5 நாட்களுக்கு மழை நீடிக்கும்

by **ayyasamy ram** Sat Nov 14, 2015 9:42 am

காற்றழுத்த தாழ்வு பகுதி

வங்க கடலில் நிலைகொண்டுள்ள காற்றழுத்த தாழ்வுநிலை இன்று (சனிக்கிழமை) காற்றழுத்த தாழ்வு பகுதியாக வலுப்பெற வாய்ப்பு இருப்பதாக சென்னை வானிலை ஆய்வு மையம் அறிவித்து உள்ளது.

இதுகுறித்து சென்னை வானிலை ஆய்வு மைய இயக்குனர் எஸ்.ஆர்.ரமணன் நிருபர்களிடம் கூறியதாவது:-

அரபிக்கடலில் நேற்று முன்தினம் உருவான காற்றழுத்த தாழ்வு பகுதி, மத்திய அரபிக்கடல் பகுதியில் நீடிக்கிறது. இதேபோல், நேற்று முன்தினம் தெற்கு அந்தமான் கடல் பகுதியில் நிலைகொண்டிருந்த காற்றழுத்த தாழ்வுநிலை மேற்கில் தமிழகத்தை நோக்கி நகர்ந்து, தென்கிழக்கு வங்க கடல் மற்றும் அதனை ஒட்டியுள்ளபகுதியில் நீடிக்கிறது.

இந்த காற்றழுத்த தாழ்வுநிலை சனிக்கிழமை (இன்று) காற்றழுத்த தாழ்வு பகுதியாக வலுப்பெற வாய்ப்பு உள்ளது. இதன் காரணமாக, தமிழகம் மற்றும் புதுச்சேரியில் பெரும்பாலான இடங்களில் சனிக்கிழமை (இன்று) மழை பெய்யும்.

5 நாட்களுக்கு மழை நீடிக்கும்

முன்னெச்சரிக்கை நடவடிக்கை தேவை.

by **M.Jagadeesan** Sat Nov 14, 2015 1:21 pm

வருமுன்னர் காவாதான் வாழ்க்கை எரிமுன்னர்
வைத்தூறு போலக் கெடும் . ( குற்றங்கடிதல்- 435 )

என்ற குறட்பா தனிமனித வாழ்வுக்கு மட்டுமல்ல ; அரசுக்கும் பொருந்தும் .

அடைமழை :
இடையனின் கால்நடை பற்றி இடையனின் ஏக்கங்கள்

காலை வெயில் அலைமோதும்
பனியில் குளித்த விருட்சங்களைச் சுற்றிய பசும்புல்வெளியில்
மேய விட்டிருந்தாய் உன் கால்நடையை

ஒழுகி அசைபோடச் செய்தபடியிருக்கும்
தனித்திருந்த கொட்டகையின் கூரைகள்
பகல் பொழுதின் மேய்ச்சல் நினைவுகளை
வைகறைவரை இரவிடம் கிசுகிசுக்கும்

வேட்டை விலங்குகளின் பார்வைக்குத் தப்பிய
கால்நடையின் சதைப் பூரிப்பில் மின்னும் அதன் சருமம்
உன் ப்ரியத்தில் உறைந்திருந்த அது
எங்கும் தப்பிப் போய்விடாது எனினும்
வேலியை இறுக்கிக் கட்டினாய் நீ
அதனையும் அறியாது அசைபோட்டபடியிருந்தது அது

மேய்ச்சலுக்கு இட்டுச் செல்ல முடியாத அடைமழை நாட்களில்
எங்கெங்கோ அலைந்து
தீனிச் செடி குலைகளை எடுத்து வருவாய்
உன் தலை தடவலில் உயிர்த்திருக்கும் அதனுலகம்
தீனிக்கென நீ வைத்திடும் எல்லாவற்றையும்
அன்பென எண்ணிச் சுவைக்கும்
அதட்டலுக்குப் பயந்து அடிபணியும் - பிறகும்
அகலாதிருக்க இவ் வாழ்வும்
உன் பரிவும் நிலைத்திடக் கனவு காணும்

தசை , தோல் , எலும்பென கூறிட்டுப் பணம்பார்க்க
அதன் எடை கூடும் காலமெண்ணிக் காத்திருக்கும் உன்
கத்தியைக் கூர் தீட்டும் நாளில்
அதன் மேனியிலிருந்து எழக் கூடும்
விடிகாலைத் தாரகையோடு
பசும்புல்வெளியில் உலர்ந்த உன் பாசத்தின் வாசம்
- எம் . ரிஷான் ஷெரீப்
நன்றி முகநூல்

by **Aathira** Sat Nov 14, 2015 3:10 pm

//கத்தியைக் கூர் தீட்டும் நாளில்
அதன் மேனியிலிருந்து எழக் கூடும்
விடிகாலைத் தாரகையோடு
பசும்புல்வெளியில் உலர்ந்த உன் பாசத்தின் வாசம்//

அழகான பாசக் கவிதை. வடித்தவர்க்கும் பதிந்தவர்க்கும் நன்றிகள்