கருப்பை வாய் – புற்றுநோய் -பெண்களே உஷார்

கருப்பை வாய் – புற்றுநோய்

இந்தியாவில் கர்ப்பப்பைவாய் புற்றுநோய் காரணமாக ஆண்டுதோறும் புதிதாக 1.32 லட்சம் பெண்கள் பாதிக்கப்படுகின்றனர்.
இதில் 74 ஆயிரம் பேர் உயிரிழக்கின்றனர். இந்த புற்றுநோயைக் கண்டறிய குறைந்த செலவில் பரிசோதனைகள் இல்லாததே இதற்கு முக்கியக் காரணமாகும்.
கர்ப்பப்பைவாய் புற்று நோயை முன்கூட்டியே கண்டறிந்து சிகிச்சை அளிப்பதன் மூலம் முழுமையாகக் குணப்படுத்தி உயிரிழப்பைத் தடுக்க முடியும்.
பெரும்பாலான வளரும் நாடுகளில் புற்றுநோயால் பெண்கள் உயிரிழப்பு என்றாலே அது கர்ப்ப வாய் புற்றுநோயாகத்தான் உள்ளது.
.
உலக அளவில் பெண்களுக்கு ஏற்படும் புற்றுநோய்களில் கர்ப்பப்பை வாய் புற்றுநோய் 2-வது இடத்தைப் பிடிக்கிறது. இந்த புற்று நோய் துவக்கத்தில் அறிகுறிகள் ஏதுமின்றி காணப்படும். இதுவே அதிக எண்ணிக்கையில் பெண்கள் உயிரிழப்பதற்கு காரணமாகி விடுகிறது.
உலக அளவில் கர்ப்பப்பை வாய் புற்று நோயால் ஆண்டுதோறும் 5 லட்சம் பேர் பாதிப்புக்குள்ளாவதாக தெரிய வந்துள்ளது.
உரிய நேரத்தில் இந்த புற்றுநோய் கண்டறியப்படா விட்டால், பெண்கள் கருத்தரித்தல் இயலாமல் போய் விடும். ஆரம்ப நிலையிலேயே இந்நோயைக் கண்டுபிடித்தால், சிகிச்சை அளிப்பது எளிது. குணப்படுத்தி விடலாம். சிகிச்சைக்குப் பின் அந்தப் பெண் குழந்தைப் பேறு பெற முடியும்.
எந்த புற்றுநோயானாலும், அந்நோய் பரவாமல் தடுப்பதற்கு சிகிச்சை அளிக்கப்படும்.
அதேநேரத்தில் கர்ப்பப்பை வாய் புற்றுநோயைக் கண்டுபிடிப்பது மிகவும் கடினம். இந்த நோயின் பாதிப்பால் பெண்களின் இனப்பெருக்க உறுப்புகளுக்கே அதிகம் பாதிப்பு ஏற்படக்கூடும்.
எதிர்ப்பு சக்தி குறைந்து காணப்படுதல், புகைப்பழக்கம் உடையோர், பால்வினை நோய் இருப்பவர்களுக்கு இந்த வகை புற்றுநோய் ஏற்படுவது மிகவும் சாதாரணமாகும்.
அதுபோன்றவர்கள் வழக்கமான கர்ப்பப்பை பரிசோதனைகளை மேற்கொள்வதன் மூலம் புற்றுநோய் ஏற்படுவதைத் தவிர்க்கலாம்.

பாப்பிலோமா வைரஸ் என்ற ஒரு வகை வைரஸ் காரணமாகவோ அல்லது ஹெபிவி வைரஸ் காரணமாகவோ கர்ப்பப்பை வாய் புற்றுநோய் உருவாகிறது. ஹெச்பிவி வைரஸ் உள்ளவர்களுடன் பாதுகாப்பற்ற பாலுறவு வைத்துக் கொள்ளும் பெண்களுக்கு இந்த வைரஸ் தொற்று ஏற்பட்டு புற்றுநோய் உருவாகிறது.
எனவே, அவ்வப்போது பரிசோதனை செய்வதால் கர்ப்பப்பை வாய்ப் பகுதியில் உள்ள செல்கள் புற்றுநோயாக உருவாவதற்கு முன் கண்டறிந்து உரிய சிகிச்சையை எடுத்துக் கொள்ள முடியும்.
கர்ப்பப்பை வாய்ப் புற்றுநோய்:
இந்திய பெண்களைத் தாக்கும் புற்றுநோய்களில் கர்ப்பப்பை வாய்ப் புற்றுநோய் முதலிடத்தில் உள்ளது. போதிய விழிப்புணர்வு இல்லாதது,
1.இளம் வயதிலேயே திருமணம் செய்து பல முறை கருத்தப்பது,
2.கருத்தடை மாத்திரைகளை அதிக அளவில் உபயோகித்தல்,
3.பல ஆண்களுடன் உறவு வைத்துக்கொள்ளுதல்,
4.பிறப்பு உறுப்புகளைச் சுத்தமாக வைத்துக்கொள்ளாதது
ஆகிய காரணங்களால் இந்நோய் வருவதற்கு வாய்ப்புகள் அதிகம்.
அறிகுறிகள்:
1.மாதவிடாயின்போது அதிக ரத்தப்போக்கு இருப்பது,
2.மாதவிலக்குக்கு இடையில் ரத்தப்போக்கு இருப்பது,
3.மாதவிலக்கு முழுவதும் நின்றபின் வெள்ளைபடுதல் அல்லது ரத்தப்போக்கு இருப்பது,
4.உடலுறவின்போதோ அல்லது பின்போ ரத்தக்கசிவு இருப்பது
ஆகியவை இதற்கான அறிகுறிகள்.


கர்ப்பப்பை வாய் புற்றுநோயை ஆரம்பத்திலேயே கண்டுபிடிக்க எளிய, வலியில்லாத
பரி சோதனை முறை பேப் சிமியர் (PAP SMEAR) சோதனை ஆகும்.
30 வயதுக்கு மேற்பட்ட பெண்கள் ஆண்டுக்கு ஒரு முறையாவது இந்தப் பசோதனை செய்துகொள்வது அவசியம்.
பாப்ஸ்மியர் சோதனை தான் கருப்பை வாய் புற்றுநோயைக் கண்டறிய செய்யப்படும் முதல்நிலை சோதனையாகும். இதில், கருப்பை வாய் பகுதிக்கு கருவியை செலுத்தி, அங்குள்ள செல்களை சேகரித்து வெளியே எடுத்து, அதில், புற்றுநோயை உருவாக்கும் செல்கள் அல்லது அசாதாரண செல்கள் ஏதேனும் உள்ளதா என்று பரிசோதிப்பார்கள்.
இந்த பரிசோதனையில், அசாதாரண செல்கள் அல்லது புற்றுநோய் செல்கள் இல்லை என்பது உறுதியானால், பரிசோதனைக்கு உள்ளான பெண்ணுக்கு மேற்கொண்டு சோதனைகள் தேவைப்படாது.
ஆனால், அப்பகுதியில் அசாதாரண செல்கள் இருந்து, ஆனால், அவை தற்போது புற்றுநோய் செல்களாக மாறாமல் இருக்கும் பட்சத்தில், உடனடியாக, அந்த அசாதாரண செல்கள் புற்றுநோய் செல்களாக மாறாமல் இருப்பதற்கான சிகிச்சையை மருத்துவர் துவக்குவார்.
மேலும், அங்கு புற்றுநோய் செல்கள் இருப்பது கண்டுபிடிக்கப்பட்டால், உடனடியாக அவருக்கு திசு சோதனை செய்யப்படும். அதாவது, கருப்பை வாய் பகுதிக்குள் கருவி செலுத்தப்பட்டு, அங்குள்ள சிறு திசுப்பகுதி வெட்டி எடுக்கப்பட்டு பரிசோதனைக்கு உட்படுத்தப்படும்.
.

கால்போஸ்கோபி :-
கருப்பை வாய் பகுதியை தெளிவாகக் காண கால்போஸ்கோப்பி எனப்படும் கருவி பயன்படுத்தப்படுகிறது. இதன் மூலம், அந்த திசுப்பகுதி புற்றுநோய் பாதிப்புக்குள்ளாகியிருக்கிறதா என்பது கண்டறியப்பட்டு அதற்கான சிகிச்சை உடனடியாகத் துவக்கப்படும்
கர்ப்பப்பை வாய்ப் புற்றுநோய்க்கு முதன்மை சிகிச்சையாக கதியக்கச் சிகிச்சை அளிக்கப்படுகிறது. நோயின் தன்மைக்கேற்ப கால அளவு மாறுபடும்.


நன்றி :- விக்கிபீடியா / முகநூல் / சில மருத்துவ கட்டுரைகள்