மழைக் குழந்தை

**Aathira** · **Aathira** Sun Nov 15, 2015 8:10 pm

First topic message reminder :

மழைக் குழந்தை - Page 2 Eknath23-2220170

கம்மியும்
கை கால்களை உதைத்து கர்ச்சித்தும்
ஒலி எழுப்பும்
குழந்தையின்
அழுகையாய்க் கேட்கிறது
பலஹீனமாகவும்
பலமாகவும் பெய்யும்
மழையின் குரல்

அழவும் தெரியாமல்
அழாமல் இருக்கவும் முடியாமல்
விம்மி வெதும்பிக் கொண்டிருக்கும்
குழந்தையாய்
பரிதாபமாக முகத்தை
வைத்துக் கொண்டிருக்கிறது
மழை பொழியாத
நேரத்து மேகம்

அவ்வப்போது நிறுத்தி
நம் கவனத்தை ஈர்க்கும்
குழந்தையின் அழுகையென
நாம் கவனிக்கவே
விட்டு விட்டு
பெய்கிறது
மழையும்

அடிக்க வேண்டும் போல
கோபம் வந்தாலும்
ரசிக்காமல்
இருக்க முடிவதில்லை
குழந்தைகளின்
அடத்தைப் போலவே
மழையின்
அடத்தையும்

ஆனால்
குழந்தைகள் ஒருபோதும்
கொல்வதில்லை
குழந்தைகளை
மழையைப் போல!

- ஆதிரா முல்லை

**கார்த்திக் செயராம்** · 29/10/2015

தெருவிலே சாரல் மழை,
முற்றத்திலே என் செல்ல மழலை,

மழை மீது உனக்கு பாசமா - (அல்லது )
மழைக்கு உன்மேல் நேசமா?

நடப்பதை ரசித்து - (நீ ) தூரலை எண்ணி ,
கவலையிலோ உன் அன்னை -உன்னை எண்ணி ,

இயற்கையின் இரண்டு கவிதைகளும் விளையாடும் இத்தருணம்
இரண்டும் தவழ்வதை காண்கையில் கோடி இன்பம்

*****மழை / மழலை *****

கார்த்திக் செயராம்

மழைக் குழந்தை

மழைக் குழந்தை

Re: மழைக் குழந்தை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக