உடல்நல பாதிப்பால் நடிகர் விவேக் மகன் மரணம்!

by **ayyasamy ram** Fri Oct 30, 2015 5:05 am

-
சென்னை:
உடல் நல பாதிப்பால் சென்னையில் உள்ள தனியார் மருத்துவமனையில் அனுமதிக்கப்பட்டிருந்த நடிகர் விவேக்கின் மகன் சிகிச்சை பலனின்றி உயிரிழந்தார்.
-
பிரபல நகைச்சுவை நடிகர் விவேக்கிற்கு அமிர்தாநந்தினி, தேஜஸ்வனி என்ற இரண்டு பெண் குழந்தைகளும், பிரசன்ன குமார் (13) என்ற மகனும் உண்டு.
-
இவர்களில் பிரசன்ன குமார் மூளை காய்ச்சல் நோயால் பாதிக்கப்பட்டார். கடந்த ஒன்றரை மாத காலமாக சென்னையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார்.
-
இந்நிலையில் சிகிச்சை பலனின்றி இன்று பிரசன்ன குமாரின் உயிர் பிரிந்தது. மகனின் இறப்பு நடிகர் விவேக்கை மிகுந்த துயரத்தில் ஆழ்த்தியுள்ளது.
-
சமீபத்தில்தான் விவேக்கின் தந்தை காலமானார். அந்த சோகம் மறைவதற்குள்ளாகவே விவேக்கின் மகனும் இறந்தது, அவரது குடும்பத்தினரை மேலும் சோகத்தில் ஆழ்த்தியுள்ளது. விவேக் மகன் மறைவுக்கு திரையுலக பிரபலங்கள் பலரும் தங்களது ஆழ்ந்த இரங்கல்களை தெரிவித்து வருகின்றனர்.
-
-எஸ்.மகேஷ்

விகடன்.காம்

by **விஸ்வாஜீ** Fri Oct 30, 2015 8:38 am

மிகவும் வருந்தத்தக்க விசயம், மனதுக்கு மிக வருத்தமாக இருக்கிறது. நடிகர் விவேக்கிற்கு
இறைவன் மனதைரியத்தையும் மனஅமைதியையும் கொடுக்க வேண்டுகிறேன்.
அழுகை

by **M.Jagadeesan** Fri Oct 30, 2015 8:42 am

டெங்கு ஜுரத்தால் இறந்ததாகக் கூறுகிறார்கள் .மிகவும் சோகமான சம்பவம் . அவரது ஆன்மா சாந்தியடையட்டும் .

by **ராஜா** Fri Oct 30, 2015 12:25 pm

கொடுமையான சம்பவம் ... இறைவன் அவருக்கு மனதைரியத்தை கொடுக்கவேண்டும்.

சாதரணமாக காய்ச்சல் வந்தால் அதிகபட்சம் 3 அல்லது 4 நாட்களுக்குள் சரியாகிவிட வேண்டும் அதற்கும் மேல் இருந்தால் உடனடியாக சிறப்பு மருத்துவர்களை அணுகுங்கள்.