அக்டோபர் 1 – சர்வதேச முதியோர் தினம்

**ayyasamy ram** · **ayyasamy ram** Thu Oct 01, 2015 6:29 am

-
ஐக்கிய நாடுகள் அவை அறிவித்துள்ளபடி
சர்வதேச முதியோர் தினம் உலகம் முழுவதும் அக்டோபர் 1-ம்
தேதி கொண்டாடப்படுகிறது.

நோக்கம்

உலகம் முழுவதிலும் உள்ள மூத்த குடிமக்களை மதிக்கவும்,
மரியாதையை செலுத்தவும், குடும்பம், சமூகம் மற்றும்
தேசத்திற்கு அவர்கள் ஆற்றிய சேவைகளை நினைவு கூறும்
வகையிலும்,
அவர்களின் அறிவு, ஆற்றல் மற்றும் சாதனைகளை பார்த்துக்
கற்றுக்கொள்ளவும் மக்களுக்கு எடுத்துரைக்கும் நாளாக
காணப்படுகிறது.

முதியோர் நலன்

பொதுவாக 60 வயதை கடந்த ஆண், பெண் அனைவரும்
மூத்த குடிமக்கள் அல்லது முதியோர் என்று கருதப்படுகின்றனர்.
அவர்கள் நலனை பாதுகாக்கவும், அவகளின் உரிமைகளை
மதிக்கவும் அரசுகள் பல்வேறு நடவடிக்கைகளை எடுத்து வருகின்றன.
–
———————

**T.N.Balasubramanian** · **T.N.Balasubramanian** Thu Oct 01, 2015 6:51 am

ஈகரைசார் முதியோருக்கும் ,
ஈகரை பார்வையிடும் முதியோருக்கும்
வாழ்த்துகள்

ரமணியன்

Namasivayam Mu · Namasivayam Mu Thu Oct 01, 2015 7:20 am

எனக்கு வயது 61 முடிந்து விட்டது. இருந்தாலும் மனதளவில் நான் இன்னும் ஐந்தாம்
வகுப்பு படிக்கும் சிறுவனாகவே வாழ்கிறேன். என்னைப்
பற்றி நினைக்கும் பொழுது என் மனத்திரையில் என் சிறு வயது தோற்றமே வந்து முன் நிற்கிறது.கொஞ்ச நேரம் கிடைத்தாலும் கடந்த காலத்தைப் பற்றி நினைக்கும் பொழுது மனம் என் சிறு வயது நிகழ்வுகளை மட்டுமே அசை போடுகிறது. இடைப்பட்ட காலங்கள் மறந்து விட்டதுபோல் உணர்வு. இன்று முதியோர் தினமாம். நான் முதியோனாகிவிட்டேனா என்பது புரியவில்லை. சாகும் வரை பள்ளி செல்லும் பாலகனாகவே வாழ்ந்து விட்டுப் போகிறேன்
சிறு வயது நினைவுகள் சுகமானது

சின்ன சின்னக் கண்ணனுக்கு என்னதான் புன்னகையோ
என்ற திரைப்பட பாடலில் வரும் இந்த வரி

பிள்ளையாய் இருந்து விட்டால் இல்லை ஒரு தொல்லையடா
என்னை மிகவும் கவர்ந்த வரி
வாழ்க வளமுடன்.

**ayyasamy ram** · **ayyasamy ram** Thu Oct 01, 2015 7:26 am

Namasivayam Mu wrote:எனக்கு வயது 61 முடிந்து விட்டது. இருந்தாலும் மனதளவில் நான் இன்னும் ஐந்தாம்
வகுப்பு படிக்கும் சிறுவனாகவே வாழ்கிறேன். என்னைப்
பற்றி நினைக்கும் பொழுது என் மனத்திரையில் என் சிறு வயது தோற்றமே வந்து முன் நிற்கிறது.கொஞ்ச நேரம் கிடைத்தாலும் கடந்த காலத்தைப் பற்றி நினைக்கும் பொழுது மனம் என் சிறு வயது நிகழ்வுகளை மட்டுமே அசை போடுகிறது. இடைப்பட்ட காலங்கள் மறந்து விட்டதுபோல் உணர்வு. இன்று முதியோர் தினமாம். நான் முதியோனாகிவிட்டேனா என்பது புரியவில்லை. சாகும் வரை பள்ளி செல்லும் பாலகனாகவே வாழ்ந்து விட்டுப் போகிறேன்
சிறு வயது நினைவுகள் சுகமானது

சின்ன சின்னக் கண்ணனுக்கு என்னதான் புன்னகையோ
என்ற திரைப்பட பாடலில் வரும் இந்த வரி

பிள்ளையாய் இருந்து விட்டால் இல்லை ஒரு தொல்லையடா
என்னை மிகவும் கவர்ந்த வரி
வாழ்க வளமுடன்.

மேற்கோள் செய்த பதிவு: 1165575
-
சூப்பருங்க

-
திரைப்பட பாடலில், எனக்குப் பிடித்த வரி...
-
தூக்கம் உன் கண்களைத் தழுவட்டுமே....

Namasivayam Mu · Namasivayam Mu Thu Oct 01, 2015 7:34 am

அக்டோபர் 1 – சர்வதேச முதியோர் தினம் 3838410834

**M.Jagadeesan** · **M.Jagadeesan** Thu Oct 01, 2015 8:20 am

முதுமை , ஒரு கொடுமை என்றாலும் அதை நாம் ஏற்றுக்கொண்டுதான் ஆகவேண்டும் . பாரதியின்
" இன்று புதிதாய்ப் பிறந்தோம் ! " என்ற வரிகளை அடிக்கடி நினைத்துக் கொள்வேன். அது ஓய்வு பெற்ற
உடலுக்கு ஊக்கம் கொடுக்கும் வரிகள் . முதுமை பற்றிய என் கவிதை !

முதுமையே போ !
==============
எதுகை மோனை இல்லாக் கவிதைபோல்
முதுமை ஒரு விகாரமே!- அந்த
முதுமை வருவதற்குள் எனக்கு
முற்றுப்புள்ளி வைத்துவிடு இறைவா !

தந்தத்தினால் செய்த கைத்தடி என்றாலும்
சொந்தக் காலிலே நிற்பது போலாகுமா?
அந்த நிலையை அடையும் முன்பாக
ஆண்டவனே என்னை அழைத்துக் கொள்வாயே!

பல்லிழந்து சொல்லிழந்து
பார்வையில் திரை விழுந்து
கன்னத்தில் குழிவிழுந்து
காதோரம் நரை விழுந்து
கடலின் அலைபோலே
உடலெங்கும் சுருக்கங்கள்
எண்ணத்தில் தடுமாற்றம்
எழுத்திலே தடுமாற்றம்
மாத்திரையே உணவாக
மருந்தே நீராக
நோய்களின் புகலிடமாய்
பாயே இருப்பிடமாய்
கண்ணிருந்தும் குருடராய்
காதிருந்தும் செவிடராய்
வாழுகின்ற முதுமையை
வரவேற்க விரும்பவில்லை !

முதுமையால் சிறப்பு உற்றோர்
மேதினியில் சிலருண்டு
அன்னை தமிழுக்கு
அணிசெய்த காரணத்தால்
ஒளவைக்கிழவி சாகா
வரம் பெற்றாள்.
அமிழ்தினிய தமிழ்நூலைப்
பதிப்பித்த காரணத்தால்
தமிழ்த்தாத்தா உ.வே.சா.
தரணியிலே புகழ்பெற்றார்.
காந்தித் தாத்தா தன்
பொக்கைவாய் சிரிப்பினிலே
ஏந்திய அழகெல்லாம்
யார்பெர்றார் இவ்வுலகில் ?

ஆண்டுசில வாழ்ந்தாலும்
மார்க்கண் டேயனைப்போல்
குன்றா இளமையோடும்
குறைவில்லா நலத்தோடும்
என்றும் பதினாறாய்
இருந்திடவே விரும்புகிறேன்.
.

.

**T.N.Balasubramanian** · **T.N.Balasubramanian** Thu Oct 01, 2015 9:27 am

முதுமை தள்ளாமைகளை அழகுபட ,
புதுமையாக கூறிய , இப்போது ஜனித்த ,
இளமை கவிதை இது . பிரசவித்த
வளமை மிகு Jagadeesanக்கு

அருமையான கவிதை !

ரமணியன்

**M.Jagadeesan** · **M.Jagadeesan** Thu Oct 01, 2015 9:39 am

தங்கள் பாராட்டுக்கு நன்றி ரமணியன் !

Sponsored content · Sponsored content

அக்டோபர் 1 – சர்வதேச முதியோர் தினம்

அக்டோபர் 1 – சர்வதேச முதியோர் தினம்

Re: அக்டோபர் 1 – சர்வதேச முதியோர் தினம்

Re: அக்டோபர் 1 – சர்வதேச முதியோர் தினம்

Re: அக்டோபர் 1 – சர்வதேச முதியோர் தினம்

Re: அக்டோபர் 1 – சர்வதேச முதியோர் தினம்

Re: அக்டோபர் 1 – சர்வதேச முதியோர் தினம்

Re: அக்டோபர் 1 – சர்வதேச முதியோர் தினம்

Re: அக்டோபர் 1 – சர்வதேச முதியோர் தினம்

Re: அக்டோபர் 1 – சர்வதேச முதியோர் தினம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக