற்றியில், இரு புருவத்திற்க்கு மத்தியில் தான் திருநீறு அணிந்து திலகம் இட்டு கொள்கின்றனர். இந்த இடத்தில இருக்கும் ஆத்மா மூளையுடன் இணைந்து செயல்படுகிறது. மூளையானது ஆத்மாவின் ஞனெந்திரியங்கலுடனும், உடலின் கர்மேந்திரியங்களுடனும் இணைந்திருக்கிறது

இது புதிது