மழலை இன்பம் .

**M.Jagadeesan** · **M.Jagadeesan** Mon 7 Sep 2015 - 20:41

[You must be registered and logged in to see this image.]

குழலினிது யாழினிது என்பதம் மக்கள்
மழலைச்சொல் கேளா தவர் . ( மக்கட்பேறு- 66)

பொருள் : குழந்தைப் பேறு இல்லாதவர்கள்தான் , அவர்களின் மழலை இன்பத்தைக்
கேட்காதவர்கள்தான் , குழலோசை இனிது, யாழோசை இனிது என்று சொல்லிக்கொண்டு இருப்பார்கள் .

நுட்ப உரை :
==========
குழல் - கண்ணன் கையில் இருப்பது . யாழ் - சரஸ்வதியின் கையில் இருப்பது . எனவே இன்பமான இல்வாழ்க்கைக்கு , ஆண் ஒன்று , பெண் ஒன்று இருந்தால் போதும் . " தம் மக்கள் ' என்று ஏன் சொல்லவேண்டும் ? பக்கத்து வீட்டுக் குழந்தை , எதிர் வீட்டுக் குழந்தை மழலை பேசினாலும் இன்பமாகத்தான் இருக்கும் ; ஆனாலும் நாம் பெற்ற குழந்தையின் மழலையைக் கேட்கின்ற சுகமே அலாதிதான் . எனவேதான் " தம்மக்கள் " என்றார்.

**சிவா** · **சிவா** Wed 9 Sep 2015 - 3:10

சிறந்த குறளின் விளக்கத்திற்கு நன்றி!

**M.Jagadeesan** · **M.Jagadeesan** Wed 9 Sep 2015 - 12:14

தம் மக்கள் அறிவு
===============

[You must be registered and logged in to see this image.]

தம்மின் தம்மக்கள் அறிவுடைமை மாநிலத்து
மன்னுயிர்க் கெல்லாம் இனிது . ( மக்கட்பேறு _68 )

பொருள்: தம்மைவிடத் , தம்மக்கள் அறிவுடையவர்களாகத் திகழ்வது உலகத்து மக்கட் சமுதாயத்திற்கு அதிக நன்மை தருவதாகும்.

நுட்ப உரை :
==========
தம் மக்களுடைய அறிவானது , தனக்குப் பயன்படுவதைக் காட்டிலும், உலக மக்களுக்கு அதிக பயன் தருவதாகும் . விஞ்ஞானி எடிசனின் அறிவு , அவருடைய குடும்பத்திற்குப் பயன்பட்டதைக் காட்டிலும் ,, உலகத்திற்கே அதிகம் பயன்பட்டுக் கொண்டிருக்கிறது . மின்விளக்கும் , திரைப்படமும் எடிசனின்
நன்கொடைகள் அல்லவா !

**krishnaamma** · **krishnaamma** Wed 9 Sep 2015 - 13:27

ம்ம்...ஸ்வாமி நாதன் புன்னகை

shobana sahas · shobana sahas Wed 9 Sep 2015 - 21:49

அருமையான திரி . அனைத்தும் அருமை

**M.Jagadeesan** · **M.Jagadeesan** Thu 10 Sep 2015 - 13:08

அறிவறிந்த மக்கள்
================

[You must be registered and logged in to see this image.]

பெறுமவற்றுள் யாமறிவது இல்லை அறிவறிந்த
மக்கட்பேறு அல்ல பிற . ( மக்கட்பேறு -61 )

பொருள் :
========
இல்லறத்தான் ஒருவன் அடைய வேண்டிய பேறுகளில் தலை சிறந்தது , நல்லறிவுடைய மக்களைப் பெறுவதாகும் . இதைவிடப் ஒரு பெரிய பேறு நான் அறிந்தவரையில் இல்லை .

நுட்ப வுரை :
==========
" அறிவு அறிந்த மக்கட்பேறு " என்னும் தொடருக்கு , அறிவு அறிந்த மக்கள் , அறிவு அறியா மக்கள் என இரு நிலையார் உளர் என்றும் , அவருள் அறிவு அறிந்த மக்கட்பேற்றையே வள்ளுவர் ஈண்டு குறிப்பிடுகிறார் என்றும் சிலர் கூறுவர் . இது வள்ளுவ முரண் ஆகும் .

மேலும் , " அறிவறிந்த " என்றதனான் , மக்கள் என்னும் பொதுப்பெயர் பெண் ஒழித்து நின்றது . இதனாற் புதல்வரைப் பெறுதலின் சிறப்புக் கூறப்பட்டது " என்ற பரிமேலழகரின் உரையும் தவறு என்று கூறுவார் டாக்டர் வ.சு.ப. மாணிக்கம் அவர்கள் .

=========

**M.Jagadeesan** · **M.Jagadeesan** Fri 11 Sep 2015 - 14:55

வான்சிறப்பு :
==========

[You must be registered and logged in to see this image.]

விசும்பின் துளிவீழின் அல்லால்மற் றாங்கே
பசும்புல் தலைகாண்பு அரிது . ( வான்சிறப்பு - 16 )

பொருள் :
=======
வானம் மழை பெய்யாவிட்டால் , பசும் புல்லின் தலையையும் காணமுடியாது .

**T.N.Balasubramanian** · **T.N.Balasubramanian** Fri 11 Sep 2015 - 15:01

வானம் மழை பெய்யாவிட்டால் , பசும் புல்லின் தலையையும் காணமுடியாது .

உண்மை , மழை பெய்வது இயற்கை
அதற்கேற்ற சூழ்நிலையை நாம் ஏற்படுத்த தவறி விடுகிறோம் .

ரமணியன்

**M.Jagadeesan** · **M.Jagadeesan** Sat 12 Sep 2015 - 20:41

வலியறிதல் :
==========

[You must be registered and logged in to see this image.]

நுனிக்கொம்பர் ஏறினார் அஃதிறந்து ஊக்கின்
உயிர்க்கிறுதி ஆகி விடும் . ( வலியறிதல் - 479 )

பொருள் :
=======
மரத்தின் உச்சிக்கொம்பு வரையில் ஏறியவர் , அதையும் தாண்டி மேலே ஏற முனைந்தால் , அவருடைய உயிருக்கே அது ஆபத்தாக முடியும் . எனவே திறமைக்கு மீறிய செயல்களில் நாம் ஈடுபடக் கூடாது . நம் திறமையின் வலிமையை அறிந்து , எல்லையை அறிந்து , அதற்கேற்ற செயல்களில் ஈடுபடவேண்டும் .

இக்குறள் பிறிது மொழிதல் அணியில் உள்ளது . உவமானத்தை மட்டும் கூறி , உவமேயத்தைக் கூறாது விடுத்தார் .

**M.Jagadeesan** · **M.Jagadeesan** Sun 13 Sep 2015 - 20:26

பெண்வழிச் சேறல் :
================

[You must be registered and logged in to see this image.]

பெண்ணேவல் செய்தொழுகும் ஆண்மையின் நாணுடைப்
பெண்ணே பெருமை உடைத்து . ( 907 )

பொருள் :
-----------
மனைவிக்குக் குற்றேவல் செய்துகொண்டு , அவளுக்குப் பணியாளாய் வாழ்தலைவிட, அவன் நாணம் முதலிய பண்புகளையுடைய பெண்ணாய்ப் பிறத்தலே மேலானது .

Sponsored content · Sponsored content

மழலை இன்பம் .

மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

Re: மழலை இன்பம் .

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக