மேதகு அப்துல் கலாம் ! கவிஞர் இரா. இரவி !

by **eraeravi** Fri Nov 13, 2015 8:03 pm

மேதகு அப்துல் கலாம் !

கவிஞர் இரா. இரவி !

மற்ற மேதகு எல்லாம் பெயருக்குத்தான் மேதகு !
மாமனிதர் அப்துல் கலாமிற்கான மேதகுதான் உண்மை !

ஆடம்பரம் ஆர்ப்பாட்டம் அறியாத எளியவர் !
அனைவரின் உள்ளம் வாழும் நல்லவர் !

உலகப் பொதுமறையின் வெற்றிக்கு வழிவகுத்தவர் !
உலகம் போற்றிய இராமேசுவரத்துப் பச்சைத் தமிழர் !

நூலகரை மதித்து பதவிஏற்பு விழாவிற்கு அழைத்தவர் !
நூல்களை மதித்து இல்லத்தில் நூலகம் அமைத்தவர் !

குடியரசுத் தலைவர் பதவிக்கும் மேலாக !
கற்பிக்கும் பேராசிரியர் பணியினை விரும்பியவர் !

மாணவர்களின் நெஞ்சத்தில் பசுமரத்தாணியாகப் பதிந்தவர் !
மாணவர்களின் வெற்றிக்கு இறுதிமூச்சு வரை உழைத்தவர் !

பேக்கரும்பில் பேசாமல் படுத்து இருந்தாலும் !
பேசிக்கொண்டு தான் இருக்கிறோம் அவரைப்பற்றி !

தன்னலமின்றி பொதுநலமாக வாழ்ந்ததால் !
தரணியில் மறைந்தும் வாழ்கிறால் மனங்களில் !

மனிதநேய மாமணியாக வாழ்ந்திட்ட வல்லவர் !
மனிதர்களை மதிக்கும் மாண்புகள் கொண்டவர் !

முன்மாதிரியாக வாழ்ந்து காட்டிய மாமனிதர் !
முற்றும் துறந்த முனிவர்களையும் வென்றவர் !

மூடநம்பிக்கைகளுக்கு முற்றுப்புள்ளியை வைத்தவர் !
மூளையை அறிவியலுக்கு முற்றாகப் பயன்படுத்தியவர் !

காந்தியடிகளுக்குப் பிறகு உலகமே நேசித்த புனிதர் !
காந்தியடிகளுக்கு இணையாக மக்களை நேசித்த மாமனிதர் !

.