பண்டிகை கால விற்பனையை குறி வைத்து 4ஜி செல்போன்களை குவிக்க தயாராகும் முன்னணி நிறுவனங்கள்

புதுடெல்லி
-

-
சாம்சங், மைக்ரோமாக்ஸ், சோனி உள்ளிட்ட முன்னணி
நிறுவனங்கள் பண்டிகை கால விற்பனையை குறி வைத்து
சந்தையில் 4ஜி செல்போன்களை குவிக்க தயாராகியுள்ளன.

இதுவரை பண்டிகை காலத்தில் ஸ்மார்ட்போன் விற்பனை
20 சதவீதத்திற்கு மேல் அதிகரித்து வந்துள்ளதாக தெரிகிறது.

பார்தி ஏர்டெல்

பார்தி ஏர்டெல் நிறுவனம் 4ஜி சேவையை அறிமுகம்
செய்துள்ளதையடுத்து வோடாபோன், ரிலையன்ஸ் ஜியோ இன்போகாம்
ஆகிய நிறுவனங்களும் அந்த சேவையை அறிமுகம் செய்யவிருக்கின்றன.
எனவே 4ஜி செல்போன் சாதனங்களுக்கான தேவைப்பாடு அதிகரித்துள்ளது.

இதனால் சாம்சங், மைக்ரோமாக்ஸ் லெனோவோ, சோனி, எல்.ஜி., கார்பன்,
இன்டெக்ஸ், லாவா மற்றும் ஜியோனி ஆகிய முன்னணி நிறுவனங்கள்
நவீன 4ஜி ஸ்மார்ட்போன்களை அதிக அளவில் அறிமுகம் செய்ய
திட்டமிட்டுள்ளன.

கடந்த ஜூலை முதல் செப்டம்பர் மாதத்தில் இதுவரை ஒட்டுமொத்த
ஸ்மார்ட்போன் விற்பனையில் ஆன்லைன் வர்த்தகத்தின் பங்கு 20 சத
வீதத்திற்கு மேல் அதிகரித்துள்ளது என கவுன்ட்டர் பாயின்ட் ரிசர்ச் நிறுவனம்
தெரிவித்துள்ளது.

சோனி நிறுவனம்

நடப்பு ஆண்டில், ஆகஸ்டு முதல் நவம்பர் வரையிலான காலத்தில் தனது
டி.வி. மற்றும் ஸ்மார்ட்போன்கள் விற்பனை வாயிலாக ரூ.5000 கோடி வருவாய்
கிடைக்கும் என சோனி நிறுவனம் மதிப்பீடு செய்துள்ளது.
இது, இந்நிறுவனம் கடந்த நிதி ஆண்டில் ஈட்டிய மொத்த வருவாயில்
(ரூ.10,400 கோடி) 50 சதவீதமாகும். எதிர்வரும் பண்டிகை காலத்தில் விளம்பரம்
உள்ளிட்ட சந்தைப்படுத்துதல் நடவடிக்கைகளுக்காக ரூ.250 கோடி செலவு
செய்ய உள்ளதாக இந்நிறுவனம் தெரிவித்துள்ளது.

எல்.ஜி. நிறுவனம், தீபாவளி பண்டிகை சமயத்தில் விற்பனை 40-50 சதவீதம்
அதிகரிக்கும் என்ற எதிர்பார்ப்பில் சந்தைப்படுத்துதலுக்காக ரூ.30 கோடி
செலவிட உள்ளதாக தெரிவித்துள்ளது. சாம்சங் நிறுவனம் தனது 4ஜி
ஸ்மா£ட்போன்கள் விற்பனை 20 சதவீதம் உயரும் என எதிர்பார்க்கிறது.

லெனோவோ

கடந்த ஆண்டை விட எதிர்வரும் பண்டிகை காலத்தில் தனது 4ஜி
செல்போன்கள் விற்பனை வழக்கம்போல் 1.2 முதல் 1.3 மடங்கு வரை அதிகரிக்கும்
என லெனோவோ கருதுகிறது. கார்பன் நிறுவனம் தனது விற்பனை 15-20 சத
வீதம் வரை உயரும் என எதிர்பார்க்கிறது. சீனாவைச் சேர்ந்த ஜியோனி தனது
தீபாவளி விற்பனை 40 சதவீதம் அதிகரிக்கும் என நம்புகிறது.
-
------------------------------------
தினத்தந்தி