புதுக்கவிதை.

ந.க.துறைவன் · ந.க.துறைவன் Wed Oct 14, 2015 9:26 am

வானத்தின் கீழ்…!!
*
கோடைவெயிலில் மோர் விற்பவள்
தெருவில் தாகத்தோடு அலைகின்றாள்
புங்கம்இலைகள் போர்த்திய கூடையில்
நுங்கினை வைத்து அமர்ந்துிருப்பவள்
மனிதமுகங்களைப் பார்த்து ஏங்குகின்றாள்
கூடை தலையில் சுமந்து பூ விற்பவள்
சும்மாடு இல்லாமல் திரி்கின்றாள்
விசிறி விற்பவன் வியர்வை வழிய
பாதையில் கூவி திரிகின்றான்
குடை பழுது பார்ப்பவன் மழையில்போது
நனைந்து வீதியில் நடக்கின்றான்
உப்பு விற்பவன் சைக்கிள்வண்டியை
தள்ளிக் களைத்து அலைகின்றான்
பொறி கடலை பட்டாணி சுண்டல்
சூடாக வறுத்து கொடுப்பவன்
வான்மேகத்தைப் பார்த்து நிற்கின்றான்
அசலைத் தேற்றி எடுக்க முடியாமல்
மனமோ எந்நேரம் அலைபாய்கிறது
கடனும் வட்டியும் கட்டியது போக
கையில் போக மிஞ்சுவதென்ன? என்று
கணக்கு பார்த்து மனம் துவள்கிறது
என்றேனும் வாழ்வில் உயர்வோமென்று
எண்ணத்தை தேக்கிய கனவு மனமாய்
வானத்தின் கீழே நம்பிக்கையோடு
வாழ்வோரின் இன்ப வாழ்க்கையிதுவே…!!
*

**T.N.Balasubramanian** · **T.N.Balasubramanian** Wed Oct 14, 2015 9:47 am

thuraivan wrote:எண்ணத்தை தேக்கிய கனவு மனமாய்
வானத்தின் கீழே நம்பிக்கையோடு
வாழ்வோரின் இன்ப வாழ்க்கையிதுவே…!!
*

ஆம் துறைவன், அருமையாக கூறியுள்ளீர் .

பதிவொன்று அனுப்பி ,
பத்திரிகையில் பிரசுரம் ஆகும்
என நம்புவர் போல்

புதுக்கவிதை. 103459460

ரமணியன்

**M.Jagadeesan** · **M.Jagadeesan** Wed Oct 14, 2015 9:56 am

தெரு வியாபாரிகளின் துன்ப நிலையைக் காட்டும் கவிதை ! நன்று !

சசி · சசி Wed Oct 14, 2015 10:11 am

நல்ல கவிதை ஐயா

**krishnaamma** · **krishnaamma** Wed Oct 14, 2015 10:27 am

நல்ல கவிதை ஐயா புன்னகை

................ அருமையிருக்கு

ந.க.துறைவன் · ந.க.துறைவன் Fri Oct 23, 2015 10:23 am

மனக்குறளி…!!
*
உன்னை எங்கோ தேடினேன்
நீ ரோஜா பூவில் ஒளிந்திருப்பதாக
சொன்னது வண்டுகள்.
உன்னை எங்கோ தேடினேன்
நீ ஆப்பிள் பழத்தில் ஒளிந்திருப்பதாக
சொன்னது குருவிகள்.
உன்னை எங்கோ தேடினேன்
நீ கோவைப் பழத்தில் ஒளிந்திருப்பதாக
சொன்னது கிளிகள்.
உன்னை எங்கோ தேடினேன்
நீ தேங்காயில் ஒளிந்திருப்பதாக
சொன்னது காக்கைகள்.
உன்னை எங்கோ தேடினேன்
நீ திராட்சையில் ஒளிந்திருப்பதாக
சொன்னது எறும்புகள்.
உன்னை எங்கோ தேடினேன்
நீ தாழம்பூவில் ஒளிந்திருப்பதாக
சொன்னது ஒணான்கள்.
உன்னை எங்கோ தேடினேன்
நீ கோயில் மண்டபத்தில் ஒளிந்திருப்பதாகச்
சொன்னது புறாக்கள்.
உன்னை எங்கோ தேடினேன்
அப்பொழுது என்னுள்ளிருந்து ஒலித்தது
அட, பைத்தியக்காரா….!
அவள் உன்னிதயத்தில் ஒளிந்திருக்கிறாள்
பாரடா என்று உண்மையைச்
சொன்னது மனக்குறளி.
*

**T.N.Balasubramanian** · **T.N.Balasubramanian** Fri Oct 23, 2015 10:28 am

thuraivan wrote:அவள் உன்னிதயத்தில் ஒளிந்திருக்கிறாள்
பாரடா என்று உண்மையைச்
சொன்னது மனக்குறளி.
*

ஹி ஹி ஆமாங்க !

ரமணியன்

Hari Prasath · Hari Prasath Fri Oct 23, 2015 10:45 am

வானத்தின் கீழ்...!!
மனக்குறளி…!!
இரண்டும் முத்துக்கள் ஐயா,மிக அருமை

**M.Jagadeesan** · **M.Jagadeesan** Fri Oct 23, 2015 11:08 am

முதலிலேயே மனக்குறளியைக் கேட்டிருந்தால் , பல இடங்களில் தேடவேண்டிய அவசியம் நேர்ந்திருக்காது .

கவிதை மிகவும் நன்று ! வாழ்த்துக்கள் துறைவன் .

Sponsored content · Sponsored content

புதுக்கவிதை.

புதுக்கவிதை.

Re: புதுக்கவிதை.

Re: புதுக்கவிதை.

Re: புதுக்கவிதை.

Re: புதுக்கவிதை.

Re: புதுக்கவிதை.

Re: புதுக்கவிதை.

Re: புதுக்கவிதை.

Re: புதுக்கவிதை.

Re: புதுக்கவிதை.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக