வேதாளம் - ரஜினிகாந்த் சாதனையை முறியடித்த அஜித்

by **ராஜா** Wed Nov 11, 2015 2:00 pm

வேதாளம் - ரஜினிகாந்த் சாதனையை முறியடித்த அஜித்

தீபாவளி தினமான நேற்று வெளிவந்த வேதாளம் திரைப்படம் முதல் நாளிலேயே சுமார் 20 கோடி வசூல் செய்திருக்கலாம் என கோலிவுட் வட்டாரங்கள் தெரிவிக்கின்றன. இதுவரை வெளிவந்த அஜித் படங்களை விட இந்தப் படத்திற்கு மிகப் பெரும் எதிர்பார்ப்பு இருந்தது. முன் பதிவு ஆரம்பமான நாளிலிருந்தே விறுவிறுப்பாகவும் நடைபெற்றது.

நேற்று விடுமுறை தினம் என்பதாலும், தீபாவளி தினம் என்பதாலும் தமிழ்நாடு முழுவதிலும் பெரும்பாலான திரையரங்குகள் அரங்கு நிறைந்த காட்சிகளாகவே நடந்திருக்கிறது. பல திரையரங்குகளில் காலை 5 மணி காட்சியும் 8 மணி காட்சியும் நடந்துள்ளது. அவையனைத்தையும் கணக்கில் சேர்த்தால் நேற்று மட்டும் சுமார் 20 கோடி ரூபாய் வசூல் செய்திருக்கலாம் என்கிறார்கள். உலகம் முழுவதும் வசூலான தொகையையும் சேர்த்தால் அது இன்னும் அதிகரிக்க வாய்ப்பிருக்கலாம்.

தமிழ்த் திரையுலகில் இதுவரை யாரும் செய்யாத ஒரு சாதனையை அஜித் செய்திருக்கிறார் என்றே கோலிவுட் வட்டாரங்கள் தெரிவிக்கின்றன. எப்போதுமே அஜித் படம் என்றாலே ஓபனிங் அசத்தலாக இருக்கும். இந்தப் படத்திற்கு அசத்தலோ அசத்தலாக இருந்தது என்கிறார்கள். ரஜினிகாந்த் நடித்த எந்திரன் படத்தின் முதல் நாள் வசூலான 12 கோடி ரூபாயை வேதாளம் முறிடியத்து, ரஜினிகாந்த் சாதனையையும் அஜித் முறிடியத்து விட்டார் என்றே சொல்கிறார்கள். அடுத்தடுத்த நாட்களில் இந்த வசூல் சாதனை அதிகமாகவே வாய்ப்புண்டு.

அஜித் ரசிகர்களின் ""அபிஷேகம்! :clapping:

அஜித்தைப் பொறுத்தவரை தனது ரசிகர்கள் டீசன்டானவர்களாக இருக்க வேண்டும். அப்பா அம்மாவை கவனிக்க வேண்டும் என்று நினைப்பவர். அதனால்தான் ஒரு கட்டத்தில் தனது ரசிகர்களை சிலர் அரசியலுக்கு பயன்படுத்து விசயம் தெரிந்ததும் உடனடியாக ரசிகர் மன்றங்களையே கலைத்து விட்டார். ஆனபோதும், அவரது ரசிகர்கள் அவரது ஒவ்வொரு படங்கள் வெளியாகும்போது வழக்கம்போலவே பேனர், கட்அவுட் வைத்து அஜித் படங்களுக்கு வரவேற்பு கொடுத்து வருகின்றனர்.

அந்த வகையில், ஆரம்பம், மங்காத்தா படங்களுக்குப் பிறகு அஜித் நடித்து வெளியான ஒவ்வொரு படங்களுக்குமே ரசிகர்கள் பெரிய ஆதரவு கொடுத்து வரும்நிலையில், நேற்று (10ம் தேதி) வெளியான வேதாளம் படத்திற்கும் தமிழகமெங்கிலும் பலத்த வரவேற்பு கொடுத்துள்ளனர். குறிப்பாக, திருநெல்வேலி, மதுரையில் வேதாளம் படம் பார்க்க ரசிகர்கள் பெரிய அளவில் படையெடுத்துள்ளார்களாம். அந்த வகையில், திருநெல்வேயில் ஒரே நாளில் ஒரே தியேட்டரில் 14 லட்சம் வரை வேதாளம் வசூலித்திருப்பதாக சொல்கிறார்கள்.

அதேபோல், மதுரையில் முதல்நாள் முதல் காட்சியை அதிகாலை 3 மணிக்கு பார்க்க வந்தபோது, குறித்த நேரத்தில் படம் திரையிடப்படாததால் ரசிகர்கள் ரகளையில் ஈடுபட்டார்களாம். அதோடு, சாலையில் சென்ற பேருந்துகளிலும் கற்களை வீசி கண்ணாடிகளை உடைத்துள்ளனர். இதையடுத்து போலீசார் தடியடி நடத்தி ரசிகர்களை விரட்டியடித்துள்ளனர். மேலும், தனது கட்அவுட் களுக்கு பாலாபிஷேகம் செய்வதையே விரும்பாதவர் அஜித். இருப்பினும், மதுரையில் உள்ள ஒரு தியேட்டர் வாசலில் வைக்கப்பட்டுள்ள அஜித் கட்அவுட்டுக்கு முன்பு சில ரசிகர்கள் ரத்தத்தால் அபிஷேகம் செய்தார்களாம்.

தூங்காவனமா ? வேதாளமா ? :clapping:

தீபாவளி தினமான நேற்று தூங்காவனம், வேதாளம், இஞ்சி மொறப்பா ஆகிய மூன்று படங்கள் வெளிவந்தன. அதில் தூங்காவனம், வேதாளம் படத்திற்கிடையேதான் போட்டி. ஆனால், கமல்ஹாசனே இது போட்டியில்லை, கூட்டணி என்று சொல்லிவிட்டதால் நாமும் கூட்டணி என்றே சொல்வோம். இருந்தாலும் இந்தக் கூட்டணியில் தனித்து யார் முன்னிலை பெற்றிருக்கிறார்கள் என்று பார்த்துதானே ஆக வேண்டும்.

கமல்ஹாசன், த்ரிஷா, பிரகாஷ்ராஜ் மற்றும் பலர் நடித்துள்ள தூங்காவனம் படம் கிளாஸ் ஆக இருக்கிறது என்றுதான் படம் பார்த்த பலரும் கருத்துத் தெரிவித்துள்ளார்கள். ஆனாலும், ஏ சென்டர்களைத் தவிர்த்து மற்ற பி அன்ட் சி சென்டர்களில் படத்திற்கு எப்படிப்பட்ட வரவேற்பு கிடைக்கும் என்பது இனிமேல்தான் தெரியும். மற்றபடி தரத்தைப் பொறுத்தவரையில் வேதாளம் படத்தை விட தூங்காவனம் ஒரு படி முன்னேதான் உள்ளது என்கிறார்கள்.

அஜித், ஸ்ருதிஹாசன், லட்சுமி மேனன் மற்றும் பலர் நடித்துள்ள வேதாளம் படம் மாஸ் ஆக இருக்கிறது என்றுதான் பலருடைய கருத்து. அதிலும் அஜித் ரசிகர்கள் இந்தப் படம் அஜித்துக்கு ஒரு பாட்ஷா என்றே சொல்கிறார்கள். ரசிகர்களை முற்றிலும் திருப்திப்படுத்தக் கூடிய ஒரு படத்தில் நீண்ட நாட்களுக்குப் பிறகு அஜித் நடித்திருக்கிறார். ஆனாலும், படத்தின் கதையில் ரஜினிகாந்த் நடித்த பாட்ஷா படத்தின் சாயலும், சரத்குமார், நமீதா நடித்த ஏய் படத்தின் சாயலும் இருக்கிறது என்பதை மறுப்பதற்கில்லை. இந்த இரண்டு படங்களையும் கலந்து ஒரு கதையை உருவாக்கி முழு மசாலாவை அள்ளித் தெளித்திருக்கிறார் இயக்குனர் சிவா.

இருந்தாலும் வசூல் ரீதியாக வேதாளம் படத்தை தூங்காவனம் படத்தால் நெருங்க முடியாது என்றே சொல்கிறார்கள்.

நன்றி - Tamilrockers

by **ஜாஹீதாபானு** Wed Nov 11, 2015 2:34 pm

படம் பார்த்தாச்சா ராஜா?

அஜீத் படத்திற்கு இந்த அளவு வரவேற்பு எதிர்பார்த்ததே. இளையர் பட்டாளம் இதற்கு சாட்சி.
கமல்ஹாசன் படம் இதற்கு சளைத்தது இல்லை. அவரின் நடிப்பு பற்றி குறைத்து மதிப்பிட ஒன்றுமில்லை.

by **ராஜா** Wed Nov 11, 2015 3:08 pm

ஜாஹீதாபானு wrote:படம் பார்த்தாச்சா ராஜா?

இப்ப தான் டவுன்லோட் போட்டுள்ளேன் , இரவு பார்க்கணும்.
theater சென்று பார்த்தால் குழந்தைகளுக்கு போரடித்து கொஞ்ச நேரத்தில் வெளியே போகணும் என்று தொந்தரவு. பெரும்பாகும் கான்டீன்ல தான் நிற்பேன் புன்னகை

by **ஜாஹீதாபானு** Wed Nov 11, 2015 3:16 pm

ராஜா wrote:
ஜாஹீதாபானு wrote:படம் பார்த்தாச்சா ராஜா?
இப்ப தான் டவுன்லோட் போட்டுள்ளேன் , இரவு பார்க்கணும்.
theater சென்று பார்த்தால் குழந்தைகளுக்கு போரடித்து கொஞ்ச நேரத்தில் வெளியே போகணும் என்று தொந்தரவு. பெரும்பாகும் கான்டீன்ல தான் நிற்பேன்

மேற்கோள் செய்த பதிவு: 1174178

மொபைல டவுன்லோட் செய்வீங்கள? என் பொண்ணு டவுன்லோட் செய்யச் சொன்னா.