நூறு

by Hari Prasath Thu Oct 22, 2015 12:53 pm

நூறு என்ற தலைப்பை பார்த்து "இவன் ஏன் இப்படி பதிவுகள் போடுகிறான்" என்று நீங்கள் கோபப்படுவது புரிகிறது.நான் என்ன செய்வது,இது எனது நூறாவது பதிவு.ஏதாவது புதியதாக பதிவிடலாம் என்றுதான் எண்ணியிருந்தேன்.ஒன்றும் புதியதாய் தோன்றவில்லை.எனவே இம்முறையும் பதிவு இல்லை 'பகிர்வு' மட்டுமே
100 (நூறு) (ஆங்கிலம்: One Hundred) என்பது தமிழ் எண்களில் ௱ அல்லது ௧௦௦ என்பதைக் குறிக்கும் இந்து-அராபிய எண் ஆகும்.நூறு என்பது தொன்னூற்று ஒன்பதுக்கும் நூற்று ஒன்றுக்கும் இடைப்பட்ட இயற்கை எண்ணாகும்.

கணிதவியல்
காரணிகள்
நூறின் நேர்க் காரணிகள் 1, 2, 5, 10, 20, 25, 50, 100 என்பனவாகும்.
சிறப்புகள்
விழுக்காடு கணிப்பதற்கு நூறு எண்ணே அடிப்படையாக பயன்படுத்தப்படுகிறது
முதல் ஒன்பது பகா எண்களின் கூட்டுத்தொகை நூறு ஆகும்
நான்கு இணை (சோடி) பகா எண்களின் கூட்டுத்கொகை (47 + 53, 17 + 83, 3 + 97, 41 + 59)
முதல் நான்கு எண்களின் மூன்றடுக்கு கூட்டுத்தொகை நூறு (100 = 13 + 23 + 33 + 43)
அதுமட்டுமின்றி, 26 + 62 = 100, அதனால் 100 என்பது ஒரு லேலண்டு எண் ஆகும்.
நூறு 18- கோண எண்ணாகும்
நூறு ஒரு ஹசார்டு எண் ஆகும்
மிகச்சரியாக 100 பகா எண்களின் இலக்கங்கள் ஏறு வரிசையில் அமைந்த்துள்ளது (எ. கா. 239, 2357 மற்றும் பல)

அறிவியல்
100 என்பது பெர்மியத்தின் அணுவெண் ஆகும்.
செல்சியஸ் அளவுகோளில் 100 என்பது, நீரின் கொதிநிலையைக் குறிக்கும்.

அரசியல்
ஐக்கிய அமெரிக்காவின் மேலவையில் மிகச்சரியாக நூறு உறுப்பினர்கள் உள்ளனர்.
இந்தியாவில் மகாத்மா காந்தி தேசிய ஊரக வேலை உறுதியளிப்புச் சட்டம் என்பதினை நூறு நாள் வேலைவாய்ப்புத் திட்டம் என்றும் அழைக்கப்படுகிறது.

பணம்
பெரும்பாலான நாடுகளில் 100-என்ற எண்ணை அடிப்படையாகக் கொண்டு நாணயம் மற்றும் பண மதிப்பீடு செய்யப்படுகிறது.
எ.கா. 100 பைசா = 1 ரூபாய்
ஐக்கிய அமெரிக்க நூறு டாலர் நோட்டு. 2009 இல் வெளியிடப்பட்டது

பொழுதுபோக்கு
ஒரு திரைப்படம் அல்லது மேடை நாடகம் நூறாவது நாளைக் கடந்து வெற்றிகரமாக நடந்தால், அத்திரைப்படம் அல்லது மேடை நாடகம் மிகப்பெரிய வெற்றி பெற்றதாக எடுத்துக்கொள்ளப்படுகிறது.

விளையாட்டு
பெரும்பாலான விளையாட்டுப் போட்டிகளில் 100 என்ற எண் முக்கிய பங்கு வகிக்கின்றது.
100 மீற்றர் ஓட்டப் பந்தயம் என்பதில் துவங்கி பெரும்பாலான விளையாட்டுப் போட்டிகளில் 100 அல்லது அதனுடைய அடுக்கை அடிப்படையாகக் கொண்டு போட்டியாளர்களின் இலக்கின் தூரம் நிர்ணயிக்கப்படுகின்றன.
துடுப்பாட்டத்தில் ஒருவர் 100 - ஓட்டம் எடுக்கும் பொழுது மைதானத்தில் உள்ள அனைவரும் எழுந்து நின்று அவரைப் பாராட்டுகின்றனர்.

பிற துறைகள்
வரலாற்றில் ஆண்டுகள் 100 அடிப்படையில் நூற்றாண்டுகளாகக் கணக்கிடப்படுகின்றன. நூற்றாண்டில் உள்ள ஆண்டுகளின் எண்ணிக்கை 100
இந்தியா, இசுரேல், நேபாளம் மற்றும் கிரீசு நாடுகளில் 100 என்பது காவல்துறையினரின் தொலைபேசி எண்
பெல்ஜியத்தில், 100 என்பது தீயணைப்பு மற்றும் நோயாளர் ஊர்தியை (ஆம்புலன்சு) தொடர்பு கொள்ள பயன்படும் தொலைபேசி எண்ணாகும்
ஐக்கிய ராச்சிய நாடுகளில், 100 என்பது தொலைபேசி இணைப்பகத்தின் எண்
100 என்பது மீயுரை பரிமாற்ற நெறிமுறையில் வாடிக்கையாளர் தன்னுடைய கோரிக்கையினை தொடர வேண்டும் என்பதற்கான அறிவிப்பு
-------------------------------------------------
நன்றி:விக்கிப்பீடியா

by **T.N.Balasubramanian** Thu Oct 22, 2015 1:03 pm

இந்த பதிவிற்கு உங்களுக்கு 100/100 மார்க் அன்பு மலர்

ரமணியன்

by சசி Thu Oct 22, 2015 8:15 pm

வாழ்த்துக்கள். ரமணியன் ஐயா 100/100 மதிப்பெண் வழங்கி விட்டார். அப்புறம் என்ன?நல்ல பதிவுகளை தொடர்ந்து பதிவிடுங்கள். ஐயா எனக்கு என்ன? மதிப்பெண்?

by **T.N.Balasubramanian** Thu Oct 22, 2015 8:37 pm

Sasiiniyan Sasikaladevi wrote:வாழ்த்துக்கள். ரமணியன் ஐயா 100/100 மதிப்பெண் வழங்கி விட்டார். அப்புறம் என்ன?நல்ல பதிவுகளை தொடர்ந்து பதிவிடுங்கள். ஐயா எனக்கு என்ன? மதிப்பெண்?

மேற்கோள் செய்த பதிவு: 1170867

மதிப் பெண்களுக்கு
மதிப்பெண் கொடுக்க முடியாதே ,சசி

ரமணியன்

Hari Prasath · by Hari Prasath Thu Oct 22, 2015 8:58 pm

Sasiiniyan Sasikaladevi wrote:வாழ்த்துக்கள். ரமணியன் ஐயா 100/100 மதிப்பெண் வழங்கி விட்டார். அப்புறம் என்ன?நல்ல பதிவுகளை தொடர்ந்து பதிவிடுங்கள். ஐயா எனக்கு என்ன? மதிப்பெண்?

நன்றி ஐயா