சித்தர் பாடல்கள்

First topic message reminder :

எண்சீர் விருத்தம்-சித்தர் பாடல்கள்

சிறந்தபரா பரமாகிய யெங்குந் தானாய்த்
தீர்க்கமுடன் ரவிமதியுஞ் சுடர்மூன்றாகிப்
பரந்தருளும் ஐம்பூத மாயை தோன்றிப்
பல்லாயிரங் கோடிஅண்டம் படைத்த போதம்
வரம்பெருகி அனந்தஅனந்தம் உயிரு மாகி
மதபேத மாகவுந்தான் வடிவைக் காட்டிச்
சரம்பெருக அண்டத்தி லெழுந்தே நின்ற
சச்சிதா னந்தம்அதைப் பணிகு வோமே.

-காக புசுண்டர் சித்தர்
பராபரமாக எங்கும் சிறந்து தானே எங்குமாய் நின்று,சூரிய சந்திர விண்மீன்கள் ஆகிய மூன்று ஒளியுமாகி, ஐம்பூதங்கள் கொண்ட மாயையும் ஆகி, பல்லாயிரம் கோடி உலகுகளைப் படைத்த அறிவுடைப் பொருளாகி, எண்ணற்ற உயிர்களுமாகி, மதங்களை நீக்கி, தன் உண்மை வடிவைப் புலப்படச் செய்து, எங்கும் சஞ்சரித்து நின்ற சத்சித் ஆனந்தம் ஆகிய கடவுளைப் பணிகுவோமே.

நன்றி-தெளிவுரை
முனைவர் அ.அறிவொளி ,வர்த்தமானன் பதிப்பகம்.

காக புசுண்டர்

ஓமென்ற சுழுமுனையடா அண்ட வுச்சி

ஓம்முடிந்த பட்டணத்துக்கு அப்பாற் சென்று

நாமென்று சொல்லற்று யோக ஞானம்

நாட்டுகிறேன் அஞ்சனமுந் திலதப் போக்கும்

வாமென்ற வைத்தியமும் அட்ட கர்மம்

வாதமென்ற வித்தையெல்லாந் தெளிவ தாகக்

காமென்ற பீடமதிற் கண்டு தேறிக்

காட்டுகிறேன் மெய்ஞ்ஞானக் கருவைப் பாரே.

ஓம் என்ற மந்திர ஒலியுடன் சுழுமுனை நாடியில் யோக முயற்சியை ஏற்றினால் அது உச்சி தலை வரை (அண்ட உச்சி) தானே போகும். அங்குள்ள சகஸ்ராரமாகிய இடம் கடந்து (பட்டணம்) அப்பாலும் போய் , நாம் என்ற உணர்வு நீங்கி யோக ஞானத்தை நாட்டுகிறேன். மை தயார் செய்தல், எண்ணெய் விடல், பிற மருத்துவம், எண்வகை மந்திர செய்கை, இரசவாதமாகிய திறமை எல்லாம் காம் என்று பீஜத்தால் கண்டு தெளிந்து மெய்ஞ்ஞானமாகிய அடிப்படையைக் காட்டுகிறேன் பார்.
(மையால் பலவற்றை தெளிந்து காணலாம்; தைலம் போல் யாவும் தெளிவாதலாம்) தலை உச்சிக்குச் சென்று அதன் மேலும் பரவினால் பிற அண்டங்களையும் கடக்கும். ஆகையால் யோக முயற்சியை அண்ட உச்சி என்றனர்.

நன்றி-தெளிவுரை
முனைவர் அ.அறிவொளி ,வர்த்தமானன் பதிப்பகம்

by சசி Thu Oct 22, 2015 8:02 pm

அருமையான பாடல் ஐயா நன்றி

Sasiiniyan Sasikaladevi wrote:
அருமையான பாடல் ஐயா நன்றி

மேற்கோள் செய்த பதிவு: 1170864
நன்றி அன்பரே.

உரோமரிஷி ஞானம்

கண்ணாடி சிலமூடித் தனுப்பி னாலே

கருவதனை அறியாமல் மாண்டு போனான்

விண்ணாடிப் பாராத குற்றம் குற்றம்

வெறுமண்ணாய்ப் போச்சுஅவன் வித்தை யெல்லாம்

ஒண்ணான மவுனமென்றே யோகம் விட்டால்

ஒருபோதுஞ் சித்தியில்லை! வாதந் தானும்

பெண்ணார்தம் ஆசைதன்னை விட்டு வந்தால்

பேரின்ப முத்திவழி பேசு வேனே

கண்களை மூடியும்,மூடாதும் நுழையச் செய்யும் யோக முயற்சியால் பயனின்றிப் பலர் மாண்டு போயினர்.
விண்ணை (வெளியை) நாடிப் பார்க்காததும் அவர்கள் குற்றமாகும்.
இதனால் அவர்கள் வித்தைகள் வெறும் மண்ணாய்ப் போயின..
மவுனத்தை மட்டும் கைக் கொண்டு, யோகத்தை விட்டு விட்டால் ஒரு பொழுதும் வெற்றில்லை. பெண் ஆசை விட்டு வந்தால் தான் ரசவாதம் என்பது சித்தியாகும். மேலும் பேரின்ப முத்திக்கு வழியாகும்.

(வித்தை-அறிவு,திறம்,மந்திரம் முதலியவாம்)
(ரசவாதம்- தங்கம் செய்தல்)
(இரசவாதம்- தாழ்ந்த உலோகத்தை உயர்ந்த உலோகம் ஆக்குதல்)

நன்றி-தெளிவுரை
முனைவர் அ.அறிவொளி ,வர்த்தமானன் பதிப்பகம்

by Sponsored content

சித்தர் பாடல்கள்

சித்தர் பாடல்கள்

Re: சித்தர் பாடல்கள்

Re: சித்தர் பாடல்கள்

Re: சித்தர் பாடல்கள்

Re: சித்தர் பாடல்கள்

Re: சித்தர் பாடல்கள்