அமைதி ஆயுதம் போதும்!

**ayyasamy ram** · **ayyasamy ram** Mon Sep 28, 2015 7:24 am

-
உலகம் போற்றும்
உத்தமனே
உன்னால்தானே
உரிமை பெற்றோம்!
–
நாங்கள்
உயரப் பறக்க
சிறகுகள் தந்து
உன் உயிர் சிறகை
உதிர்த்துக் கொண்டாயே!
–
அன்னையின்
அடிமைச்சங்கிலி உடைக்க
அர்ஜுனனைப் போல
அஸ்திரம் ஏந்தவில்லை!
–
சச்சரவுகள் தீர்க்க
வாசுதேவனைப் போல
சாவகாசமாக வந்து
சர்க்கரை பேச்சு பேசி
சமரச முயற்சியும்
மேற்கொள்ளவில்லை!
–
ஆயுதம் எடுக்கவில்லை
அறைகூவல் விடுக்கவில்லை
அடிமைச்சங்கிலியை
எப்படி அடக்கம் செய்தாய்?
–
அமைதிப்பிரியனே…
உன் மவுன யுத்தத்தின்
உச்சி தவத்தால் தான்
எத்தனை மகத்துவம்!
–
மறந்து போன மனித நேயம்
உன் ஜனன தேதியில் மட்டும்
மறுமுளை விட்டு
மறுபடியும்
மறைந்து கொள்கிறது!
–
ஆனாலும்
மகாத்மா என்ற சகாப்தத்தின்
தலைமகன் நாமம் மட்டும்
மறந்து போவதே இல்லை
கருவறையிலிருந்து கல்லறை
செல்லும் வரை!
–
நீ அழைத்துச் செல்ல மறந்த
அகிம்சையென்னும்
அமைதி ஆயுதம் ஒன்று போதும்
இந்த உலகம் உயர்ந்து நிற்கும்
உன் பேர் என்றும் நிலைத்து நிற்கும்!
–
————————————
— க.அழகர்சாமி, கொச்சி.

தினமலர்

**M.Jagadeesan** · **M.Jagadeesan** Mon Sep 28, 2015 9:40 am

உலகம் போற்றும் உத்தமனுக்கு உயர்ந்த கவிதாஞ்சலி .

அமைதி ஆயுதம் போதும்!

அமைதி ஆயுதம் போதும்!

Re: அமைதி ஆயுதம் போதும்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக