நல்லதற்கும் கெட்டதற்கு நாயகன்- விடுகதைகள்

1.செடியில் முளைக்காத இலை
நரம்பு இல்லாத இலை
அம்மா கொடுத்த இலை
அழுத்தினால் நொறுங்கி விடும்
வாயில் போட்டால் கரையும். அது என்ன?
-
2.உடல் மீது ஓடு உண்டு; ஆமை அல்ல
முக்கண் இருக்கும்; சிவனும் அல்ல
உள்ளமோ வெள்ளை; வெண்ணை அல்ல
நல்லதற்கும் கெட்டதற்கு நாயகனாம். அது என்ன?
-
3.ஆடிக்காற்றில் உதிரும் பழம்
ஓடிச் சிறுவர் பொறுக்கும் பழம்
கொழுகொழு என்ற கரும்பழம் அது என்ன?
-
4.ஆயிரம் ஆயிரம் முடிச்சும் உண்டு
ஆயிரம் ஆயிரம் ஓட்டையும் உண்டு. அது என்ன?
-
5.மண்ணாய் இருந்தவன்
பம்பரத்தில் சுழன்றவன்
நெருப்பினில் வெந்தவன்
எல்லார் வீட்டிலும் இருப்பவன் நான் யார்?
-
6.தண்ணீரில் நீந்தத் தெரியும் மீன் அல்ல
இரண்டு கால் இருக்கும்; நடக்கும்; மனிதன் அல்ல
இறக்கை உண்டு; ஆனால் பறக்காது. அது என்ன?
-
7.கிளை இல்லா மரம்
ஏறினால் வழுக்கும் மரம்
ஒற்றைப் பூவில் நூறு காய் காய்க்கும்
தின்ன காய் துவர்க்கும்
பழமோ இனிக்கும். அது என்ன??
-
8.தாளம் இல்லாமல் பாட்டுப்பாடுவார்; பாடகர் அல்ல
நோய் இல்லாவிட்டாலும் தேடி வந்து ஊசி குத்துவார்;
மருத்துவர் அல்ல
வலையைக் கண்டால் மிரண்டுபோவார்; மீனும் அல்ல.
அது என்ன?
-
9.பறக்கும் இது பறவை போல
தலைகீழாய்த் தொங்கும் கோட்டான் போல
பாலூட்டும் ஆனால் பசுவல்ல
பழம் தின்னும் கிளியும் அல்ல அது என்ன?
-
10.கூரை வீட்டைப் பிரிச்ச ஓட்டு வீடு
ஓட்டு வீட்டுக்குள்ளே வெள்ளை மாளிகை
வெள்ளை மாளிகையின் நடுவே குளம். அது என்ன?
-
------------------------
-
விடை தெரிந்தவர்கள் சொல்லுங்கள்

நேற்று தான் நான் உங்களைக் கேட்கணும் என்று நினைத்தேன், ஏன் விடுகதைகள் போடுவது இல்லை என்று, இதோ போட்டுவிட்டீர்கள் ..விடை சொல்ல முயலுகிறேன்

krishnaamma wrote:நேற்று தான் நான் உங்களைக் கேட்கணும் என்று நினைத்தேன், ஏன் விடுகதைகள் போடுவது இல்லை என்று, இதோ போட்டுவிட்டீர்கள் ..விடை சொல்ல முயலுகிறேன்

மேற்கோள் செய்த பதிவு: 1197946
-
எண்ணங்கள் ஒத்துப்போவது ஆச்சரியம்...
இதைத்தான் டெலிபதி என்பார்கள்...!!
-

1. அப்பளாம்
2. தேங்காய்
3. நாக பழம்
4. ..............
5. சட்டி பானை
6. வாத்து
7. வாழை
8. கொசு
9. வௌவால்
10. ......

4ம், 10ம், தெரியலை மத்தது சரியா பாருங்கள் அண்ணா

ayyasamy ram wrote:

krishnaamma wrote:நேற்று தான் நான் உங்களைக் கேட்கணும் என்று நினைத்தேன், ஏன் விடுகதைகள் போடுவது இல்லை என்று, இதோ போட்டுவிட்டீர்கள் ..விடை சொல்ல முயலுகிறேன்

மேற்கோள் செய்த பதிவு: 1197946
-
எண்ணங்கள் ஒத்துப்போவது ஆச்சரியம்...
இதைத்தான் டெலிபதி என்பார்கள்...!!
-

மேற்கோள் செய்த பதிவு: 1197949

ம்ம்... ஆமாம் அண்ணா

4.இடியாப்பம்
10. தேங்காய் மட்டை , தேங்காய் , இளநீர்
சரி பாருங்கள் அய்யா .

கிருஷ்ணம்மா விடைகள் எட்டும் சரியானவை
-

shobana சஹாஸ்
-
10- தேங்காய் - சரியான விடை
4- இடியாப்பம் என்பதை விட வலை என்பது சிறந்த விடை
-

ayyasamy ram wrote:கிருஷ்ணம்மா விடைகள் எட்டும் சரியானவை
-

shobana சஹாஸ்
-
10- தேங்காய் - சரியான விடை
4- இடியாப்பம் என்பதை விட வலை என்பது சிறந்த விடை
-

மேற்கோள் செய்த பதிவு: 1197971
நன்றி அய்யா. தெரிந்து கொண்டேன்.

ayyasamy ram wrote:கிருஷ்ணம்மா விடைகள் எட்டும் சரியானவை
-

shobana சஹாஸ்
-
10- தேங்காய் - சரியான விடை
4- இடியாப்பம் என்பதை விட வலை என்பது சிறந்த விடை
-

நன்றி ராம் அண்ணா ............

-
சரியான விடை சொன்னவர்களுக்கு...கரகர மொறு மொறு
அப்பளம்- பரிசு!