வரலாற்றில் இன்று - நவம்பர்

by **விமந்தனி** Fri Oct 30, 2015 11:29 pm

First topic message reminder :

வரலாற்றில் இன்று - நவம்பர் - Page 2 MUTpUYHSRI6qmnWtpwRX+November-0

மிகவும் அருமை

by **விமந்தனி** Wed Nov 04, 2015 11:40 pm

வரலாற்றில் இன்று - நவம்பர் - Page 2 Pmtg4KuxQne8NsWWaEn2+November-4

1869 - அறிவியல் இதழ் நேச்சர் முதற்தடவையாக வெளியிடப்பட்டது.

நேச்சர் (Nature) என்பது 1869 ஆம் ஆண்டு நவம்பர் 4 ஆம் நாள் தொடங்கி இன்றும் தொடர்ந்து ஆங்கில மொழியில் வெளிவந்து கொண்டிருக்கும் உயர்தரமான ஓர் அறிவியல் ஆய்விதழ். இது இங்கிலாந்திலிருந்து வெளியாகும் இதழ்.

உலகின் மிக உயர்ந்த உள்ளொழுக்கமுள்ள அறிவியல் ஆய்விதழ்களில் ஒன்றாக இது பார்க்கப்படுகிறது. பெரும்பாலான அறிவியல் சார்ந்த ஆய்விதழ்கள் தற்காலத்தில் தனிச்சிறப்பு பெற்றுள்ளன, அவற்றுள் நேச்சர் போன்ற சில ஆய்விதழ்களான, சயன்சு மற்றும் த புரோசிடிங்சு ஆஃவ் த நேசனல் அக்காடமி ஆஃவ் சயன்சு போன்ற, மற்ற கிழமை (வார) ஆய்விதழ்களையும் மிகச்சிறந்த எடுத்துக்காட்டாகக் குறிப்பிடலாம்.

இவை இன்றளவும் அறிவியல் சார்ந்த துறைகளில் நேர்த்தியான ஆய்வுக்கட்டுரைகளைப் பெருமளவில் வெளியிட்டு வருகின்றன.

பல்வேறு அறிவியல் சார்ந்த ஆய்வுத்துறைகளில் மேற்கொள்ளப்படும் முக்கிய வளர்ச்சி மற்றும் நேர்த்தியான ஆய்வு உள்ளிட்ட நிகழ்வுகள் நேச்சர் ஆய்விதழில் கட்டுரையாகவோ அல்லது கடிதம் (மடல்) அல்லது செய்திக்குறிப்பு வடிவிலோ வெளியிடப்படுகிறது.

ஆய்வுகளை நடத்தி மேற்கொண்டுவரும் அறிவியலாளர்களே இவ் ஆய்விதழுக்கு முதன்மையான பார்வையாளர்களாவர், அதே சமயம் தொகுப்புகள் மற்றும் தொடர் கட்டுரைகள் உள்ளிட்டவை மிகவும் முக்கிய ஆவணங்களை மற்ற துறைகளில் உள்ள பொது மக்கள் மற்றும் அறிவியாளர்கள் புரிந்துகொள்ள வழிவகை செய்து தருகின்றன.

தற்போதைய நடப்புகள், அறிவியலுக்காக ஒதுக்கப்பட்ட நிதி, வியாபாரம், அறிவியல் நோக்கிலான நன்னெறிகள் மற்றும் ஆய்வு குறித்த முன்னேற்றங்கள் உள்ளிட்ட நிகழ்வுகளை அறிவியலாளர் அறிந்து கொள்ளும் வகையில் வெளியிடப்படும் செய்திகள், கட்டுரைகள் மற்றும் தலையங்கங்கள் ஆகியவை ஆய்விதழின் முக்கிய பகுதிகளாகும்.

நூல்கள் பற்றிய திறனாய்வுப்பகுதிகளும் இதில் உள்ளன. பத்திரிகையின் மீதமிருக்கும் பகுதியானது பெரும்பாலும் பெரிய தொழில்நுட்பத்தை விவரிக்கும்படியான ஆய்வுக் கட்டுரைகளைக் கொண்டிருக்கும்.

கட்டுப்பாடுகளின் காரணமாக கட்டுரையின் நீளத்தைக் குறைக்க வேண்டியுள்ளது, ஆகவே பல்வேறு சூழ்நிலைகளில் கட்டுரையைக் குறித்த சிறிய தொகுப்புகளே வெளியிடப்படுகின்றன, அத்துடன் அக்கட்டுரை தொடர்பான கூடுதலான ஆவணங்கள் பத்திரிகையின் வலைத்தளப் பக்கத்தில் வெளியிடப்படுகின்றன.

நேச்சர் ஆய்விதழ் (அறிவியலுடன் இணைந்து) செய்திகள் மற்றும் மனித நேயத்திற்கான பிரின்சு ஆஃவ் ஆத்துரியசுப் பரிசை 2007 ஆம் ஆண்டில் வென்றது.

by **விமந்தனி** Wed Nov 04, 2015 11:41 pm

வரலாற்றில் இன்று - நவம்பர் - Page 2 ZMrvsnZROWxjzG0XEHuQ+November-5

1940 - பிராங்கிளின் ரோசவெல்ட் ஐக்கிய அமெரிக்காவின் அதிபராக மூன்றாவது தடவையாகத் தேர்ந்தெடுக்கப்பட்டார்.

பிராங்கிளின் டெலானோ ரூஸ்வெல்ட் (Franklin Delano Roosevelt, ஜனவரி 30, 1882 – ஏப்ரல் 12, 1945), 32வது ஐக்கிய அமெரிக்கக் குடியரசுத் தலைவர் ஆவார்.

அரசுத் தலைவராக 1933 முதல் 1945 வரை நான்கு முறை இவர் தெரிவுசெய்யப்பட்டார்.

இரு தடவைகளுக்கு மேல் அமெரிக்கத் தலைவராகத் தெரிவுசெய்யப்பட்டவர் இவர் ஒருவரே.

உலகளாவிய பொருளாதார நெருக்கடி, மற்றும் இரண்டாம் உலகப் போர் ஆகியவற்றில் நேரடிப் பங்கு வகித்த இவர் 20ம் நூற்றாண்டின் முக்கிய அரசியல் தலைவராகவும் ஐக்கிய அமெரிக்காவின் மூன்று முக்கிய குடியரசுத் தலைவர்களில் ஒருவராகவும் கணிகக்ப்படுகிறார்.

by SK Thu Nov 05, 2015 9:39 am

அனைத்தும் அருமை பதிவகள் மேலும் தொடரட்டும்

by **ayyasamy ram** Thu Nov 05, 2015 1:26 pm

Hari Prasath · by Hari Prasath Thu Nov 05, 2015 2:25 pm

by **விமந்தனி** Thu Nov 05, 2015 11:26 pm

SK wrote:அனைத்தும் அருமை பதிவகள் மேலும் தொடரட்டும்

நன்றி SK

by **விமந்தனி** Thu Nov 05, 2015 11:27 pm

ayyasamy ram wrote:

வரலாற்றில் இன்று - நவம்பர் - Page 2 1571444738

by **விமந்தனி** Thu Nov 05, 2015 11:27 pm

Hari Prasath wrote:

by **விமந்தனி** Thu Nov 05, 2015 11:28 pm

வரலாற்றில் இன்று - நவம்பர் - Page 2 PUbElut8TaaRAA6otTPu+November-6

1860 - ஆபிரகாம் லிங்கன் அமெரிக்காவின் 16வது அதிபராகத் தேர்ந்தெடுக்கப்பட்டார். இவரே குடியரசுக் கட்சியில் இருந்து தேர்ந்தெடுக்கப்பட்ட முதலாவது அதிபராவார்.

ஆபிரகாம் லிங்கன் ஐக்கிய அமெரிக்காவின் 16 வது குடியரசுத் தலைவர். அடிமை முறைக்கு எதிர்ப்புத் தெரிவித்து அதனை ஒழிக்க முனைந்தவர்களில் ஒருவர்.

1860ல் மேற்கு மாநிலங்களில் தலைவராக இருந்த இவர் குடியரசுக் கட்சியின் வேட்பாளராகத் தேர்ந்தெடுக்கப்பட்டு அமெரிக்காவின் குடியரசுத் தலைவராக வெற்றி பெற்றார்.

ஐக்கிய அமெரிக்காவைப் பிளவுபடாமல் காக்க, தென் மாநிலப் பிரிவினைக் கருத்தாளர்களை எதிர் கொண்டு உள்நாட்டுப் போர் நடத்தி வெற்றி பெற்றவர்.

இவர் 1863ல் அடிமைகள் விடுதலை பெற புகழ்பெற்ற விடுதலை எழுச்சி அறிவிப்பு ஒன்றை வெளியிட்டார். அதனைத் தொடர்ந்து 1865 ல் ஐக்கிய அமெரிக்காவின் 13 வது அரசியல் சட்டத் திருத்தத்தின் வழி அடிமை முறையை ஒழித்தார்.

இவருடைய தலைவருக்கான பண்புகளை அறிய இவர் நடத்திய உள்நாட்டுப் போர், மற்றும் அடிமை முறையை எதிர்த்து இவர் நாட்டு மக்களுக்கு விழிப்பு ஏற்படுத்து வகையில் எழுப்பிய குரலும் முக்கியமானவை.

கெட்டிஸ்பர்க் சொற்பொழிவு எனப் புகழ்பெற்ற இவர் ஆற்றிய உரை இதற்கு நல்ல எடுத்துக்காட்டு. உள்நாட்டுப் போர் முடியும் தறுவாயில் தென் மாநிலங்களுடன் கடுமையாக இல்லாமல் இணக்கமான முறையில் அமெரிக்க ஒன்றியத்தை நிறுவ முயன்றார்.

இவர் அடிமை முறையை ஒழிப்பதில் ஒரு சிறிதும் தளர்வில்லாமல் உறுதியாக இருந்ததை ஒரு சிலர் கடுமையாக சாடினார்கள் (எ.கா. காப்ர்ஹெட்ஸ்).

ஆனால் வேறு சிலர் இவர் போதிய விரைவுடன் அடிமை முறையை ஒழிக்கவில்லை என்றும், அடிமை முறையை போற்றிய தென் மாநிலங்களிடம் உள்நாட்டுப்போரின் இறுதியில் போதிய அளவு கடுமையாக நடந்துகொள்ளவில்லை என்றும் குற்றம் சாட்டினர்.

இறுதியில் 1865 இவர் வாஷிங்டன் டி.சி யில் உள்ள ஃவோர்டு அரங்கில் ஜான் வில்கிஸ் பூத் என்பவனால் கொல்லப்பட்டார். அமெரிக்க ஒன்றியத்தின் ஒற்றுமைக்காக உயிர் துறந்து புகழ் எய்தினார்.