அவள் ஆடை ரத்தம்..! -Mano Red

Mano Red · Mano Red Sat Oct 24, 2015 10:52 am

அந்த நாட்களின் கொடுமை
அவளையும் விடவில்லை,
முள் மீது படுத்தவளாய்
முழுங்க முடியாத எச்சிலுடன்
முனகிக் கொண்டிருந்தாள்.

உடலும் மனமும்
வலியுடன்
பேசிக் கொண்டிருப்பதால்
யாருடனும் பேச மனமின்றி
சுருண்டு கிடந்தாள்.

உணவு கொள்ளவில்லை,
நடக்கத் தெம்பில்லை,
உயிர் அத்தனையும் சுருக்கி
ஒரு புள்ளியில்
நிறுத்தி
வெறுத்து அமர்ந்திருந்தாள்.

அவள் உடலின் மேல்
போர்த்தப்பட்டிருக்கும்
பெண் என்பவளை,
சமுதாயமும்
ஆணாதிக்கக் கற்பிதங்களும்
அன்றுவரை தீட்டாகவே எண்ணி
அருவெறுத்து ஒதுக்கியிருந்தது.

அவள் ஆடை படியும் ரத்தம்
அசுத்தமானது அல்ல,
மனித உடல் கிழித்த
ரத்தம் போல் தூய்மையானது.
தீட்டானவளைத் தெய்வமாக்கும்
கருவின் ஆரம்பம் இது.

அவளுக்கான உலகம் அன்று
உளறிக் கொட்டினாலும்
அவளுக்கான நாட்கள் அன்று
நகர மறுத்தாலும்
அவளுக்கான நிமிடம் அன்று
நின்று எரிந்தாலும்
அவளுக்காக அவள் மட்டும்
அத்தனையும் தாங்கினாள்
பெண்ணாக இருப்பதால்....

**ayyasamy ram** · **ayyasamy ram** Sat Oct 24, 2015 1:30 pm

Mano Red · Mano Red Sat Oct 24, 2015 1:34 pm

ayyasamy ram wrote:

மேற்கோள் செய்த பதிவு: 1171131 ம்ம்ம்ம் சார்...

**T.N.Balasubramanian** · **T.N.Balasubramanian** Sat Oct 24, 2015 1:36 pm

Mano red wrote:அவளுக்காக அவள் மட்டும்
அத்தனையும் தாங்கினாள்
பெண்ணாக இருப்பதால்....

ஆம் அதுதான் உண்மை .

ரமணியன்

Mano Red · Mano Red Sat Oct 24, 2015 1:38 pm

ஆம் அதுதான் உண்மை .

ரமணியன் [/quote] மேற்கோள் செய்த பதிவு: 1171135

ஆமாங்க சார்...இன்னும் அதன்மீதான பார்வை மாறவில்லை..((

mbalasaravanan · mbalasaravanan Sat Oct 24, 2015 4:08 pm

சிலர் தவறாக பார்க்கலாம் இல்லை என்று சொலவில்லை

Mano Red · Mano Red Sat Oct 24, 2015 4:23 pm

mbalasaravanan wrote:சிலர் தவறாக பார்க்கலாம் இல்லை என்று சொலவில்லை

மேற்கோள் செய்த பதிவு: 1171190
ஆமாம்ம்ம்ம்ம்ம்ம்

Hari Prasath · Hari Prasath Sat Oct 24, 2015 5:40 pm

காந்தி மதிவாணன் · 24/10/2015

சாதாரணமான ஒரு உயிரியல் நிகழ்வை, அசுத்தம்-தீட்டு என்று வகைப்படுத்தி ஒதுக்கி வைத்ததன் பின்னால் ஆதிமனிதனின் அறியாமை இருந்திருக்கலாம்; அல்லது வன்விலங்குகளின் வாசனைத்திறன் மீதான அச்சம் இருக்கலாம். மறைகளை, கலைகளை, அறிவியலை. வாழ்வியலை மற்றும் சட்டங்களை படைத்து வாழும் சமூகமாக மாறி இரண்டாயிரம் ஆண்டுகள் ஆனபின்னும அந்தக் குப்பைகளை இன்னும் சுமந்து கொண்டு இருக்குமானால், நிச்சயம் அதற்குப் பின்னால் அரசியலும் ஆனாதிக்கமும்தான் இருக்கின்றன.

அதிகம் படிக்காத கோவில் வளாகத்திலே குடியிருந்த ஸ்ரீ ராமகிருஷ்ண பரமஹம்சர் தன் மனைவியாரிடம் "அசுத்தமும் சுத்தமும் மனதில் மட்டும்தான்; நீ உன் அன்றாட பூஜைகள் செய்", என்று சாதாரணமாக தாண்டிப் போய்விட்டார், பத்தொன்பதாம் நூற்றாண்டிலேயே. அது அசுத்தம் என்றால் அதிலேயே பத்து மாதம் ஊறிவந்த நீ எவ்வளவு அதியசுத்தமானவன் என்று ஜக்கி வாசுதேவ் கேட்கிறார் இன்று. மாதவிடாய் காலங்களில் செய்ய நேரும் குற்றங்களுக்கு தண்டனை குறைப்பு உண்டு இங்கிலாந்தில். ஆண்கள் ஜாக்கிரதை!

நம் கருத்தியல் மாறிக்கொண்டு இருக்கிறது. எல்லோரும் சமநிலை நோக்கி போய்கொண்டு இருக்கிறார்கள். "எவர் என்ன சொல்வது?" என்று பாதுகாப்பு காலங்களில் பாதுகாப்பாகவே கோவிலுக்குள் சென்று வருகிறார்கள் சில பெண்கள்; வெளியில் சொல்லிக்கொள்வதில்லை. எந்த இடியும் பெண்மீது குறிவைத்து விழுவதாய் தெரியவில்லை; மிக உயரமான ராஜகோபுரங்களில் மட்டும் எப்போதேனும் விழுகிறது. கட்டமைப்பின் குற்றமாய் இருக்கலாம். கட்டமைப்புகளை தூக்கி எறிந்து விட்டு தமக்கு வசதியான நம்பிக்கைகளை கட்டமைத்துக்கொண்டு அதில் தனக்கான தெய்வங்களை குடிவைக்கிறாள் பெண். இருப்பத்தோராம் நூற்றாண்டு தெய்வங்கள் பெண்ணை நம்பி இருக்கின்றன கொஞ்சம் வெட்கத்துடன் கொஞ்சம் குற்றத்துடன். அவள் தன்னை நம்பி இருக்கிறாள்.

Namasivayam Mu · Namasivayam Mu Sat Oct 24, 2015 8:39 pm

அவள் ஆடை ரத்தம்..! -Mano Red A2U51d5FSTshkUc3eA5Y+Aasusam

ஆசூசம் ஆசூசம் என்பர் அறிவிலர்
ஆசூசம் ஆனஇடம் ஆரும் அறிகிலார்
ஆசூசம் ஆனஇடம் ஆரும் அறிந்தபின்
ஆசூசம் மானுடம் ஆசூசம் ஆமே-----திருமந்திரம்

Sponsored content · Sponsored content

அவள் ஆடை ரத்தம்..! -Mano Red

அவள் ஆடை ரத்தம்..! -Mano Red

Re: அவள் ஆடை ரத்தம்..! -Mano Red

Re: அவள் ஆடை ரத்தம்..! -Mano Red

Re: அவள் ஆடை ரத்தம்..! -Mano Red

Re: அவள் ஆடை ரத்தம்..! -Mano Red

Re: அவள் ஆடை ரத்தம்..! -Mano Red

Re: அவள் ஆடை ரத்தம்..! -Mano Red

Re: அவள் ஆடை ரத்தம்..! -Mano Red

Re: அவள் ஆடை ரத்தம்..! -Mano Red

Re: அவள் ஆடை ரத்தம்..! -Mano Red

Re: அவள் ஆடை ரத்தம்..! -Mano Red

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக