அம்மாவின் அன்பு பரிசு

கொட்டும் மழையில் 
அதிகாலை வேளையில் 
அழகிய கண்ணா 
நீ பிறந்தாய்!! 

"உன் விழியின் 
வெளிச்சத்தில் 
நான் பிரகாசமானேன் ""!

ஆம் நான் தாயானேன்!! 

நீ சூரியனைப்போல 
பிரகாசிக்க வேண்டும் 
என்பதாலோ என்னவோ 
அன்றைக்கு சூரியன் 
கூட தாமதமாக தான் 
உதித்தது!! 

என் உடல் 
மயக்க நிலையில் 
இருந்தாலும் 
என் மனம் 
மகனே உன்னை 
காண விழிப்பு நிலையில் 
இருந்தேன்!! 

நீ ஜனித்த நேரம் 
என் வாழ்வின் 
மகத்தான தருணம் 
அல்லவா!!! 

இன்று நீ 
குட்டி கண்ணனாய் 
குறும்புகள் 
பலவும் செய்து 
என்னை குதூகலப்படுத்துகிறாய்!! 

நீ அம்மா 
என்று அழைக்கும் 
ஒவ்வொரு நொடியும் 
நான் அந்தரத்தில் 
பறப்பது போல் 
உணர்வேன்!! 

உன் அன்புக்கு 
எல்லையே 
இல்லையடா!! 

என்னாடி வைர தங்கம் 
என்று என்னை கொஞ்சி 
மகிழ்விக்கிறாய்! 

நான் செல்லமாய் 
கோபம் கொண்டாலும் 
அம்மா மன்னித்துவிடு 
என்று உன் மழலை
மொழியில் மன்னிப்பு கேட்கிறாயே!!

மகனே உன் மாண்பை 
நான் என்னவென்று 
சொல்வது?

கோடி கோடியாய் 
கொட்டிக்கொடுத்தாலும் 
கிடைக்காத இன்பத்தை 
நீ அழைக்கும் ஒற்றை 
வார்த்தையில் நித்தம் 
கிடைக்க செய்கிறாயே!!

((அம்மா என்ற வார்த்தை 
நம் தாய் மொழியின் சிறப்பு)) 

எட்டு மாதத்தில் 
எட்டி அடி எடுத்து 
வைத்த இனியனே !

எட்டா தூரத்தில்
இருந்த உன்னை 
எட்டி பிடிக்க 
செய்த 
ஆனந்த நடராஜன் 
தில்லைகூத்தனுக்கு 
என் நன்றியை 
உன்னை சிவ நெறியில் 
வளர்த்து சிறப்பிக்கிறேன்!!

உன்னை தமிழ்நேசனாகவும் 
சிவதொண்டனாகவும் 
வளர்க்க வேண்டிய 
மிகப்பெரிய கடமை 
எனக்கு உள்ளது!! 

மகனே நீ 
நிறைவேற்றுவாய் 
என்று நினைக்கிறேன்!! 

நீ வாழ்வாங்கு 
வாழிய வாழிய வே!! 

இனிய கண்ணா 
இனிய பிறந்தநாள் 
வாழ்த்துக்கள்!! 


இப்படி 
உன் அம்மா 
சசி

அம்மா என்று அழைக்காத உயிர் இல்லையே
தாய்மை போற்றுதும்
வாழ்க வளமுடன்

நன்றி ஐயா

நன்றி ராம் ஐயா

அருமையான பரிசு

அம்மாவுக்கும் , மகனுக்கும்

இந்த கவிதையை
இனியன் கண்ணன்
பிறிதொரு காலத்தில் , முழுதும்
புரிந்தே படிக்கையில்
அம்மாவின் பெருமை ,அவன்
மதிப்பில் மேலும் உயரும்

அருமை , மிக்கவே ரசித்தேன் சசி.

ரமணியன்

மிகவும் நன்றி ஐயா

கவிதை அருமை நண்பரே

விஸ்வாஜீ wrote:கவிதை அருமை நண்பரே

மேற்கோள் செய்த பதிவு: 1171756

விஸ்வாஜி ,

சசி அவர்கள் , கண்ணனின் தாய் .
நண்பரே என்பதற்கு பதில் , நட்பே என்று அழைக்கலாம்
அல்லது நண்பியே என்று அழைக்கலாம் .
சரியா ,

ரமணியன்