"மோடம்', பணத்தை கொடுத்து ஏமாற வேண்டாம்:பி.எஸ்.என்.எல். அறிவிப்பு

**ayyasamy ram** · **ayyasamy ram** Sun Nov 01, 2015 4:59 am

-
வாடிக்கையாளர்களிடம் மோசடியாக மோடம்,
பணத்தை அளிக்குமாறு கூறி பணம் பறிப்போரிடம் ஏமாற
வேண்டாம் என பி.எஸ்.என்.எல் அறிவித்துள்ளது.
-
இதுகுறித்து அந்த நிறுவனம் சனிக்கிழமை வெளியிட்ட
செய்திக்குறிப்பு:
-
பி.எஸ்.என்.எல். வாடிக்கையாளர்களை சிலர் ஏமாற்றி
வருவதாகப் புகார்கள் வருகின்றன. இதன்படி, "ஃபைபர்
தொழில்நுட்பத்தின்படி
மேம்பட்ட இணைய வசதியை பி.எஸ்.என்.எல். அளிக்கிறது.
இந்த வசதியைப் பெற "மோடம்' கருவியைத் திருப்பிக்
கொடுத்தால், புதிதாக வழங்கப்படும்.
இதற்கான ரூ.2,500 கட்டணம்' என அவர்கள் கூறி வருகின்றனர்.
-
இதுபோன்று புதிதாக பணம் வசூலிப்பதில்லை.
யாராவது மோசடியில் ஈடுபடுவது தெரியவந்தால் உரிய
விவரங்களுடன் பி.எஸ்.என்.எல். வணிகப் பிரிவு -044-28267231-
எண்ணைத் தொடர்பு கொள்ளலாம்.
அருகில் உள்ள காவல் நிலையத்திலும் புகார் அளிக்கலாம்.
வெளி நபர்கள் கூறுவதை நம்பி பணத்தையோ,
இணையத்துக்கான மோடத்தையோ கொடுத்து வாடிக்கையாளர்கள்
ஏமாற வேண்டாம்.
-
மோடம் பழுதானால் மாற்றிக் கொள்ளலாம்:
இணைய வசதி பெற்று ஓராண்டுக்குள் இணைய வசதிக்கான
கருவியில் (மோடம்) பழுது ஏற்பட்டால், வாடிக்கையாளர்கள் ஒரே ஒரு
முறை மாற்றிக் கொள்ளலாம் என செய்திக்குறிப்பில் தெரிவிக்கப்பட்டுள்ளது
-
------------------.

தினமணி