மாப்பிள்ளை வீட்டாரே... ஜாக்கிரதை!

by **krishnaamma** Tue 6 Oct 2015 - 13:32

ரொம்ப அடக்கமான பொண்ணு!

என் உறவினரின் மகனுக்கு, திருமணம் நிச்சயம் செய்தனர். பையன் தங்கக் கம்பி; பெண் லட்சணமாகவும், அமைதியாகவும் இருந்ததால், மாப்பிள்ளைக்கு பெண்ணை மிகவும் பிடித்து விட்டது. மொபைல்போன் வாங்கிக் கொடுத்து, தினமும், போனில், 'கடலை' போட்டான். ஆனால், எங்கே வெளியே கூப்பிட்டாலும் வர மாட்டாள். 'இந்தக் காலத்திலும் இப்படி ஒரு பெண்ணா...' என வியந்தான். தன்னுடன் வேலை செய்யும் பெண்களின் அட்டகாசங்களை நினைத்து, தனக்கு மிகவும் அடக்கமான, அழகான மனைவி கிடைத்ததை எண்ணி மகிழ்ந்தான்.

திருமணமும் முடிந்தது; அதன்பின், வீட்டில் இருக்கும் போதே, 'முன்பு பேசியது போல, போனில் பேசுங்க...' என டார்ச்சர் செய்வதும், 'ஆபிசுக்கு என்னையும் கூட்டிட்டு போங்க...' என, அட்டகாசம் செய்ததையும் பார்த்து, 'என்ன இப்படி இருக்கிறாள்...' என குழம்பிப் போனான்.

அதன் பின் தான் தெரிந்தது, பெண், சிறிது மனநிலை பாதிக்கப்பட்டு, 'ட்ரீட்மென்ட்'டில் இருக்கிறாள் என்பது! இதுபற்றி பெண் வீட்டாரிடம் கேட்ட போது, 'வேணும்ன்னா விவாகரத்து செய்துடுங்க; ஆனா, இவ்வளவு லட்சம் கொடுத்துடுங்க...' என்று மிரட்டுகின்றனர்.

அப்பெண் மீது, உண்மையாகவே பாசம் வைத்து விட்ட பையனோ, இப்போது மனநிலை பாதிக்கப்பட்டுள்ளான்.

இதேபோன்று, மற்றொரு சம்பவம்... எங்கள் அலுவலகத்தில் பணிபுரியும் பையனுக்கு, பெண் பார்த்து நிச்சயித்தனர் பெற்றோர்.

பையன் போனில் பெண்ணிடம் பேசும் போதெல்லாம், கேட்ட கேள்விக்கு மட்டுமே பதில் வரும்.
'நமக்கு தான் நிச்சயமாகி விட்டதே... வா... தனியாக பேசலாம்...' என்று கூப்பிட்டாலும் வர மாட்டாள். 'பொண்ணு ரொம்ப அடக்கம் போலிருக்கு...' என நினைத்து மகிழ்ந்தான்; திருமணமும் முடிந்தது. முதல் இரவுக்கு ஒத்துக் கொள்ளாமல் முரண்டு பிடித்ததுடன், வீட்டில் அவள் செய்த அட்டகாசத்தை கண்ட பின்பே, மனநிலை பாதிக்கப்பட்டு, 'ட்ரீட்மென்ட்'டில் இருப்பவள் என்று தெரிந்தது.

மாப்பிள்ளை வீட்டார் சண்டை போட்டனர். உடனே, 'வரதட்சணை கொடுமை' என்று சொல்லி, கேஸ் கொடுத்து விட்டனர், பெண் வீட்டார். சட்டம், பெண்களுக்கு சாதகமாக இருப்பதால், மாப்பிள்ளை, தற்போது, வீட்டுக்கும், ஸ்டேஷனுக்கும் நடையாய் நடந்து கொண்டிருக்கிறார்.

இதேபோல் இரண்டு, மூன்று சம்பவங்கள் பார்த்து விட்டேன். கோளாறு உள்ள பெண்களை அழகாக உடுத்தி, அப்பாவி மாப்பிள்ளைகள் தலையில் கட்டி விடுகின்றனர். கேட்டால், 'உங்களால் முடிஞ்சதை பாருங்க...' என, 'டார்ச்சர்' கொடுக்கின்றனர். 'எங்க பெண்ணுக்கு பாதுகாப்பு வேண்டாமா...' என்கின்றனர்.
மாப்பிள்ளை வீட்டாரே... ஜாக்கிரதை! பெண் எடுக்கும் போது, நன்கு விசாரித்து, அதன்பின், முடிவெடுங்கள்!

டி.ஜேனி சார்லட், சென்னை.
வாரமலர்

by **krishnaamma** Tue 6 Oct 2015 - 13:35

அவங்க பெண்ணுக்கு பாதுகாப்பு வேண்டுமாம் ............ அப்போ பிள்ளைகளுக்கு ? .....சட்டம் பெண்களுக்கு சாதகமாய் இருப்பதால் வரும் வினைகளில் இதுவும் ஒன்று சோகம்

........பாவம் அப்பாவிப்பசங்க !

by **ayyasamy ram** Wed 7 Oct 2015 - 6:15

by **T.N.Balasubramanian** Wed 7 Oct 2015 - 9:16

பெண்கள் இன்று ஸ்ட்ராங்கர் செக்ஸ் , சட்டம் அவர்கள் பக்கம் , ஓரளவு உலகமும் அவர்கள் பக்கம் .

ரமணியன்

by **M.Jagadeesan** Wed 7 Oct 2015 - 9:51

பெண்ணுடன் மொபைல் போனில் கடலை போட்ட நேரத்தில் , அந்தப் பெண்ணைப்பற்றி தீர விசாரித்து இருக்கலாமே ! ஆக தவறு பையனுடையதுதான் !

by **krishnaamma** Wed 7 Oct 2015 - 18:59

ayyasamy ram wrote:

எனக்கும் இப்படித்தான் இருந்தது ராம் அண்ணா புன்னகை

by **krishnaamma** Wed 7 Oct 2015 - 19:06

T.N.Balasubramanian wrote:பெண்கள் இன்று ஸ்ட்ராங்கர் செக்ஸ் , சட்டம் அவர்கள் பக்கம் , ஓரளவு உலகமும் அவர்கள் பக்கம் .

ரமணியன்

நிஜம் ஐயா, இதை ரொம்ப அட்வாண்டேஜாக எடுத்துக்கொண்டு இப்படி செய்கிறார்கள் சோகம்

by **krishnaamma** Wed 7 Oct 2015 - 19:09

M.Jagadeesan wrote:பெண்ணுடன் மொபைல் போனில் கடலை போட்ட நேரத்தில் , அந்தப் பெண்ணைப்பற்றி தீர விசாரித்து இருக்கலாமே ! ஆக தவறு பையனுடையதுதான் !

மேற்கோள் செய்த பதிவு: 1167006

அது தான் சரியா பேசலை என்று சொல்லறாங்களே ஐயா சோகம்

by **ஜாஹீதாபானு** Wed 7 Oct 2015 - 19:11

krishnaamma wrote: அவங்க பெண்ணுக்கு பாதுகாப்பு வேண்டுமாம் ............ அப்போ பிள்ளைகளுக்கு ? .....சட்டம் பெண்களுக்கு சாதகமாய் இருப்பதால் வரும் வினைகளில் இதுவும் ஒன்று ........பாவம் அப்பாவிப்பசங்க !

மேற்கோள் செய்த பதிவு: 1166843

ஆமாமா...