நேற்று டெல்லி , இன்று பிகார் , நாளை இந்தியா !

Rநேற்று டெல்லி , இன்று பீகார் , நாளை இந்தியா !

தனி மெஜாரிட்டியைத் தவறாக பயன்படுத்தினால் இதுவும் கிடைக்கும்; இதுக்கு மேலயும் கிடைக்கும்.தேர்தல் மேடைகளில் மட்டும் வாயாலேயே வடை சுட்டா போதுமா மோடி அவர்களே ? உங்களின் செயல்பாடு மைனஸில் இருக்கிறது. காங்கிரஸ் ஆட்சியில் நிர்வாகம் செயல்படவேயில்லை. தற்போதைய ஆட்சியில் நிர்வாகம் என்பதே இல்லை.

யார் ஆட்சிக்கு வந்தாலும் பெருமுதலாளிகளின் நலன்களைத் தான் முதலில் கவனிப்பார்கள் என்பது உலகறிந்த விசயம். முந்தைய ஆட்சிகளில் மறைமுகமாக பெருமுதலாளிகளுக்கு சலுகைகள் தந்தனர். தற்போதைய ஆட்சியில் மிகவும் வெளிப்படையாக சலுகைகள் தருகின்றனர். "பெருமுதலாளிகள் எந்தவித வரியும் கட்ட வேண்டியதில்லை " என்று சட்டம் கொண்டு வந்தாலும் ஆச்சரியப்படுவதற்கில்லை.

இந்தியாவிற்கு பிரதமர் மோடியா ? அருண் ஜேட்லியா ? என்ற சந்தேகம் அடிக்கடி வருகிறது. அன்று சோனியாவின் பொம்மை , மன்மோகன் சிங் . இன்று இந்துத்துவா சக்திகளின் பொம்மை , மோடி. சுதந்திரமான செயல்பாடு இருவருக்குமே இல்லை. பொம்மைகள் மட்டுமே இந்தியாவை ஆளும் நிர்கதியற்ற சூழலில் வாழ்ந்து வருகிறோம்.

உலகெங்கிலும் மனிதர்களிடையே சகிப்புத்தன்மை குறைந்து வருவது வெளிப்படையாகத் தெரிகிறது. பல இடங்களில் மதங்களின் பெயரால் , குழுக்களின் பெயரால் மனிதர்கள் பிரிக்கப்பட்டு கொடுமைப்படுத்தப் படுகின்றனர். பல்வேறு விதமான பிரச்சனைகளுக்கு மத்தியில் தொடர்ந்து மத சகிப்புத்தன்மையை
கைவிடாது கடைபிடிக்கும் நாடு தான் இந்தியா. ஆனால் , அந்த சகிப்புத்தன்மையையே மிக வெளிப்படையாக மலினமான முறையில் , கேள்விக்குள்ளாக்க அனுமதித்து கொண்டிருப்பது மட்டுமே தற்போதைய மெஜாரிட்டி அரசின் சாதனை.அந்தச் சாதனையின் பலனைத் தான் டெல்லியிலும் , பிகாரிலும் பெற்றுள்ளனர். இவிங்களுக்கு அவிங்களே பரவாயில்லை என்று தான் நினைக்க வைக்கிறார்கள்.

எந்தவித பலனையும் பெறாமல் , போதிய வருமானமில்லாமல் , தொடர்ச்சியான விலைவாசி உயர்வுக்கு மத்தியில் நிர்கதியாக தனது ஒவ்வொரு நாளையும் கடத்தி வருகிறான் , சாமானிய மனிதன்.

குஜராத் லயும் இதைதா தான் செஞ்சிருப்பாங்க போல. கொஞ்சம் கொஞசமாக குஜராத்தை பெருமுதலாளிகளுக்கு வித்துவிட்டு வெளியில வளர்ச்சி , வளர்ச்சி னு கூவினது போல , இந்தியாவையும் கொஞ்சம் கொஞ்சமாக வித்துவிட்டு வளர்ச்சி வளர்ச்சினு கூவுவாங்க போல !

எதிர்பார்த்தது பா.ஜ.க வால் நடைபெறவில்லை என்பது உண்மை.