நிலைத்த உறவு - தினசரி தியானம்! - தொடர் பதிவு.....

First topic message reminder :

போற்றுதற்கும் சார்ந்திருப்பதற்கும் நின்னையல்லால் வேறு நட்பு யாரையும் யான் அறிகிலேன்
உற்றார் உறவினர் என்பார் எல்லாரும் அவரவர் வினையை முடிக்க இவ்வையகத்தில் வந்துள்ளனர். அப்படி வருவதும் போவதும் தனித்தனியே நிகழ்கின்றன. ஒருவருக்காக இன்னெருவர் தனது போக்கு வரவை மாற்றுவதில்லை.ஆதலால்இவர்கள் நிலைத்த உறவினர் ஆகார். கடவுள் ஒருவரே நிலைத்த உறவு ஆகிறார்.

என்பெற்ற தாயாரும் என்னைப்
பிணமென்று இகழ்ந்துவிட்டார்
பொன்பெற்ற மாதரும் போவென்று
சொல்லிப் புலம்பிவிட்டார்
கொன்பெற்ற மைந்தரும் பின்வலம்
வந்து குடமுடைத்தார்
உற்றொழிய வொருபற்றும்
இல்லை உடையவனே.
-பட்டினத்தார்
நன்றி-தெளிவுரை
ஸ்ரீமத்சுவாமி சித்பவானந்தர்

krishnaamma wrote:நல்ல பதிவு ஐயா ...........
.

.
.
அருமையாக இருக்கு, இதையும் முந்தைய திரி இல் இணைக்கிறேன்...தொடர் பதிவாக ஒரே திரி இல் போடுங்கோ, படிக்க வசதியாக இருக்கும்

அன்புடன்,
கிருஷ்ணாம்மா

மேற்கோள் செய்த பதிவு: 1167235
தங்கள் கூற்றின் படி செய்கிறேன்.

T.N.Balasubramanian wrote:யானும் இதுவே வேண்டின் .

அருமை ,தொடருங்கள்

ரமணியன்

மேற்கோள் செய்த பதிவு: 1167288
நிலைத்த உறவு - தினசரி தியானம்! - தொடர் பதிவு..... - Page 2 1571444738

அக்டோபர்-9

சீர்திருத்தம்

உன்னை நாடுகிற பெருநாட்டத்தில்
ஈசா, நான் உன் மயம் ஆய்விடுகிறேன்.

எண்ணத்துக்கு ஏற்றவாறு புறவுலகம் காட்சி கொடுக்கிறது.கெட்ட எண்ணமுடையவனுக்குப் புறவுலகில் கேடு மிக நிறைந்திருக்கிறது. எண்ணத்தை ஒழுங்குபடுத்துமளவு கேடு உலகினின்று அகன்று விடுகிறது. சீர் திருத்தம் யாவும் மனதில் இருக்கிறது.

வான்கெடுத்துத் தேடும்

மதிகேடர் போலஎமை

நான்கெடுத்துத் தேடாமல்

நன்கறிவ தெந்நாளோ

--தாயுமானவர்.

நன்றி-தெளிவுரை
ஸ்ரீமத்சுவாமி சித்பவானந்தர்

தீங்கிழைத்தல்

நிகழவதெல்லாம் நின் செயல் எனக் காண்பவனுக்கு நலமேது, தீது ஏது?

மனிதன் ஒருவனுக்குப் பிறர் தீங்கு இழைக்கின்றனர். அத்தீங்கு அவனுக்கு எப்படி வந்ததென்று எண்ணிப் பார்க்கவேண்டும்.தனது மனதில் உள்ள தீங்கு புறச்செயலாக வடிவெடுத்து அவனிடம் வந்தது. தீங்கை ஏற்பதற்கான தீய மனமுடையவனுக்கே புறவுலகினின்று தீங்கு விளைகிறது. சான்றோனுக்கு வரும் தீங்கை அவன் தீங்காக ஏற்பதில்லை.

புண்ணியபா வங்கள்
பொருந்தாமெய் யன்பரெல்லாம்
நண்ணியபே ரின்பசுகம்
நானணைவ தெந்நாளோ

--தாயுமானவர்.

நன்றி-தெளிவுரை
ஸ்ரீமத்சுவாமி சித்பவானந்தர்

by **krishnaamma** Sun Oct 11, 2015 12:36 am

நன்றி ஐயா

krishnaamma wrote:நன்றி ஐயா

மேற்கோள் செய்த பதிவு: 1168058
நன்றி வணக்கம்.

krishnaamma wrote:நன்றி ஐயா

மேற்கோள் செய்த பதிவு: 1168058
வணக்கம் நன்றி.

நல்ல வாய்ப்பு

கருணாகரனே, நான் உன் கையில் கருவியாயிருக்கக்
கற்றுக்கொள்வேனாகில் ஒவ்வொரு வேளையும்
எனக்கு நல்ல வாய்ப்பே.

செல்வம், செல்வாக்கு,சுதந்திரம் முதலிய வாய்ப்புக்கள் அமைந்தால்தான் அரும்பெரும் செயல்களைச் செய்ய முடியும் என்று எண்ணுபவன் உண்டு. ஆனால் நல்லவாய்ப்பு என்பது மனிதனுடைய மன நிலையை பொறுத்தது. நல்ல மனமுடையவனுக்கு அமைவதெல்லாம் நல்ல வாய்ப்பேயாம்.

ஆருமறி யாமல்எனை அந்தரங்க மாகவிந்து

சேரும் படிஇறைக்குச் செப்பிவா பைங்கிளியே.

--தாயுமானவர்

நன்றி-தெளிவுரை
ஸ்ரீமத்சுவாமி சித்பவானந்தர்