அல்சரை குணமாக்கும் கேரட்

by **சிவா** Wed Mar 04, 2009 3:24 pm

இங்கிலீஷ் காய்கறிகளில் முக்கிய இடம் பிடிக்கும் கேரட்டை பிடிக்காதவர்கள் யாரும் இருக்க முடியாது. அந்த கேரட் நமக்கு அள்ளித்தரும் பயன்களும் ஏராளம், ஏராளம்!

கேரட்டில் உள்ள பீட்டா கரோட்டின் புற்றுநோய்க்கு எதிராக செயல்பட்டு புற்றுநோய் வராமல் தடுக்கிறது. மேலும், வயிறு தொடர்பான எந்தவித நோய்கள் வராமலும் தடுக்கும் சக்தியும் அதற்கு உண்டு.

அல்சரால் பாதிக்கப்பட்டவர்கள், உணவில் அதிக காரம் சேர்த்து வயிற்றுவலியை இலவசமாக வரவழைத்துக்கொண்டவர்கள் கேரட்டை சாறு பிழிந்து, வாரத்திற்கு 3 நாட்கள் வீதம் 2 மாதம்வரை சாப்பிட்டு வந்தால் அந்த பாதிப்பில் இருந்து விடுபடலாம். மேலும், வயிறு சம்பந்தப்பட்ட நோய்கள் வராமலும் தடுக்கலாம்.

சிலருக்கு வாயில் எப்போதும் துர்நாற்றம் இருந்துகொண்டே இருக்கும். அவர்கள் பக்கத்தில் நின்று பேசக்கூட முடியாது. அப்படிப்பட்டவர்கள் 2, 3 முறை பல் துலக்கினாலும் கூட அந்த நாற்றம் மட்டும் அவர்களைவிட்டு போகாது. அதற்கு காரணம் வாயோ, பற்களோ அல்ல. வயிற்றுக்குள் இருக்கும் கோளாறுதான்.

வாரம் 5 நாட்கள் மட்டும் கேரட் சாற்றை சர்க்கரை மற்றும் உப்பு இல்லாமல் அருந்தி வந்தாலே போதும். அப்புறம் என்ன? துர்நாற்றம் ஓடியேப் போய்விடும்.

கேரட்டில் நார்ச்சத்து அதிகம் இருப்பதால் நல்ல ஜீரண சக்தியைத் தருகிறது.

பச்சையாக கேரட்டை சாப்பிட்டு வந்தால் பற்களில் உள்ள கரைகள் காணாமல் போய்விடும்.

பசியால் தவிப்பவர்கள் ஒரு கேரட்டை பச்சையாக சாப்பிட்டாலே போதும். பசி அடங்கிவிடும்.

இப்படிப்பட்ட கேரட்டை வாரத்தில் 2, 3 தடவையாவது சமையலில் சேர்த்துப் பாருங்கள். தேவையில்லாமல் எந்த நோய்களும் உங்களை நெருங்காது.