மூளைக்கு வேலை கொடுத்தால் மறதி போயே போச்சு!

**சிவா** · **சிவா** Wed Mar 04, 2009 3:22 pm

ஒரு பொருளை பயன்படுத்திக்கொண்டே இருந்தால்தான் எளிதில் கெட்டுப்போகாது. மாறாக, அதை பயன்படுத்தாமல் ஒரு மூலையில் போட்டுவிட்டால் மாசு படிந்து கெட்டுப்போய்விடும். இதுபோன்றதுதான் மூளையின் செயல்பாடும் என்று கண்டுபிடித்து இருக்கிறார்கள் அமெரிக்க ஆராய்ச்சியாளர்கள்.

இதற்காக 70 முதல் 89 வயது வரையிலான 197 பேரை தேர்ந்தெடுத்து ஆய்வு மேற்கொண்டனர். அவர்களது மூளை செயல்திறன் எந்த அளவுக்கு இருக்கிறது என்று ஆராய்ந்தார்கள். அன்றாடம் அவர்கள் மேற்கொள்ளும் நடவடிக்கைகள், 50 முதல் 65 வயது வரையில் அவர்களது வாழ்வில் நடந்த நிகழ்ச்சிகள் பற்றி கேள்விகள் கேட்னர்.

சிலர் சரியான தகவல்களை சொன்னார்கள். இன்னும் சிலர் எல்லாம் மறந்துபோய்விட்டதாக சொன்னார்கள். மேலும் சிலரால் மேலோட்டமாக மட்டுமே பதில் சொல்ல முடிந்தது.

சரியாக பதில் சொன்னவர்களின் பழக்கவழக்கங்கள் பற்றி கேட்டபோது, அவர்கள் புத்தகம் வாசிப்பது, கைதிறன் வேலைகள் செய்தல், விளையாடுதல், கம்ப்யூட்டர் இயக்குவது போன்றவற்றில் ஆர்வம் கொண்டிருந்ததாக சொன்னார்கள்.

இதுபற்றி ஆராய்ச்சியாளர்கள் கூறும்போது, புத்தகம் வாசிப்பது போன்ற மூளைக்கு வேலை கொடுக்கும் செயல்களை அளவுக்கு அதிகமாக அல்லாமல், தேவையான அளவு மேற்கொள்ளும்போது முதுமையில் வரும் ஞாபக சக்தி இழப்பு ஓரளவு தடுக்கப்படுவது தெரிய வந்துள்ளது என்றனர்.

நீங்களும் மூளைக்கு கொஞ்சம் வேலை கொடுத்துப் பார்த்தால் நிச்சயம் சுறுசுறுப்பாக செயல்படுவீர்கள். ஞாபக மறதிக்கும் குட்-பை சொல்லிவிடலாம்.

மூளைக்கு வேலை கொடுத்தால் மறதி போயே போச்சு!

மூளைக்கு வேலை கொடுத்தால் மறதி போயே போச்சு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக