நீரிழிவு நோய்க்கு ஆயுர்வேத மாத்திரை5 ரூபாய்க்கு விற்பனை

ChitraGanesan · ChitraGanesan Wed Oct 28, 2015 5:47 pm

நீரிழிவு நோய்க்கு ஆயுர்வேத மாத்திரை5 ரூபாய்க்கு விற்பனை செய்ய:

நீரிழிவு நோயாளிகளுக்காக உருவாக்கப்பட்ட, பக்க விளைவுகளற்ற ஆயுர்வேத மாத்திரை, அறிவியல் ரீதியில் சோதிக்கப்பட்டு, விரைவில் விற்பனைக்கு வரவுள்ளது. சி.எஸ்.ஐ.ஆர்., எனப்படும், அறிவியல் மற்றும் தொழில் ஆராய்ச்சிக் குழுவின் இரு ஆய்வுக்கூடங்கள் சேர்ந்து, நீரிழிவு நோய்க்கான, ஆயுர்வேத மாத்திரையை உருவாக்கி உள்ளன. ஆயுர்வேதத்தில் கூறப்பட்டுள்ள, நான்கு தாவரங்களிலிருந்து பெறப்பட்ட மூலப்பொருட்களை வைத்து, தயாரிக்கப்பட்ட இம்மாத்திரை, 'டயாபடிஸ் மெலிடஸ்' எனப்படும், நீரிழிவு நோயின் இரண்டாம் வகையால் பாதிக்கப்பட்டவர்கள் உட்கொள்ளக் கூடியது; பக்க விளைவுகள் ஏற்படாது.

இதற்கு, 'பிஜிஆர் - 34' என பெயரிடப்பட்டு உள்ளது. நீரிழிவு நோய்க்கான ஆயுர்வேத மருந்துகள், ஏற்கனவே, விற்பனையில் இருந்தாலும், அவை, அறிவியல் ரீதியில் சோதிக்கப்படாதவை. தற்போது தயாரிக்கப்பட்டுள்ள, பிஜிஆர் - 34 மாத்திரை, விலங்குகளை கொண்டு அறிவியல் ரீதியாக சோதிக்கப்பட்டுள்ளது; சோதனையில், 67 சதவீதம், வெற்றிகரமாக இருந்ததாக, மூத்த விஞ்ஞானி ராவத் கூறினார். 'பிஜிஆர் - 34 மாத்திரை, ரத்தத்தில், சர்க்கரை அளவை சீராக வைத்திருக்கும்; அதிக சர்க்கரை அளவால், ஏற்படும் ஆபத்துகளை தவிர்க்கும்' என, அறிவியல் மற்றும் தொழில் ஆராய்ச்சிக் குழு தெரிவித்துள்ளது. இம்மாத்திரைகளை, 'ஐமில் பார்மசூட்டிகல்ஸ்' நிறுவனம் விற்பனை செய்கிறது. 15 நாளில் விற்பனைக்கு வரவுள்ள, இம்மாத்திரை ஒன்றின் விலை, ஐந்து ரூபாயாக இருக்கும் எனத் தெரிகிறது. நன்றி இன்பாக்ஸ் கார்த்திகேயண்

**விஸ்வாஜீ** · **விஸ்வாஜீ** Wed Oct 28, 2015 8:30 pm

விற்பனைக்கு வந்தவுடன் நினைவுப்படுத்துங்கள் அண்ணா

**M.Jagadeesan** · **M.Jagadeesan** Thu Oct 29, 2015 6:48 am

மதுமேகம் ( நேரிசை வெண்பா )
=========
லட்டும் அதிரசமும் ஜாங்கிரியும் முன்பிருக்க
பிட்டு ருசிக்க முடியலையே!-கட்டுடலை
மெல்லக் கரைக்கின்ற சர்க்கரை நோயென்னும்
தொல்லைக்கு என்செய்வேன் கூறு.
.

சர்க்கரை நோயைப் பயன்படுத்தி நிறையப்பேர் கல்லா கட்டுகிறார்கள் . பிஜிஆர் - 34 மாத்திரை அப்படி இருக்காது என்று நம்புவோமாக !