சத்து மாத்திரையா? – உஷார்

-
இருபது முப்பது ஆண்டுகளுக்கு முன்பு நடந்த ஆய்வுகள்,
சத்துள்ள காய்கறி, பழங்களை உண்ணும் பழக்கம்
உள்ளவர்களுக்கு புற்றுநோய் வர வாய்ப்பில்லை என்று
அறிவுறுத்தின.

அப்போதைய மருத்துவர்களும் உணவுடனான கூடுதல்
சத்துமாத்திரைகளை ஊக்கப்படுத்துவது இல்லை.

ஆனால் சமீபத்திய ஆய்வுகள் வேறு விதமாகக் கூறுகின்றன.
இன்றைய மக்கள் தமக்குத் தேவையான சத்துக் குறைவைச்
சரிக்கட்டத் தினந்தோறும் வைட்டமின் நிறைந்த ஏதாவது
ஒரு சத்துமாத்திரையை உணவுடனான கூடுதலாகச்
சாப்பிடுவதை வழக்கமாகக் கொண்டுள்ளனர்.

எனவே, அத்தகைய பல்லாயிரம் பேர்களைக் கொண்டு
ஆய்வு செய்ததில், உடலின் தேவைக்கு அதிகமாக வைட்டமின்
சத்தை உண்பவர்களுக்கு அவை நல்லது செய்வதில்லை.
மாறாகப் பலருக்குப் புற்று நோய் ஏற்படவும் காரணம் ஆகி
விடுவதாக ஆய்வு முடிவுகள் தெரிவிக்கின்றன.

அதேபோன்று இதயநோயைக் குறைப்பதற்குத் தரப்படும்
உணவுடனான கூடுதல் சத்தாகிய ஃபோலிக் ஆசிட்
மாத்திரைகள் சிலரிடம் 58 சதவீதம் புற்றுநோய்க்கான
காரணமாகி விடுவதாகவும் கூறுகின்றனர்.

அமெரிக்காவில் 2001க்கும் 2004க்கும் இடையே மேற்கொள்ளப்
பட்ட மற்றொரு ஆய்வில் அளவுக்கு அதிகமான வைட்டமின்
இ சத்து புராஸ்டேட் புற்றுநோய் வளர்ச்சியை 17 சதவீதம்
ஊக்கப்படுத்தலாம் எனக் கண்டறியப் பட்டுள்ளது.

இதெல்லாம் ஏன் இப்படி நடக்கிறது என்பதைத் தெளிவாகக்
கணிக்க முடியவில்லை. ஆனால், அளவுக்கு மேல்
உணவுடனான கூடுதல் சத்தை உண்பது புற்றுநோய்க்கான
காரணத்தை அதிகப்படுத்துவது என்னவோ உண்மை என்கிறார்
டாக்டர் டிம் பையர்ஸ் என்ற ஆராய்ச்சியாளர்.

எனவே, அளவுக்கு மிஞ்சினால் அமுதமும் நஞ்சு என்பது
எத்தனை உண்மை.
–
———————————-
நன்றி – மஞ்சரி:

பயனுள்ள பதிவு