‘வெடி’யை தியாகம் செய்த கிராம மக்கள்

-
திருப்புத்துார்:
பறவை குஞ்சுகளை அதிர்ச்சியடையச் செய்யக்கூடாது
என்பதால்,வெடி வெடித்து தாங்கள் மகிழ்ச்சியடைவதை
கூடகைவிட்டுள்ளனர்.சிவகங்கை மாவட்டத்திலுள்ள
கிராம மக்கள் திருப்புத்துார்- மதுரை ரோட்டிலுள்ள
வேட்டங்குடி பறவைகள் சரணாலயத்திற்கு ஆண்டு தோறும்
20 ஆயிரத்திற்கும்மேற்பட்ட பறவைகள் வந்து இனவிருத்தி
செய்யும்.

கேட்டல் ஈகரெட்,ஓபன் பில்ட் ஸ்டார்க், பெயின்டட் ஸ்டார்க்,
ஸ்பூன் பில், கிரே ஹெரான், நைட் ஹெரான், ஓயிட் ஐபீஸ்,
பிளாக் ஐபீஸ், கூட்,லார்ஜ் கார்மரண்ட், ஸ்நேக் பேர்ட்,கூஸ்
உள்ளிட்ட பல வகையான பறவைகள் பல்வேறு பகுதிகளில்
இருந்து வருகின்றன.ஆகஸ்ட் துவங்கி தண்ணீர் இருந்தால்
ஏப்.,வரைபறவைகள் தங்கியிருக்கும். மூன்று கண்மாய்கள்
கொண்ட இந்தசரணாலயத்தில், சின்னக்கொள்ளுக்குடிப்பட்டி
கண்மாயில் தான் பறவைகள் விரும்பித் தங்குவது வழக்கம்.

காரணம், இக்கிராமத்தினர் பறவைகளைக் கூடுதலாக
நேசிப்பதே. தங்கள் வீட்டிற்கு வரும் விருந்தினர்களைப் போல
வரவேற்கின்றனர்.பறவைகளின் வருகையை வைத்தே, பருவ
மழையைக்கணக்கிடுகின்றனர் இக்கிராமத்தினர்.

ஆகஸ்ட் இறுதியில் வரும் பறவைகள் மரங்களில் தங்கி கூடு
கட்டினால் மட்டுமே மழை வரும், என்று எதிர்பார்க்கின்றனர்.
இதனால் பறவைகள் கூடு கட்டி முட்டை இட்டுகுஞ்சு வளரும்
வரை அதற்கு பாதுகாப்பளிக்கின்றனர்.வெடி வெடிக்கும்
போது பறவை குஞ்சுகளுக்குதொந்தரவு தரக்கூடாது என்று
வெடி வெடிப்பதைபல ஆண்டுகளுக்கு முன் நிறுத்தி விட்டனர்.

வெடித்தால் அந்த சப்தத்தில் தாய் பறவைகள்இரைதேடி
வெளியே சென்ற நேரத்தில்,கூட்டில் தனியாக இருக்கும் குஞ்சுகள்
அதிர்ச்சியில் கூட்டிலிருந்து தவறிதண்ணீரில் விழுந்து இறந்து
விடும்.
இதனால் தீபாவளிக்கு மட்டுமின்றி,கிராமத்தில் நடக்கும்
‘நல்லது,கெட்டது’எதற்கும் வெடிப்பதில்லை.

கிராமத்தைச் சேர்ந்த பெண்கள் கூறுகையில்,
பொன்னழகு : வெளியிலிருந்து திருமணமான பெண்களுக்கு சீர்
கொண்டு வருபவர்கள் கூட கிராமத்தினருக்கு தெரியாமல்
வயல்காட்டில் வைத்து விடுவார்கள். சம்பந்தப்பட்ட
குடும்பத்தினர் மட்டும் சென்று எடுத்து வருவார்கள்.

பொருளாதார ஏற்றத்தாழ்வு காரணமாக யாருக்கும்தாழ்வு
மனப்பான்மை ஏற்படக்கூடாது என்று இந்த வழக்கத்தை கடை
பிடிக்கிறோம். அது போலவே, எங்களது விவசாயத்திற்கு
பறவைகளின் எச்சத்தால் கூடுதல் போக விளைச்சல் கிடைக்கும்.

கைமாறு கருதாத பறவைகளுக்காக நாங்கள் வெடிவெடிக்காமல்
கட்டுப்பாடாக இருந்து பாதுகாக்கிறோம்.

சரோஜா:
மூன்று தலைமுறைகளாக பறவைகளைநாங்கள் பாதுகாத்து
வருகிறோம்.பறவைகள் குஞ்சுபொரிக்கும் போது தீபாவளி
வரும்,வெடிச்சப்தம் கேட்டால் குஞ்சுகள் அதிர்ச்சி அடைந்து,
வளர்ந்த பின்,இங்கு பாதுகாப்பு கிடைக்காதுஎன்று மீண்டும்
வராது என்றநாங்கள் எதற்குமே வெடிப்பதில்லை.

மீறி வெடித்தாலும் அபராதம்விதிக்கப்படும் வழக்கம் உள்ளது.
கிராமத்தினரின் கட்டுப்பாட்டைப் பாராட்டி ஆண்டுதோறும்
வனத்துறையினர் தீபாவளிக்கு வீட்டுக்கு வீடு ‘ ஸ்வீட் பாக்ஸ்’
கொடுத்து வாழ்த்துவது வழக்கம்.
–
———————————–
தினமலர்

பறவைக்காக இந்த மக்கள் செய்த தியாகம் அருமை. நன்றி.