செய்கூலி, சேதாரம் இல்லாம நகையை வாங்குவேன்...!!

-
–
‘‘அந்த பட்டாசுக் கடையில் மட்டும் கூட்டம் அள்ளுதே…
எப்படி?’’
–
‘‘ஊசி’ வெடி எப்படி வெடிக்கிறதுன்னு அழகான நர்ஸ்
‘டெமோ’ பண்ணிக் காட்டறாராம்!’’
–
– பர்வீன் யூனுஸ், ஈரோடு
–
———————————————-
–

‘‘நான் ஒவ்வொரு தீபாவளிக்கும் நகை வாங்கும்போது
செய்கூலி, சேதாரம் இல்லாம பார்த்துதான் வாங்குவேன்…’’
–

‘‘அப்படியா! எங்க வாங்குவீங்க?’’
–
‘‘என் மாமனார் வீட்டுலதான்…’’
–
– யுவகிருஷ்ணா, தூத்துக்குடி.
–
———————————————–
–

‘‘வேலைக்காரி வந்த பிறகு தான் தீபாவளிக்குப் புடவை
எடுக்கப் போகணுமா…. ஏன்?’’
–
‘‘பக்கத்து வீட்டுக்காரி எத்தனை புடவை எடுத்தாள்னு
அவ சொல்லுவா… அதைவிட அதிகமா ஒரு புடவை
எடுக்கத்தான்!’’
–
– பர்வீன் யூனுஸ், ஈரோடு.

–
——————————————-
–
தத்துவம் மச்சி தத்துவம்
–
என்னதான் பாம்பு மாத்திரைன்னாலும், அது வெடிக்கடையில
தான் கிடைக்கும். மெடிக்கல் ஸ்டோர்ல கிடைக்காது!
–
– நாக தோஷம் நீங்க பாம்பு மாத்திரை கொளுத்துவோர் சங்கம்
– வி.சகிதா முருகன், தூத்துக்குடி.
–
——————————————

‘‘ஹலோ சார்!
நாங்க சிவகாசியில் இருந்து பேசுறோம்… நீங்க ஆர்டர் செஞ்ச
ராக்கெட்டெல்லாம் ரெடியாயிருச்சு…’’
–
‘‘நீங்களே பத்த வச்சு இங்கே அனுப்பி விட்டுருங்களேன் சார்!’’
–
– யுவகிருஷ்ணா, தூத்துக்குடி.
–
———————————————-
–

‘‘தீபாவளியும் அதுவுமா தலைவருக்கு வெடிகுண்டு மிரட்டல்
வந்துச்சாமே?’’
–
‘‘நீ வேற… பட்டாசுக் கடையில போன தீபாவளிக்கு வச்ச
பாக்கியைக் கேட்டதைத்தான் அப்படிச் சொல்றாரு அந்த மனுஷன்!!’’
–
– யுவகிருஷ்ணா, தூத்துக்குடி.
–
————————————————
–

தத்துவம் மச்சி தத்துவம்
–
என்னதான் ரயில் வெடின்னாலும், அதையும் சிவகாசியிலதான்
செய்வாங்க. பெரம்பூரில் செய்யமாட்டாங்க…
–
– தீபாவளிக்கு நான்கு மாதத்திற்கு முன்பே ஊருக்கு டிக்கெட்
ரிசர்வ் செய்தோர் சங்கம்

– வி.சகிதா முருகன், தூத்துக்குடி.
–
———————————————-
–

ரமணியன்