120 டிகிரியில் உருக்கிய 'நெய்யால்' பாதிப்பு !

by **krishnaamma** Thu Oct 15, 2015 12:45 pm

தமிழகத்தில் ரூ.400 கோடி ஆவின் பொருட்கள் தேக்கம்: உருக்கிய 'நெய்யால்' பாதிப்பு !

120 டிகிரியில் உருக்கிய 'நெய்யால்' பாதிப்பு ! RMFaBaTEQPiNZaILMDvZ+Tamil_News_large_1364432

120 டிகிரியில் உருக்கிய 'நெய்யால்' பாதிப்பு ! RMFaBaTEQPiNZaILMDvZ+Tamil_News_large_1364432

திண்டுக்கல்: தமிழகத்தில் கூட்டுறவு பால் உற்பத்தியாளர் சங்கம், மாவட்ட கூட்டுறவு ஒன்றியங்கள், மாநில உற்பத்தி இணையங்களின் மூலம் பால் கொள்முதல் செய்யப்படுகிறது. நாள்தோறும் 17 மாவட்ட ஒன்றியங்களில் இருந்து 11 ஆயிரத்து 503 பால் உற்பத்தியாளர்கள் 1.50 கோடி லிட்டர் பாலை உற்பத்தி செய்கின்றனர்.இதில் தினமும் 30 லட்சம் லிட்டர் பால் ஆவின் நிறுவன விற்பனைக்கு செல்கிறது.

மீதியுள்ள 1.20 கோடி லிட்டரில் 75 லட்சம் லிட்டர் பாலை, அரசு அங்கீகாரம் பெற்ற 67 தனியார் நிறுவனங்கள் கொள்முதல் செய்து, தயிர், வெண்ணெய் உள்ளிட்ட பால் பொருட்களாக விற்பனை செய்து வருகின்றன. மீதமுள்ள 5 லட்சம் லிட்டர் பாலை அரசின் அங்கீகாரமில்லாத நிறுவனங்கள் மற்றும் சிறு,குறு பால் விற்பனை நிலையங்கள் விற்கின்றன.

பால் ஏற்றுமதி குறைவு, கொள்முதல் விலை குறைவு காரணத்தால் ஆவினின் அங்கீகாரம் பெற்று, பால் பொருட்கள் உற்பத்தியில் ஈடுபட்டு்ள்ள நிறுவன கிட்டங்கிகளில் ரூ.12 ஆயிரம் 'டன்' வெண்ணெய் கடந்த ஏழு மாதங்களாக தேங்கியுள்ளன.

இதுதவிர கோவை, தர்மபுரி, கிருஷ்ணகிரி, திண்டுக்கல்லில் உள்ள தனியார் கோடவுன்களிலும் ஆவினின் வெண்ணெய் உள்ளிட்ட பொருட்கள் தேக்கமடைந்துள்ளன. இதனால் ஆவினில் இருந்து பால் பொருட்களை வாங்கிய தனியார் நிறுவனங்கள் நஷ்டத்தை ஈடுகட்ட வெண்ணெயை உருக்கி நெய்யாக விற்பனை செய்து வருகின்றன. நாள்பட்ட வெண்ணையை விற்பதால் பொதுமக்களுக்கு வயிற்றுப்போக்கு, வாந்தி உள்ளிட்டவை ஏற்படும் அபாயம் ஏற்பட்டுள்ளது.

நுகர்வோர் உரிமை பாதுகாப்பு பேரவை நிர்வாகி எஸ்.தமிழரசன் கூறியதாவது: தமிழகத்தில் ரூ.400 கோடி மதிப்பிலான பால் பொருட்கள் தேக்கமடைந்துள்ளன. ஆவினின் பால்பொருட்களை வாங்கி விற்கும் தனியார் நிறுவனங்கள் தேக்கமடைந்த கெட்டுப்போன வெண்ணெய்யை விற்பனை செய்து வருகின்றன. இதுபோன்ற முறையற்ற விற்பனை முயற்சியை இந்திய உணவு பொருட்கள் பாதுகாப்பு ஆணையம். இந்திய தரச்சான்று நிறுவனம், நிறுவன அதிகாரிகள் ஆய்வு செய்ய வேண்டும், என்றார்.

உருக்கிய நெய்யால் பாதிப்பு !

நாள்பட்டதாலும், பாதுகாப்பாக வைக்கப்படாததாலும் கெட்டுப்போன ஆவினின் வெண்ணெய்யை விற்பனை செய்ய, தனியார் நிறுவனங்கள் 120 டிகிரியில் நெய்யாக உருக்குகின்றன. வரும் தீபாவளிக்குள் விற்பனையை முடிக்க இலக்கும் நிர்ணயித்துள்ளன. திண்டுக்கல் - தாடிக்கொம்பு ரோட்டிலுள்ள தனியார் கோடவுனில் மட்டும் 1100 டன்னுக்கும் மேல் கெட்டுப்போன வெண்ணெய் தேங்கியுள்ளது. இதற்கு கோவையிலிருந்து விற்பனை 'ஆர்டர்' கிடைத்திருப்பதாகவும் கூறப்படுகிறது.

மருத்துவ இணை இயக்குனர் டாக்டர் ரவிக்கலா கூறியதாவது: கெட்டுப்போன உருக்கப்பட்ட நெய்யை மனிதர்கள் சாப்பிட்டால் ஒவ்வாமை ஏற்படும். தொடர் வயிற்றுப்போக்கு ஏற்படும். நீர்சத்து குறைந்து ஆபத்தான நிலைமைக்கு கொண்டு செல்லும், என்றார்.

by **krishnaamma** Thu Oct 15, 2015 12:45 pm

நாள்பட்டதாலும், பாதுகாப்பாக வைக்கப்படாததாலும் கெட்டுப்போன ஆவினின் வெண்ணெய்யை விற்பனை செய்ய, தனியார் நிறுவனங்கள் 120 டிகிரியில் நெய்யாக உருக்குகின்றன. வரும் தீபாவளிக்குள் விற்பனையை முடிக்க இலக்கும் நிர்ணயித்துள்ளன.

அடப்பாவிகளா.................உங்க அட்டுழியத்துக்கு ஒரு அளவே இல்லையா?...............

by **ayyasamy ram** Thu Oct 15, 2015 2:15 pm

இதுவும் கெடுதல்தான்:

ஸ்டார் ஹோட்டலில் ஒரு முறை அப்பளம் பொறித்த
எண்ணையை மீண்டும் உபயோகிக்க மாட்டார்கள்
-
பெரும்பாலும்,தெருவில் பட்சணக்கடை போடுபவர்கள்
தான் அந்த எண்ணையை வாங்கி பயன்படுத்துவாரகள்
-
ஆக பாதிப்பது ஏழை எளிய மக்களே...!!

by **M.Jagadeesan** Thu Oct 15, 2015 5:57 pm

GRB நெய் வாங்கலாம் ! தரமானது; மணல் மணலா இருக்கு !

by **T.N.Balasubramanian** Thu Oct 15, 2015 7:13 pm

ஆவின் வெண்ணை வாங்கிக்கொண்டு இருந்தோம் .
இப்போது திருமலா நெய் .

ரமணியன்

by **krishnaamma** Fri Oct 16, 2015 12:07 am

ayyasamy ram wrote:இதுவும் கெடுதல்தான்:

ஸ்டார் ஹோட்டலில் ஒரு முறை அப்பளம் பொறித்த
எண்ணையை மீண்டும் உபயோகிக்க மாட்டார்கள்
-
பெரும்பாலும்,தெருவில் பட்சணக்கடை போடுபவர்கள்
தான் அந்த எண்ணையை வாங்கி பயன்படுத்துவாரகள்
-
ஆக பாதிப்பது ஏழை எளிய மக்களே...!!

நிஜம் அண்ணா புன்னகை

.......இந்த தீபாவளிக்குப் பிறகு எத்தனை வேர் டாக்டர் ஆத்துக்கு போகப்போறாளோ ? சோகம்

by **krishnaamma** Fri Oct 16, 2015 12:08 am

M.Jagadeesan wrote:GRB நெய் வாங்கலாம் ! தரமானது; மணல் மணலா இருக்கு !

மிக அருமையாக இருக்கும் ஐயா கொஞ்சமும் சந்தேகம் இல்லை..............ஆனால் விலை?................நந்தினியை விட 2 1/2 மடங்கு அதிகம்...............தமிழகத்தில் ஆவின் போல கர்நாடகாவில் நந்தினி புன்னகை