மழை காலம்

by வித்யாசாகர் on Sat Nov 14, 2009 5:37 pm

மழை காலம்

மழையில் நனைந்த
அடுப்பினை ஊதி ஊதி எறிக்கிறேன்
ஒவ்வொரு விரகிற்காய் -
என் உயிரையே அனைக்கிறேன்;

எரியாத அடுப்பின்
புகை மூட்டத்திற்கு நடுவேயும்
பசியால் பற்றி எரிகிறது வயிறு;

மாடி வீடுகளில்
ஜன்னலோரம் நின்று வேடிக்கை பார்க்கும்
மழைக்காலம் -
ஏழைகளின் வீடுகளில் மட்டும்
எங்களின் கொள்ளியாய் -
ஏனோ; ஏனோ;

காற்றில் பறக்கும்
ஓலை குடிசையின் - ஓட்டைகளில்
தெரியும் வெளிச்சங்களுக்கிடையே
எங்களுக்கென இறங்கி - எந்த தலைவனும்
எந்த சாமியுமே வருவதில்லை;
போகட்டும் -

அடுப்பு போகட்டும்;
பசி போகட்டும்;
கூரை வீடு போகட்டும் -

ஓட்டைகளினால் பின்னிய
குடிசைக்கருகில் -
நான்கைந்து கீற்றுகளில் முடிந்த
குளியலறையில் -
என் மகள் குளிக்கையில்
கீற்று - பறந்து பறந்து மூடுமே..

அவள் மானத்தை நான்
எதை கொண்டு மறைக்க????
-----------------------------------------
வித்யாசாகர்

by செந்தில்குமார் on Mon Dec 14, 2009 2:17 am

மானமா! அதை என்றோ தொலைத்து விட்டது
இந்த ஏழை சமுகம் .
நிலவில் மனிதன் வீடு கட்டலாமா வேண்டாமா
என்று யோசிக்கும் வேளையில்
வீட்டு குடிசையில் நிலவின் வெளிச்சத்தில்
உணவு உண்ணும் மக்கள் இருக்கத்தான் செய்கிறார்கள் .
அவர்களுக்கு இலவச விளக்கு நிலவுதானே.

உங்கள் கவிதையை பார்த்ததும் என்னுள் தோன்றிய வரிகளை எழுதி உள்ளேன்
தவறாக எழுதி இருக்கிறேன் எனில் மன்னிக்கவும் அண்ணா .

by செந்தில்குமார் on Mon Dec 14, 2009 2:37 am

அண்ணா இப்பொழுதுதான் சிறிது நேரம் கிடைத்தது தங்கள் படைப்புக்களை படிக்க ,தங்கள் கவி படைப்புகள் மிகவும் அருமை .

ஈகரையில் எனது தாகம் தீர்க்க தண்ணீர் கிடைக்குமென வந்தேன்
அறுசுவை உணவே கிடைகுமென்பதை உணர்தேன் அண்ணா .

by வித்யாசாகர் on Mon Dec 14, 2009 12:22 pm

மிக்க நன்றிபா செந்தில். மிகவும் எதிர் பார்த்த கவிதையிது. யாருக்கும் பிடிக்க வில்லையோ என்று நினைத்தேன். தேடி தேடி ரசித்திருக்கிறீர்கள்.

சென்ற வாரம் கூட என்றோ எழுதிய என் முதல் புத்தகம் (சிறகுகள் இருந்தும் சிறை கைதிகளாய்) படித்துவிட்டு, மதுரை மத்திய சிறைசாலையிலிருந்து ஒரு நண்பர் இப்போது பாராட்டி கடிதமெழுதி இருக்கிறாராம், வீட்டில் சொன்னார்கள்.

இதுபோன்ற தருணங்கள் தான் இன்றைய தோல்வியை மறக்கடித்து; நாளைய வெற்றியை நம்ப சொல்கிறது!

by Sponsored content

மழை காலம்

மழை காலம்

Re: மழை காலம்

Re: மழை காலம்

Re: மழை காலம்

Re: மழை காலம்