கலாமால் இஸ்ரோவுக்குப் பெருமை

இந்திய விண்வெளி ஆராய்ச்சி நிறுவனமான
“இஸ்ரோ’ திட்ட இயக்குனர் வளர்மதிக்கு
“டாக்டர் ஏ.பி.ஜே. அப்துல் கலாம் விருது’ வழங்கப்பட்டுள்ளது.
–
முன்னாள் ஜனாதிபதி அப்துல் கலாம் மறைவைத்
தொடர்ந்து “சுதந்திர தின விழாவில், அப்துல் கலாம்
பெயரில் விருது வழங்கப்படும். அறிவியல் வளர்ச்சி,
மாணவர் நலன் மற்றும் மனிதவியலுக்குப் பாடுபட்ட
ஒருவருக்கு இந்த விருது வழங்கப்படும்’ என முதல்வர்
ஜெயலலிதா அறிவித்திருந்தார்.
–
அதன்படி சுதந்திர தின விழாவில் “இஸ்ரோ’ திட்ட
இயக்குனர் வளர்மதிக்கு இந்த விருது வழஙகப்பட்டது.
அவருக்கு முதல்வர் ஜெயலலிதா 5 லட்சம் ரூபாய்க்கான
காசோலை, 8 கிராம் எடை கொண்ட தங்கப் பதக்கம்
மற்றும் பாராட்டுச் சான்றிதழ் வழங்கினார்.
விருது பெற்றுள்ள வளர்மதி அரியலூரைச் சேர்ந்தவர்.
–
கடந்த 32 ஆண்டுகளாக “இஸ்ரோ’ நிறுவனத்தில் பணி
புரிகிறேன். “ரிமோட் சென்சஸ்’ செயற்கைக்கோள்
செலுத்துவதில் முக்கிய பங்கு வகித்து இருக்கிறேன்.
அப்துல் கலாம் பெயரிலான விருது எனக்குக்
கிடைத்திருப்பது மிகுந்த மகிழ்ச்சியாக இருக்கிறது
-.
இதை வழங்கிய தமிழக முதல்வருக்கு நன்றி!
எனக்கு அப்துல் கலாம் விருது வழஙகியிருப்பது
“இஸ்ரோ’வுக்குப் பெருமை சேர்ப்பதாகும்.
அப்துல் கலாம் பெயரில் விருது வழங்குவது
இளைஞர்களை ஊக்குவிக்க உதவும். இவ்வாறு வளர்மதி
கருத்து தெரிவித்துள்ளார்.
–
அரியலூர், அங்குள்ள நிர்மலா மேல்நிலைப் பள்ளியில்
படித்தேன். அண்ணா பல்கலையில் எம்.இ., முடித்தேன்.
இஸ்ரோவில் 2012ம் ஆண்டு தயாரிக்கப்பட்ட
“ரோடர் இமேஜ் சாட்டிலைட்’ திட்ட இயக்குநராகப்
பணியாற்றினேன். இது 24 மணி நேரமும் படம் எடுத்து
அனுப்பக் கூடியது. இதனால் பலரும் பயன்பெற்றுள்ளனர்.
–
அப்துல் கலாம் பெயரில் விருது வழங்குவதன் மூலம்
தமிழக அரசு இஸ்ரோவைப் பெருமைப்படுத்தியுள்ளது.
–
—————————
கலைமகள்