விநாயகர் கோவிலில் பிரசவித்த குழந்தைக்கு கணேஷ் என பெயரிட்ட இஸ்லாமிய தம்பதியர்

மத நல்லிணக்கத்தை நோக்கி..: விநாயகர் கோவிலில் பிரசவித்த குழந்தைக்கு கணேஷ் என பெயரிட்ட இஸ்லாமிய தம்பதியர்



உத்தரப்பிரதேசம் மாநிலம், தாத்ரியில் மாட்டிறைச்சி சாப்பிட்டதாக கூறி ஒருவர் கொல்லப்பட்ட சம்பவம் இரு சமுதாய மக்களுக்கு இடையில் பூசலை ஏற்படுத்த முயற்சித்துவரும் வேளையில், கோடைக்கால குளிர்மழையாக.., மும்பையில் விநாயகர் கோவிலுக்குள் குழந்தையை பிரசவித்த இஸ்லாமிய பெண் ஒருவர் அந்த குழந்தைக்கு கணேஷ் என பெயரிட்ட நெகிழ்ச்சிகரமான செய்தியும் வெளியாகியுள்ளது.

மும்பையைச் சேர்ந்த இலியாஸ் ஷேக் என்பவரின் மனைவி நூர்ஜஹான்(24). இரண்டாவது குழந்தையை கருவில் சுமந்தபடி, நிறைமாத கர்ப்பிணியாக இருந்த நூர்ஜகானுக்கு டாக்டர்கள் நிர்ணயித்த தேதிக்கு நான்கு நாட்கள் முன்னதாக கடந்த வியாழக்கிழமை அதிகாலை நான்கு மணியளவில் திடீரென பிரசவ வலி ஏற்பட்டது.

உடனடியாக ஒரு டாக்சியை பிடித்த கணவர் இலியாஸ், அருகாமையில் உள்ள சியான் ஆஸ்பத்திரிக்கு நூர்ஜஹானை அழைத்து சென்றார். ஆனால், மோசமான சாலையை கொண்ட விஜய்நகர் பகுதியை டாக்சி கடந்து செல்வதற்குள் ஒருமணி நேரத்துக்கும் மேல் ஆனது.

சாலையில் பள்ளம், மேடுகளில் டாக்சி குலுங்கியபடி சென்றதால் பிரவச வலி மேலும் அதிகமானதால் நூர்ஜஹான் வேதனையால் அலறித் துடித்தார். இதைகண்டு டென்ஷனான டாக்ஸி டிரைவர், சற்றும் பரிதாபம் பார்க்காமல் அவர்களை வடாலா பகுதியில் வழியிலேயே இறக்கிவிட்டு சென்று விட்டார்.

செய்வதறியாது தவித்த நூர்ஜஹான், வலி அதிகரித்ததால் கதறி அழுதார். அந்த அதிகாலை வேளையில் அங்கிருந்த விநாயகர் கோவிலுக்கு வழிபட வந்த பெண்கள், உடனடியாக அந்தப் பெண்ணை கோயிலுக்குள் தூக்கிக் கொண்டு சென்று அங்கு தரையில் கிடத்தினர்.

அப்பகுதியை துணி மற்றும் புடவைகளால் சுற்றி மறைத்தனர். அங்கு அவருக்கு அழகான ஆண்குழந்தை பிறந்தது. 

இதுகுறித்து நூர்ஜஹான் கூறுகையில்,

நாங்கள் என்ன செய்வது என்று தெரியாமல் திகைத்திருந்த நேரத்தில், கேட்காமலேயே எல்லோரும் ஓடி வந்து உதவினர். அக்கம்பக்கத்தில் இருந்த பெண்கள் உடனடியாக வந்து மருத்துவத்துக்குத் தேவையான பொருட்களைக் கொடுத்து உதவினர். நான் அழகான ஆண் குழந்தையைப் பெற்றெடுத்தேன். அவர்களே தொப்புள் கொடியையையும் பிரித்து, என் குழந்தையை எனக்குக் காட்டினர். என் கணவரையும் அழைத்து வாழ்த்துக் கூறி, மகனை அவர் கையில் கொடுத்தனர்.

அந்த விநாயகர்தான் என்னையும், என் மகனையும் காப்பாற்றினார். எனவே என் மகனுக்கு ‘கணேஷ்’ என்று அவரது பெயரையே சூட்டியுள்ளோம் என்று தெரிவித்தார்-maalaimalar

ஹை........நான் முதன் முதலில் எழுதின கதை போலவே இருக்கு இந்த சம்பவம்.....
.
.
.
பகிர்வுக்கு நன்றி ராஜா

அட... ஆமால்ல. , அந்த பதிவின் சுட்டி இருந்த்தால் போடுஙளேன்

ராஜா......... நல்ல பதிவு. மனதிற்கு நிறைவு.

கிருஷ்.... அந்தக் கதை சுட்டி வேண்டும்.

ராஜா wrote:அட... ஆமால்ல. ,  அந்த பதிவின் சுட்டி இருந்த்தால் போடுஙளேன்

இதோ, நீங்க கேட்டு போடாமலா ராஜா

நன்றி! by கிருஷ்ணாம்மா !

Aathira wrote:ராஜா......... நல்ல பதிவு. மனதிற்கு நிறைவு.

கிருஷ்.... அந்தக் கதை சுட்டி வேண்டும்.

மேலே கொடுத்திருக்கேன் ஆதிரா, இங்கு நான் தரும் லிங்க், என்னுடைய எல்லா கதைகளின் லிங்க், முடியும் போது படித்து உங்களின் கருத்து சொல்லுங்கள்....எனக்கு ரொம்ப சந்தோஷமாய் இருக்கும்

என்னுடைய கதைகளின் PDF இங்கே ! - Krishnaamma