தூக்கணங்குருவிக் கூடு

**பழ.முத்துராமலிங்கம்** · 27/09/2015

First topic message reminder :

தூக்கணங்குருவிக் கூடு - Page 2 COWaJwI2RriYVa0cZ7qM+தூக்கணங்குருவி

தூக்கணங்குருவிக் கூடு - Page 2 S43yBJKOR9e3LtNiZlI1+குடு

தூக்கணங்குருவிக் கூடு - Page 2 LycCx56eRmO4GiI9WgQs+மரம்

தூக்கணாங்குருவி - weaver bird....பொதுவாக மேல் தலை மற்றும் மார்பில் மஞ்சள் நிறத்தில் சிட்டுகுருவி போல காட்சியளிக்கும் தூக்கணாங்குருவிகள் நீர் நிலைகளின் அருகில் உள்ள மரங்களின் கிளை நுனி மற்றும் வயல்களின் நடுவில் உள்ள மின் கம்பி போன்றவற்றில் இவை கூடு கட்டும், ஏனென்றால் இவற்றின் குஞ்சுகளை பாம்புகள் மற்றும் ஊர்வன வகையை சேர்ந்த விலங்குகளிடம் இருந்து பாதுகாக்கவே.
இவற்றின் கூடுகள் பார்ப்பதற்கு மிக அழகாகவும் இக்கூடுகளுக்கு வழி கீழ் நோக்கியும் இருக்கும், இந்த கூடு சுமார் ஒரு மீட்டர் நீளம் வரை இருக்கும்.
தூக்கணாங்குருவிகள் தங்கள் கூடுகளை, நாணல் மற்றும் நெல் போன்றவற்றின் நார்களை மெல்லிய இழைகளாக தன் அலகால் கிழித்து பின்னி பின்பு இழுத்து கட்டும், ஆதலால் இந்த கூடுகள் எத்தகைய காற்றையும் தாங்கும் தன்மையுடையது. ஆண் குருவி தான் இந்த கூட்டை கட்டும், இதில் பெண் குருவி வந்து முட்டையிடும்.
இக்குருவிகள் இந்த கூட்டின் உட்புறத்தில் களிமண்ணை கொண்டு வந்து ஒட்டி வைத்திருப்பதை பார்க்க முடியும். ஒரு மரத்திலோ, கம்பியிலோ தொடர்ச்சியாக நிறைய கூடுகள் கட்டி கூட்டாக வாழும் தன்மையுடையது.
இவ்வளவு நுட்பமான முறையில் கூடு கட்டி கூட்டாக வாழும் தூக்கணாங்குருவியை பாதுகாக்க கிணறு மற்றும் நீர் நிலைகளின் அருகில் உள்ள மரங்களை பதுகாப்போம்.
படம் மற்றும் தகவலுக்கு நன்றி: Muthu Selvakumar திரவியம் -முகநூல்.

**krishnaamma** · **krishnaamma** Sun Oct 11, 2015 12:04 am

Sasiiniyan Sasikaladevi wrote:அருமையான பதிவு ஐயா. நான் ஒரு கவிதை தூக்கணாங்குருவி கூடு பற்றி எழுதி உள்ளேன் ஐயா.

ஆமாம் சசி , அந்தக் கவிதையை போடுங்கோளேன் இங்கு புன்னகை

**krishnaamma** · **krishnaamma** Sun Oct 11, 2015 12:05 am

M.Jagadeesan wrote:தூக்கணாங் குருவிக் கூடு ! தூங்கக் கண்டார் மரத்திலே !
காலத்தால் அழியாத கண்ணதாசன் பாடல் இது .

தூக்கணாங் குருவியே !
அற்புதமான கட்டிடக் கலைஞன் நீ !
எந்தக் கல்லூரியில் கட்டிடக் கலை படித்தாய் ?

விந்தைமிகு வீட்டிலே விளக்கேற்ற உனக்கு
சந்தையிலே விற்கும் மண்ணெண்ணெய் தேவையில்லை !
மின்சாரம் தேவையில்லை ! வயல்வெளியில் பறக்கின்ற
மின்மினியை கொண்டுவந்து ஈரக் களிமண்ணில்
அப்பியே வீட்டில் விளக்கேற்றி வைக்கின்றாய் !
எப்போதும் மின்வெட்டு இல்லை உன் வீட்டினிலே !

மௌனமாய்க் கட்டினாலும் உன் வீடு எப்போதும்
மௌலிவாக்கம் கட்டிடம் போல் ஆகாது ஒருநாளும் !

சிமென்ட் இல்லை ; செங்கல் இல்லை
சித்தாள் இல்லை ; மேஸ்திரி இல்லை
காய்ந்த வைக்கோலும் களிமண்ணும் சாணியும்
ஆய்ந்தெடுத்த புல்லும் ஒருசேரக் கூழாக்கி
ஆண்குருவி ஒன்று மூவாறு நாட்களிலே
அழகான கூடுகட்டும் அதிசயத்தை யாரறிவார் ?

அனாமத்தாய் இருந்தாலும் உன்வீட்டை அந்த
சுனாமியே வந்தாலும் சுருட்ட முடியாது !

மஞ்சள் குருவியே ! மரவண்ணக் குருவியே !
கெஞ்சியே கேட்கின்றேன் வீடுகட்டும் விந்தையினை
வஞ்சனை செய்யாமல் நீ எனக்குக் கற்பித்தால்
எஞ்சிய வாழ்நாளை உன் நினைவாய்க் கழித்திடுவேன் !

மிக அருமை ஐயா புன்னகை

**பழ.முத்துராமலிங்கம்** · 27/09/2015

krishnaamma wrote:
பழ.முத்துராமலிங்கம் wrote:

பறவைகளைப் பாருங்கள்
அவை விதைப்பதும் இல்லை..
அறுப்பதும் இல்லை..
காட்டுச்செடிகளைப் பாருங்கள் ..
அங்கு யாரும் உழுவதும்.இல்லை...
உரம் இடுவதும் இல்லை..
அவை செழித்தே இருக்கின்றன...
மனிதனைத் தவிர எல்லா ஜீவராசிக்கும்
இயற்கை சோறு போடுகிறது...
மனிதன் மட்டுமே அதை கூறு போடுகிறான்...
கூப்பாடு போடுகிறான்...

நன்றி- முகநூல்.

அருமை அருமை ஐயா .................எத்தனை கூடுகள் அந்த மரத்தில் ....

மேற்கோள் செய்த பதிவு: 1168042
என்னால் கணக்கிட முடியவில்லை நன்றி வணக்கம்.

**T.N.Balasubramanian** · **T.N.Balasubramanian** Sun Oct 11, 2015 1:53 pm

தூக்கணாங் குருவிக் கூடு பாடல் பாடியது ப சுஷீலா .
இசை KV மகாதேவன் .
அந்த காலத்தில் பாடல்கள் எப்பிடி படமாக்கப்பட்டன
என்பதை இதில் காணலாம்

ரமணியன்

சிவனாசான் · சிவனாசான் Sun Oct 11, 2015 8:06 pm

தற்போதுள்ளவர்களுக்கு தூக்கனாங்குருவியே தெரியாது. அதன் அறிவு அசத்தலானதுதான். அருமையான பதிவு அன்பரே.

**பழ.முத்துராமலிங்கம்** · 27/09/2015

T.N.Balasubramanian wrote:தூக்கணாங் குருவிக் கூடு பாடல் பாடியது ப சுஷீலா .
இசை KV மகாதேவன் .
அந்த காலத்தில் பாடல்கள் எப்பிடி படமாக்கப்பட்டன
என்பதை இதில் காணலாம்

ரமணியன்

மேற்கோள் செய்த பதிவு: 1168160

நன்றி ஐயா.