ஏழைகளின் பசி தீர்க்க இப்படியும் உதவலாமே!

**krishnaamma** · **krishnaamma** Sun 4 Oct 2015 - 12:27

நம் இந்தியாதான் உணவு உற்பத்தியில் இரண்டாம் இடம், ஆனால் பசி பட்டினியில் முதல் இடத்திற்கு வருவதற்கு வெகுதூரம் இல்லை. ஒரு பகுதியில் உண்ட மயக்கம் காண்பதும், மற்றொரு பகுதியில் உணவின்மையால் மயங்குவதும் நியாயமா..?

நாம் ஆண்டிற்கு சுமார் 50,000 கோடி ரூபாய் மதிப்பில் உள்ள உணவு பொருட்களை விரயம் செய்கிறோம். இங்கு நடக்கும் கல்யாணம் மற்றும் விசேஷங்களில் மட்டும் சுமார் 3,520 கோடி ரூபாய் மதிப்பிலான உணவை நாம் விரயம் செய்கிறோம். அதன் விளைவை கருத்தில் கொண்டு, வீணாகும் உணவை தடுப்பதற்காக உருவான இயக்கம்தான் ஸ்பைஸ் (spice) அறக்கட்டளையின் 'நோ ஃபுட் வேஸ்ட்' (NO FOOD WASTE) அமைப்பு.

தொடரும்..............

**krishnaamma** · **krishnaamma** Sun 4 Oct 2015 - 12:28

ஏழைகளின் பசி தீர்க்க இப்படியும் உதவலாமே! 3G2yKy3T6tnwS5gFsa5g+food_vc4(1)

இந்த அமைப்பை நிறுவியவர் பத்மநாபன் கோபாலன். அவர் தனது நண்பர்களுடன் இணைந்து தொடங்கியது தான் இந்த ஸ்பைஸ் அறக்கட்டளை. இதில் உள்ளவர்கள் அனைவரும் இளைஞர்கள். கோவை புறநகர் மற்றும் சுற்று வட்டாரப் பகுதிகளில் உள்ள ஏழை மக்களின் உணவுக்கான பங்களிப்பு, இவர்களின் அறக்கட்டளைக்கான பங்களிப்பாகும்.

இந்த இளைஞர்கள் அனைவரும் கோவையில் உள்ள அரசு பொறியியல் கல்லூரியில் படிப்பு முடித்துவிட்டு, மாதச் சம்பளத்திற்குப் போகாமல், முழு நேரமாக இந்த அறக்கட்டளையைத் தொடங்கி தங்களது பங்களிப்பினைப் பொது மக்களுக்கு ஆற்றி வருகின்றனர். கோவையில் உள்ள கல்யாண மண்டபங்களிலும், பல வித விஷேசங்கள் நிகழும் இடங்களிலும் மீதமாகும் உணவுகளை, உரிமையாளர்களின் அனுமதியுடன் எடுத்து வந்து, கோவையைச் சுற்றியுள்ள இல்லாதவர்களுக்கு பகிர்ந்தளிக்கின்றனர்.

தொடரும்.............

**krishnaamma** · **krishnaamma** Sun 4 Oct 2015 - 12:29

ஏழைகளின் பசி தீர்க்க இப்படியும் உதவலாமே! AP7mToiJQEKmeP62a2Cw+food_vc3

இந்த பங்களிப்பையும் சேவையையும் பார்த்து, கோவை ரோட்டாரி சங்கம் இவர்களுக்கு உணவு பகிர்ந்தளிப்பதற்காக ஒரு நான்கு சக்கர வாகனத்தை நன்கொடையாக வழங்கி உதவி செய்துள்ளது.

தொடரும்.............

**krishnaamma** · **krishnaamma** Sun 4 Oct 2015 - 12:29

ஏழைகளின் பசி தீர்க்க இப்படியும் உதவலாமே! NatL7aqNTnlmp1QkEwuS+food_vc2

இதை பற்றி இந்த இயக்கத்தின் நிறுவனர் பத்மநாபன் கோபாலிடம் கேட்ட போது," நாம் அனைவரும் பசியில் வாடுபவருக்காப் புதிதாக உணவு சமைக்கத் தேவையில்லை, சமைத்த உணவை விரயம் செய்யாமல் பகிர்ந்தளித்தாலே அவர்கள் பசி அடங்கும்.

மனிதர்களாகிய நாம் பல நேரங்களில் சக மனித பசி உணர்வை உணர்வதில்லை. அன்றாட வாழ்க்கையின் ஓட்டத்தில் பசியின் வாடும் முகங்கள் பத்து நொடிகள்தான் நம் கண் சிமிட்டலில். சற்று சிந்தியுங்கள், உங்கள் அருகாமையில் எத்தனை பேர் பசியால் வாடுகின்றனர் என்று? பசியை விடக் கொடுமையான வலி வேறு ஏதும் இல்லை.

இதனால் வருகிற அக்டோபர் 16, உலக உணவு தினத்தன்று மதியம் 12.30 முதல் 1.30 வரை 'ஜீரோ ஹங்கர் ஹவர்' (zero hungar hour)என அனுசாரிக்க முடிவெடுத்துள்ளோம், எனவே அன்று முதல் அனைவரும் ஒரு உறுதிமொழி ஏற்று, தங்கள் அருகாமையில் இருக்கும் இயலாதோருக்கு உணவு அளித்துப் பின்பு நீங்கள் உண்டு பாருங்கள், அது வாழ்வின் மிக நெகிழ்ச்சியான தருணம் என நாங்கள் உத்தரவாதம் அளிக்கிறோம்.

தொடரும்.............

**krishnaamma** · **krishnaamma** Sun 4 Oct 2015 - 12:30

உணவு என்பது நமது நாட்டை பொறுத்தவரை ஒவ்வொரு குடிமகனும் கொண்டாடி அனுபவிக்க வேண்டிய உரிமை. நம் நாட்டில் கொண்டாடாமல் இருந்தாலும் ஒவ்வொருவரும் பூரணமாய் உணவை அனுபவிக்கவாவது நாம் வழி வகுப்போம்.

அதற்கு கீழ்க்கண்டவற்றை கடைபிடிக்கலாம்....

1.ஒரு தேவையான நோக்கத்துடன் உணவு தயார் செய்வோம்!

2.எண்ணி எண்ணி உணவுப் பொருட்களைப் பயன் செய்வோம்!

3.இருப்பதை எண்ணி தாராளம் செய்யாமலிருப்போம்!

4.உணவு விரயத்திற்கு வழி வகுக்காமல் இருப்போம்!

சா.கவியரசன்
படங்கள் : க.சத்திய மூர்த்தி

நன்றி விகடன்.