கவித்துளிகள்-1

by B.VENKATESAN Mon Sep 28, 2015 10:12 pm

First topic message reminder :

கவித் துளிகள் --(தொடர் பதிவு )

கவித்துளிகள்-1

பிரம்மன் படைப்பில் பிறழாத
கவிதை - காதல்!!!

தேகக் கவர்ச்சியில் திரண்ட
உணர்ச்சி - காமம்!!!

எண்ணிரு ராகங்களில் எங்குமில்லா
இசை- மழலை மொழி!!!

நிகழ்வினை- வினையாலணையும் பெயராய் நனவு தொலைத்த
நினைவு-கனவு!!!

எண்ணம் தேய்ந்து எல்லாம் ஓய்ந்து
உலகம் மறந்த இடைவேளை- உறக்கம்!!!

by **Dr.S.Soundarapandian** Sat Oct 03, 2015 2:49 pm

by B.VENKATESAN Sat Oct 03, 2015 3:42 pm

கவித்துளிகள் - 3

கைகள் கூடுதல்
கைகூடாத வரை
காதல் இன்பம்
குறைவதில்லை
கனவில்!!! - ஒருதலைக்காதல்!!!

தனிமைக் கடலில்
கற்பனை ஓடம் கொண்டு
கருத்து வலை வீசி
கவிதை மீன் பிடிக்கும்
கலைஞன் - கவிஞன்!!!

கற்பனை வெள்ளத்தை
கருத்துமடை போட்டு
கடந்த நிகழ்வுகள் கொண்டு
கவி விளைக்கும்
வல்லமை - புலமை!!!

எண்ணிய ஆசையை
அடைந்து துய்க்கும் வேளை...
இடைவிடாத எண்ண போராட்டம்
இயல்புநிலை திரும்பும்
சில நொடி இதம் - இன்பம் !!!

- பா.வெ.

by B.VENKATESAN Sat Oct 03, 2015 4:11 pm

மிக்க நன்றி !!!

by **T.N.Balasubramanian** Sat Oct 03, 2015 4:27 pm

அருமையாக உள்ளது .
கவிதுளிகளை ஒரே திரியில் பதிவிடலாமே .

ரமணியன்

by **T.N.Balasubramanian** Sat Oct 03, 2015 4:49 pm

பா வெ.
கவித்துளிகள் 1,2,3 இணைக்கப்பட்டுள்ளன .
இதே திரியில் 4, 5 என்று தொடரவும் .
தலைப்பை "கவித் துளிகள் --தொடர் பதிவு " என மாற்றி உள்ளேன் .
இது உங்களுக்கும் , படிப்பவர்களுக்கும் ஒரே திரியில் "கவித்துளிகள் "கிடைக்கும் .
இதே திரியில் தொடரவும் .

ரமணியன்