முதல்-அமைச்சர் அறிவிப்பின்படி தமிழகத்தில் ஐந்து புதிய வட்டங்கள் உருவாகின; அரசிதழில் வெளியீடு

**ayyasamy ram** · **ayyasamy ram** Fri Sep 25, 2015 6:45 am

சென்னை,

தமிழக அரசிதழில் வெளியிடப்பட்டுள்ள அறிவிப்பில்
கூறப்பட்டு இருப்பதாவது:-

தமிழக சட்டசபையில் முதல்-அமைச்சர் கடந்த 11.8.14 அன்று
பேரவை விதி 110-ன் கீழ் அறிவிப்பு ஒன்றை வெளியிட்டார்.

அதில்,“திருவள்ளூர் மாவட்டத்தில் உள்ள அம்பத்தூர் மற்றும்
பூந்தமல்லி வட்டங்களை சீரமைத்து ஆவடியில் ஒரு புதிய
வட்டம் உருவாக்கப்படும்” என்று குறிப்பிட்டிருந்தார்.

இந்த அறிவிப்பிற்கிணங்க, திருவள்ளூர் மாவட்ட கலெக்டர்,
அந்த மாவட்டத்தில் உள்ள அம்பத்தூர் மற்றும் பூந்தமல்லி
வட்டங்களை சீரமைத்து ஆவடியில் ஒரு புதிய வட்டம்
உருவாக்குவதற்கான அவசியங்களை குறிப்பிட்டு, மதுர
வாயல் வட்டத்திலிருந்து அயப்பாக்கம் கிராமத்தினை
பிரித்து புதியதாக தோற்றுவிக்கப்படவுள்ள ஆவடி
வட்டத்திலுள்ள திருமுல்லைவாயல் உள்வட்டத்துடனும்,
புதியதாக வயலாநல்லூர் மற்றும் நேமம் குறுவட்டங்களை
உருவாக்கி அவைகளை பூவிருந்தவல்லி வட்டத்திலும்
சேர்க்கலாம் எனவும் தெரிவித்துள்ளார்.

கலெக்டரின் இந்த பரிந்துரை ஏற்கப்பட்டு அதனடிப்
படையில் ஆணையிடப்படுகிறது.

இவ்வாறு அதில் கூறப்பட்டுள்ளது.

இதுபோல் கிருஷ்ணகிரி மாவட்டத்தில் பர்கூர் வட்டம்,
புதுக்கோட்டை மாவட்டத்தில் விராலிமலை வட்டம்,
விருதுநகர் மாவட்டத்தில் வெம்பக்கோட்டை வட்டம்,
நெல்லை மாவட்டத்தில் திருவேங்கடம் வட்டம்
ஆகியவற்றை புதிதாக உருவாக்குவதற்கும் ஆணை
பிறப்பிக்கப்பட்டுள்ளது.
–
—————————————
தினத்தந்தி

முதல்-அமைச்சர் அறிவிப்பின்படி தமிழகத்தில் ஐந்து புதிய வட்டங்கள் உருவாகின; அரசிதழில் வெளியீடு

முதல்-அமைச்சர் அறிவிப்பின்படி தமிழகத்தில் ஐந்து புதிய வட்டங்கள் உருவாகின; அரசிதழில் வெளியீடு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக