தோல்வி இல்லை ! கவிஞர் இரா .இரவி !

**eraeravi** · **eraeravi** Wed Nov 11, 2015 8:28 am

தோல்வி இல்லை ! கவிஞர் இரா .இரவி !
----------------------

விரக்தி வேண்டாம் விரட்டி விடு
கவலை வேண்டாம் களைந்து விடு

துக்கம் வேண்டாம் துரத்தி விடு
துயரம் வேண்டாம் துறந்து விடு

மகிழ்ச்சி வேண்டும் மகிழ்வாய் இரு
இன்பம் வேண்டும் இன்முகமாய் இரு

புன்னகை வேண்டும் சிரித்தே இரு
தன்னம்பிக்கை வேண்டும் விழித்தே இரு

முயற்சி வேண்டும் வெற்றி பெறு
பயிற்சி வேண்டும் திறமைகள் பெறு

இலட்சியம் வேண்டும் பயணம் தொடரு
உழைப்பு வேண்டும் உறக்கம் குறைத்திரு

நெருப்பு வேண்டும் நெஞ்சில் வைத்திரு
துடிப்பு வேண்டும் நரம்பில் அணிந்திரு

முயன்றால் முடியாதது எதுவுமில்லை உலகில்
முனைப்போடு முயன்றால் தோல்வி இல்லை உலகில்

**பழ.முத்துராமலிங்கம்** · 27/09/2015

விரட்டி விடு
களைந்து விடு
துரத்தி விடு
துறந்து விடு
மகிழ்வாய் இரு
இன்முகமாய் இரு
சிரித்தே இரு
விழித்தே இரு
வெற்றி பெறு
திறமைகள் பெறு
பயணம் தொடரு
உறக்கம் குறைத்திரு
நரம்பில் அணிந்திரு
நெஞ்சில் வைத்திரு
இந்த வரிகள்
ஒரு உந்துதலை தூண்டுகிறது.