ராசாத்தி அம்மாச்சி-கவிதை

by K.Senthil kumar Fri Nov 13, 2015 1:22 pm

First topic message reminder :

மாந்தோப்பு பக்கத்துல
தைலக்காட்டு ஓரத்துல
ஆடு மேய்ச்சலுக்கு
ஆசையாத்தான் போயிருந்தேன்

அர மைல் தூரத்துக்கு
அப்புறமா போகயில
ராசாத்தி அம்மாச்சி
ஒப்பாரி கேட்டுறுச்சி

காடெல்லாம் போயிவந்து
காசு கொடுத்தாரே
ஊரெல்லாம் போயிவந்து
ஊதியத்த கொடுத்தாரே

கால்சட்ட பைக்குள்ள
காசெடுத்து வப்பாரே
கள்ளு குடிக்கத்தான்
கச்சிதமா வப்பாரே

ஆறுபடி நெல்லுக்கு
அக்கறைக்கு போனப்ப
ஆத்தோட போயிட்டாரு
அன்பு மவராசன்

அம்மாடி ராசாத்தி
உம்ம பாட்டு இனிக்கலையே
ஒரு மாசம் முன்னாடி

சாணம் வாரி போடத்தான்
சத்து கெட்டு போயிருச்சோ
பொழப்புக்கு போகத்தான்
புத்தி கெட்டு போயிருச்சோ

நீ வச பாடி தீத்த கத
எங்களுக்கு தெரியாதோ
ஆனாலும் அந்த மவராசன்
அமைதியாத்தான் கேட்டாரே
இத்தனையும் நடந்த கத
ஒரு மாசம் முன்னாடி

ஒரு மாசம் பின்னாடி
உம்ம பாட்டு கசக்கலையே
ஒரு வார்த்த கேக்கத்தான்
உம்புருசன் இருக்கலையே

உள்ளுக்குள்ள பாசத்த
பொத்தி பொத்தி வச்சிட்டியே
உன்பாசம் தெரிஞ்சிக்கத்தான்-அந்த
உததமன காணலையே

எப்படி இருந்தாலும்
மருதவீரன் தாத்தாவோட
மனசுக்கேத்த மவராசி
ராசாத்தி அம்மாச்சி....

by kandhasami saravanan Wed Dec 30, 2015 7:27 am

மிக அருமை செந்தில்!
தமிழ் வார்த்தைகளை தாங்கள் கவிமாலையாய் கோர்ப்பதிலேயே தெரிகிறது தங்களின் கவித்திறன்!

வாழ்த்துக்கள்!

ராசாத்தி அம்மாச்சி-கவிதை - Page 2 3838410834

by K.Senthil kumar Wed Dec 30, 2015 7:30 am

நன்றி திரு சரவணன் அவர்களே...

தங்களுடைய கவிதைகளும் மிகவும் அருமையாக இருக்கிறது..

கவிபாடும் புலவனுக்கு புகழ் பாட வார்தையில்ல.
கவி மழை பொழிவதற்கு பொன்னான வார்த்தைகளால்.
ஊரெங்கும் மழை பேஞ்சி பாழ்படுத்தி போனதம்மா.
நாடெங்கும் மழை பேஞ்சி நாசமா போனதம்மா(எங்கள் )
நாமக்கல் மாவட்டத்தில் ஓரு சொட்டு பேயிலம்மா.

வயலெல்லாம் கரடாச்சி வரப்பெல்லாம் மேடாச்சி.
பிள்ளைங்க பிழைப்பை தேடி ஊரை விட்டு போயாச்சி.
மரமெல்லாம் காஞ்சாசி மனசெல்லாம் ரணமாச்சி.
மழை தண்ணி வருமானு வானத்தை பார்த்து நின்னேன்.

கவிஞர் செந்தில் கவி மழை இல்லையென்றால்
காஞ்சிருக்கும் என் மனதும்..

மழை -கவிதை.

நன்றி செந்தில்

by K.Senthil kumar Wed Dec 30, 2015 8:40 am

கார்த்திக் நீங்கள் மட்டும்தான் புகழ்வீர்களா?
நானும் என் பங்கிற்கு
கவிமாலை சூட்டுகின்றேன் கார்திக்ஜெயராம் என்ற தலைப்பில் பதிவிட்டுரிக்கிறேன்
பார்த்துக்கொள்ளுங்கள்..