ஈகரை பிறந்த நாள் -- அன்பளிப்புகள்

**T.N.Balasubramanian** · **T.N.Balasubramanian** Sat Sep 19, 2015 1:56 pm

First topic message reminder :

ஈகரை பிறந்த நாள் -- அன்பளிப்புகள்

செப்டம்பர் மாதம் 19 தேதி .
காலை மணி 5.
எனது அலைபேசியில் எப்போதும் போல் " கெளசல்யா சுப்ரஜா ராமா " என்று எனை எழுப்பும் அலை ஒலி .
நானும் எப்போதும் போல் ,அதை அணைத்துவிட்டு , தலையணையை அணைத்துக்கொண்டு ,மேலும் ஒரு செல்லத் தூக்கம் போட்டேன் ,
5-15 இருக்கும் .
மறுபடியும் " கெளசல்யா சுப்ரஜா ராமா ".ஆச்சர்யமாக அலைபேசியை எடுத்தால் , என்னை போல் அதுவும் சமத்தாக தூங்கிக் கொண்டு இருக்கிறது .
அப்பிடி என்றால் , அது காலிங் பெல்லின் மணியோசை ....
நைட் டிரெஸ்ஸை சீர் செய்து கொண்டு , கதவை திறந்தேன் .
வெண்ணிற ஆடையில் , ........நான் பார்த்தது ... என் கண்ணை என்னால் நம்பவே முடியவில்லை .
இருங்க இருங்க , உடனே நீங்க உங்க கற்பனை குதிரையை தட்டி விடவேண்டாம் .நீங்க நினைக்கிற மாதிரி , வெண்ணிற ஆடை நிர்மலாவும் இல்லை ,ஜெயலலிதாவும் இல்லை . (நான் அந்த காலத்து மனுஷனுங்க )
வெண்ணிற ஆடையில் ,தலையை வெண்ணிற தொப்பியும் அலங்கரிக்க ,காரோட்டி ஒருவர் ..

அட , நம்ம எப்போ எந்த கம்பனிக்கு CEO ஆனோம் ? சா ஃ பியரோடு கார் .,

ஆசை கற்பனைக்கு அணைப் போட்டார் ,எதிரில் நின்றவர் .

அவர் :மூணாவது மாடி , ரமணியன் அய்யாவா ?
நான் : ஆமாங்க , நீங்க யாரு ?
அவர் : அய்யா காருலே இருக்காரு . உங்க கிட்ட இதை கொடுக்கச் சொன்னாரு .சற்றே கனமான அட்டைப் பெட்டி .
நான் : அவரு யாரு ?
அவர் :நீங்களே , கீழே வந்தா ,அவரோட பேசலாம் .
நான் : பெட்டிலே என்ன இருக்கு ?

{ குண்டு கிண்டு எதாவது இருக்குமோ ? எனக்கு சந்தேகம் . நடுவுலே நடுவுலே மனைவி வேறே பயமூர்த்திக்கொண்டே இருப்பாங்க ," நீங்க, என்கிட்டே பேசற மாதிரி , வெளிப்படையாக எதாவது ஈகரைலே எழுதிடுவீங்க ,யாராவது கோவித்துக்கொண்டு , ஒரு நாள் இல்லாவிட்டால் ஒரு நாள் குண்டு வச்ச பார்சல் அனுப்பப் போறாங்க " . . அப்பிடியும் இருக்கோமோ ? }

ஈகரைலே எல்லோரும் தங்கம் . நீ நினைக்கிற தீவிரவாதிகள் யாரும் கிடையாது , என்று சமாளிப்பேன் .
(ஈகரை தங்கங்களே , நோட் திஸ் பாயிண்ட் )

அவர் : அய்யா நான் டிரைவருங்க .

நான் : கீழே நீங்க போங்க , ரெண்டு நிமிஷத்துலே வரேன்னு . அவர் கிட்டே இருந்தே வாங்கிக்கிறேன் , என்று சொல்லி அனுப்பி விட்டு , வேஷ்டிக்கு மாறி , மேலே ஒரு அரை ஜிப்பாவை போட்டுக் கொண்டு , கீழே கிளம்பினேன் .
------------------------
ரினோ -டஸ்டர் --சாக்கலேட் நிறக் கார் .
உள்ளே ஆஜானுபாகுவாக , 45 வயது மதிக்கத்தக்க மனிதர் . பார்த்தவுடனேயே , ஒரு மரியாதையை உண்டாக்குகிற தோற்றம்.
வணக்கம் கூறி , மேலே வரிங்களா , உங்களை இதுக்கு முன்னால் பார்த்தது இல்லையே என்றேன் .
அவரும் ஆமாம் ,என்னை பார்த்து இருக்கமுடியாது . ஆனால் நான் ஈகரையை விரும்பி படிப்பவன் .
உறுப்பினர்தான் , நான் வருவது தெரியாது .போவது தெரியாது .
நான் : இணைந்திருந்தாலும் இணையா நிலையா ! அப்போ..... அவரா..... நீங்க ?
அவர் :உறுப்பினர் இல்லையென்று அறிந்தால் ,அறிமுகப்பகுதிக்கு சென்று ,உங்களை அறிமுகப்படுத்திக்கொள்ள சொல்லி விடுவீர்களே ,என்றார் .
(எப்போதும் போல் ஒரு அசட்டு சிரிப்பு சிரித்தேன் ).
அவர் : ஆமாம் , இந்த ஆர்வத்தை கண்டு ரசித்து உள்ளேன் .
மேலும் , இன்று ஈகரை 7 ஆண்டு முடித்து 8ம் ஆண்டில் நுழைகிறது .
அதை கொண்டாடுவதற்காக என்னால் ஆன சிறு சிறு பரிசு கொடுக்கலாம் என்று எண்ணி ........

நான் : எதுக்கு இதெல்லாம் , உங்க ஆதரவு இருந்தாலே போதுமே .....(என்று கூறிக்கொண்டே ,கையை நீட்டினேன் )
அவர் : BSNL ஆக்சனில் சில நம்பர்களை எந்தன் கம்பனி பேரில் வாங்கி இருக்கேன் . அதில் சில அழைப்பொலிகளை தரவிறக்கம் செய்துள்ளேன் .
நான் : ரொம்பவே சிரமப்பட்டு இருக்கீங்க , நான் என்ன செய்யனும் சொல்லுங்க .
அவர் : என் சார்பாக ,இந்த லிஸ்டிலே இருக்கிறவங்களுக்கு இந்த பெட்டியிலே உள்ள மொபைல் போன்களை கொடுக்கணும் .
நான் : அய்யா, சொல்லி இருந்தா ஒரு சின்னதா ஒரு மீட்டிங் போட்டு , எல்லாரையும் அழைத்து உங்கள் கையாலேயே கொடுத்திடலாமே .....
அவர் : எனக்கு பப்ளிசிட்டி வேண்டாங்க , மேலும் நான் இப்போ வெளிநாட்டுக்கு கிளம்பிண்டு இருக்கேன் .நீங்க எனக்காக , அந்த போன்களை அவர்களிடம் சேர்ப்பிக்கவும் . .எந்தெந்த அழைப்பொலிகள் யார்யாருக்கு என்ற குழப்பம் .
அதான் உங்க கிட்ட அந்த வேலையை தள்ளி விட்டுட்டேன் என்றார் .
சில அலைபேசிகளில் ரெண்டு அழைப்பொலிகள் மாறி மாறி வரும் . அழைப்பொலிக்கு தக்கப்படி , அவரவருக்கு உடனே அனுப்புங்க : அடுத்ததாக இன்னும் ஒரு பெட்டி நாளை வரும் . எனக்கு நேரமாகி விட்டது என்று கூறி கிளம்பிவிட்டார் .

என்னையா.. இப்பிடி பண்றீங்களே,,,,,,, அய்யா , என்று லக்ஷ்மி ராமகிருஷ்ணன் மாதிரி அலறினேன் .

அவர் போனவர் போனான்டிதான் . நான்தான் பேக்கு மாதிரி கையிலே பெட்டியோட .

xxxxxx
வீடு வந்து ,டேபிள் மேலே , அலைபேசிகளை வைத்து , ஒரு நோட்புக் எடுத்து, லிஸ்டில் கொடுத்த அலைபேசி நம்பர்களை , ஒன்றன் பின் ஒன்றாக அழைக்க ஆரம்பித்தேன் . ஒரு மணி நேரத்திற்கு பின் ஒரு தெளிவான பட்டியல் தயார் ஆனது .

நீங்களும் பாருங்கள் உறவுகளே , ஓகே ,சொன்னால் அவரவர்களுக்கு .....அந்த அலைபேசிகளை அனுப்பிவிடலாம் .

சீரமைக்கப்பட்ட பட்டியல்

பெயர்
காலர் ட்யூன் 1
காலர் ட்யூன் 2.

சிவா --
1. நான் உங்கள் வீட்டுப் பிள்ளை ,இது நாடறிந்த உண்மை .//
2. சிந்தனை தெளிவாக்கி சிறந்த நல்வழி காட்டும் , மந்த்ராலய குருவின் புகழ் பாடி //

ராஜா ---
1. ராஜா கைய்ய வச்சா , அது ராங்கா போனதில்லை /
2.தீர்த்தக் கரையினிலே கண்ணம்மா, தெளிவு பிறந்ததே கண்ணம்மா

யினியவன் ---
1.திறந்த கூண்டிலிருந்து ,விடுதலை பெற்ற பறவை , பறந்தோடுதே //
2. இராமன் எத்தனை இராமனடி ....................................

பாலாஜி ---
1.வரவு எட்டணா செலவு பத்தணா ---அதிகம் ரெண்டணா கடைசியில் துந்தணா துந்தணா !
2. எங்கே தேடுவேன் பணத்தை எங்கே தேடுவேன்
ஆதிரா ---
1.தமிழுக்கு அமுதென்று பேர் அந்த தமிழ் இன்பத்தமிழ் எங்கள் உயிருக்கு நேர்
2.செந்தமிழ் நாடென்னும் போதினிலே .........

கிருஷ்ணம்மா --
1.கல்யாண சமையல் சாதம் ,காய்கறிகளும் பிரமாதம் ,
கௌரவப் பிரசாதம் இதுவே எனக்குப் போதும் /
2.கலங்காதிரு மனமே ,உன் கனவெலாம் நினைவாகும் ஒரு தினமே

விமந்தனி ---
1."சுட்டும் விழி சுடர்தான்" கண்ணம்மா சூரிய சந்திரரோ
2. ஊருக்கு நல்லது சொல்வேன் ,எனக்குண்மை தெரிந்தது சொல்வேன்

ஜாகிதா பானு :
1. எல்லோரும் கொண்டாடுவோம் அல்லாவின் பெயரை சொல்லி
நல்லோரின் வாழ்வை எண்ணி

2.பாட்டி , தாத்தா சொன்ன கதை
அம்மா அப்பா கேட்ட கதை
பாட்டி சுட்ட வடையின் கதை /

முனைவர் சௌந்தர பாண்டியன் :
1.தொட தொட மலர்ந்தது என்ன ?---
2,பொன்னு விளையற பூமியடா இது

அய்யாசாமி ராம் :
1..காயமே இது பொய்யடா -
வெறும் காற்றடைத்த பையடா .

2. சிரிப்பு வருது சிரிப்பு வருது
சிரிக்க சிரிக்க சிரிப்பு வருது

மாணிக்கம் அய்யா ;

1.கல்லெல்லாம் மாணிக்க கல்லாகுமா ?
கலை யெல்லாம் கண்கள் சொல்லும் கலை யாகுமா ?
2.மன்மத லீலையை வென்றார் உண்டோ /

இப்போதைக்கு இவ்வளவே
இனியும் அலைபேசிகள் வந்தால்
வருகிறேன் .
ரமணியன்
---------------------------------------------------------------------------------------------------------------------------------------------------------------------------------
கௌசல்யா சுப்ரஜா ராமா -----மறுமுறையும் அலைபேசி அழைக்க ,
கொரியர் வந்து இருக்கு போலிருக்கு , அடுத்த பேட்ச் போன்லாம் வந்துருக்கு போலிருக்கு ,
கையெழுத்து போட்டு வாங்கி வை என மனைவிடம் சொல்ல ,

மனைவியும் , ஈகரை உலகில் இருந்து ,நினைவுலகம் வாங்க .
காப்பி போட்டு சீக்கிரம் கொண்டு வாங்க , நேரமாச்சுல்ல
என்ற பேச்சு அலை அலை யாக காதில் வந்து மோத ,
அய்யாவும் ,மகாராணியாருக்கு சேவை செய்ய , கனவுலகில் இருந்து நினைவுலகம் வந்தார் .

ரமணியன்

பிகு : எவருக்கேனும் , ஏதாவது வரி /வரிகள் மனம் புண்பட வைக்கிறது என்று மனதில் பட்டால் , அந்த வரிகளை மறு பேச்சின்றி நீக்கி விடுகிறேன் . வேண்டுமெனில் தனிமடலிலும் கூறலாம் நன்றி . [/color]
ர...ன் [/color]

யினியவன் · யினியவன் Sat Sep 19, 2015 9:45 pm

கண்ணியமிக்க கனவானின் கனவு கைகூடி கைக்கு கிடைக்கட்டும் பரிசுகள் - அமர்க்களமான கற்பனை வளம் அய்யா தங்களுக்கு புன்னகை

யினியவன் · யினியவன் Sat Sep 19, 2015 9:48 pm

ஜாஹீதாபானு wrote:
அந்த i phone எப்போ கொண்டு வந்து தருவிங்க

இப்பவே உங்களுக்கு கால் வந்தால் ஐ போன் என நீங்கள் அகமகிழ்வதாக சொல்கிறார்களே புன்னகை

**krishnaamma** · **krishnaamma** Sun Sep 20, 2015 12:41 pm

ஹா ஹா சூப்பர் ஐயா!...................... மகிழ்ச்சி

....ரொம்ப அருமை.................மிகவும் ரசித்து சிரித்தேன்.................... சிப்பு வருது

**krishnaamma** · **krishnaamma** Sun Sep 20, 2015 12:45 pm

யினியவன் wrote:கண்ணியமிக்க கனவானின் கனவு கைகூடி கைக்கு கிடைக்கட்டும் பரிசுகள் - அமர்க்களமான கற்பனை வளம் அய்யா தங்களுக்கு

மேற்கோள் செய்த பதிவு: 1163595

அது தானே................கனவு பலித்தால்................."ஆஹா !..எனக்கும் ஒரு ஐ போன்"........... இது என் கனவு ஜாலி

**krishnaamma** · **krishnaamma** Sun Sep 20, 2015 12:45 pm

T.N.Balasubramanian wrote:
M.Jagadeesan wrote:ரெண்டாவது லிஸ்டுல என் பேர் இருக்கான்னு பாருங்க ! எனக்கு செல்போன் எல்லாம் வேண்டாம் . லேப்டாப் கிடைச்சா நல்லா இருக்கும்.

ஆமாம் , உங்க வீட்டிலும் , நீங்கள்தான் காப்பி போடுகிறீர்களா ?
மேற்கோள் செய்த பதிவு: 1163524

லேப்டாப்பில் காலர் ட்யூன் இருக்காதே !
நீங்கள் இந்த ட்ரிக்கை , (காபி போடுவது) , செய்து பாருங்கள் . தினம் தினம் வெற்றிக்கு அடிகோலுவது அது தானே.

ரமணியன்

" வீட்டிலும்"...........அந்த 'உம்' விகுதியை நீங்கள் பார்க்கலையா ஐயா..................அதிலிருந்தே தெரியலையா அவர் நிலைமை என்ன?

...................இதில் நீங்க சிபாரிசு வேற செய்யணுமா ஜெகதீசன் ஐயாவுக்கு ? ஜாலி

**T.N.Balasubramanian** · **T.N.Balasubramanian** Sun Sep 20, 2015 5:48 pm

krishnaamma wrote:
யினியவன் wrote:கண்ணியமிக்க கனவானின் கனவு கைகூடி கைக்கு கிடைக்கட்டும் பரிசுகள் - அமர்க்களமான கற்பனை வளம் அய்யா தங்களுக்கு
மேற்கோள் செய்த பதிவு: 1163595

அது தானே................கனவு பலித்தால்................."ஆஹா !..எனக்கும் ஒரு ஐ போன்"........... இது என் கனவு

மேற்கோள் செய்த பதிவு: 1163677

நீங்கள் விரும்பினால் இப்போதே டஜன் கணக்கில் ஐ போன் வாங்கமுடியும் .
எந்தன் கணிப்பில் , அது இல்லை . ஒரு சிறப்பான நிகழ்விற்காக ,யோசித்து தேர்ந்தெடுக்கப்பட்ட பாடல் வரிகள் .
ஏனாதானொ என்றில்லாமல் ஒவ்வொருக்கும் தேர்ந்து எடுத்த பாடல் வரிகள் ,ஓரிரு காரணங்களின் பின்னணியில் இருக்கும்
ரமணியன்

**krishnaamma** · **krishnaamma** Sun Sep 20, 2015 8:56 pm

T.N.Balasubramanian wrote:
krishnaamma wrote:
யினியவன் wrote:கண்ணியமிக்க கனவானின் கனவு கைகூடி கைக்கு கிடைக்கட்டும் பரிசுகள் - அமர்க்களமான கற்பனை வளம் அய்யா தங்களுக்கு
மேற்கோள் செய்த பதிவு: 1163595

அது தானே................கனவு பலித்தால்................."ஆஹா !..எனக்கும் ஒரு ஐ போன்"........... இது என் கனவு
மேற்கோள் செய்த பதிவு: 1163677

நீங்கள் விரும்பினால் இப்போதே டஜன் கணக்கில் ஐ போன் வாங்கமுடியும் .
எந்தன் கணிப்பில் , அது இல்லை . ஒரு சிறப்பான நிகழ்விற்காக ,யோசித்து தேர்ந்தெடுக்கப்பட்ட பாடல் வரிகள் .
ஏனாதானொ என்றில்லாமல் ஒவ்வொருக்கும் தேர்ந்து எடுத்த பாடல் வரிகள் ,ஓரிரு காரணங்களின் பின்னணியில் இருக்கும்
ரமணியன்

மேற்கோள் செய்த பதிவு: 1163717

என்னை கலாட்டா செய்கிறீர்கள் என்று நினைக்கிறேன் புன்னகை

நிச்சயம் ஐயா, புரிகிறது நீங்கள் ஒவ்வொருவருக்காகவும் தேர்ந்து எடுத்த பாடல்களின் அருமை பெருமை.................நான் சொல்ல வந்தது , இனியவன் சொல்வது போல ஐயாவின் இந்த கனவு பலித்தால்..."ஹையா, எனக்கும் ஒரு ஐ போன் பரிசாகக் கிடைக்கும் " ஜாலி

என்று நான் கனவு காண்பதாக சொன்னேன்..........
.
.
நான் தப்பாய் ஏதும் சொல்ல வில்லை என்று நினைக்கிறேன்..ஒருவேளை உங்கள் மனதை புண்படுத்தி இருந்தால் மன்னிக்கணும் ஐயா புன்னகை

........... :வணக்கம்:

**T.N.Balasubramanian** · **T.N.Balasubramanian** Mon Sep 21, 2015 4:34 am

krishnaamma wrote:
T.N.Balasubramanian wrote:
krishnaamma wrote:
யினியவன் wrote:கண்ணியமிக்க கனவானின் கனவு கைகூடி கைக்கு கிடைக்கட்டும் பரிசுகள் - அமர்க்களமான கற்பனை வளம் அய்யா தங்களுக்கு
மேற்கோள் செய்த பதிவு: 1163595

அது தானே................கனவு பலித்தால்................."ஆஹா !..எனக்கும் ஒரு ஐ போன்"........... இது என் கனவு
மேற்கோள் செய்த பதிவு: 1163677

நீங்கள் விரும்பினால் இப்போதே டஜன் கணக்கில் ஐ போன் வாங்கமுடியும் .
எந்தன் கணிப்பில் , அது இல்லை . ஒரு சிறப்பான நிகழ்விற்காக ,யோசித்து தேர்ந்தெடுக்கப்பட்ட பாடல் வரிகள் .
ஏனாதானொ என்றில்லாமல் ஒவ்வொருக்கும் தேர்ந்து எடுத்த பாடல் வரிகள் ,ஓரிரு காரணங்களின் பின்னணியில் இருக்கும்
ரமணியன்
மேற்கோள் செய்த பதிவு: 1163717

என்னை கலாட்டா செய்கிறீர்கள் என்று நினைக்கிறேன்

நிச்சயம் ஐயா, புரிகிறது நீங்கள் ஒவ்வொருவருக்காகவும் தேர்ந்து எடுத்த பாடல்களின் அருமை பெருமை.................நான் சொல்ல வந்தது , இனியவன் சொல்வது போல ஐயாவின் இந்த கனவு பலித்தால்..."ஹையா, எனக்கும் ஒரு ஐ போன் பரிசாகக் கிடைக்கும் " என்று நான் கனவு காண்பதாக சொன்னேன்..........
.
.
நான் தப்பாய் ஏதும் சொல்ல வில்லை என்று நினைக்கிறேன்..ஒருவேளை உங்கள் மனதை புண்படுத்தி இருந்தால் மன்னிக்கணும் ஐயா ...........

மேற்கோள் செய்த பதிவு: 1163734

தப்பாய் எதுவுமே சொல்லவில்லை . மனது புண்பட சந்தர்பமே இல்லை .

மேலும் ,
ஒரு உதாரணம் கூறுகிறேன் ,
சிவாவிற்கான பாடல் வரிகளை பாருங்கள் .
1. எல்லாராலும் (பாட்டி, அம்மா ,அக்கா , அய்யா ,சகோதர சகோதரிகள் ,நண்பர்களால் ) அவர் மிகவும் விரும்பப்படுவதாலும் ,மதிக்கப்படுவதாலும்,
1. நான் உங்கள் வீட்டுப் பிள்ளை ,இது நாடறிந்த உண்மை .//என்ற வரிகளும்
2. சிந்தனை தெளிவாக்கி சிறந்த நல்வழி காட்டும் , மந்த்ராலய குருவின் புகழ் பாடி // என்ற வரிகள் ,
அவர் ராகவேந்திர சுவாமிகளின் அதீத பக்தர் என்ற காரணத்திற்காக தேர்ந்து எடுக்கப்பட்ட வரிகள் .

இந்த மாதிரி ஒவ்வொருவருக்கும் , என் மனதிற்கு ,சிறந்தது / பொருத்தமானது என்று பட்டதை , சிறிது அலசலுக்கு பிறகே வரிகளை தேர்ந்தெடுத்தேன் .
இதில் கிண்டல் செய்வதாக யாரும் நினைக்கக் கூடாது , மேலும் ஈகரை பிறந்த நாளில் , ஒரு நல்லிலக்கணத்தை , இது உண்டாக்க வேண்டும் என்பதே குறிக்கோளாக இருந்தது ..

இதில் எவ்வளவு தூரம் வெற்றி அடைந்தேன் என்பதை பின்னூட்டங்களே எனக்கு ஒரு திறவுகோலாக இருக்கும் என நினைக்கிறேன் .

மேலும் எவருக்காவது , பாடல் வரிகள் ,மனகஷ்டம் தருகிறது என்று கூறினால் அவ்வரிகளை நீக்குவதில் ,
எனக்கு கஷ்டம் இருக்கவே இருக்காது . இதை முதல் பதிவில் ,பதிந்திட வில்லை . இதை சேர்ப்பது நல்லது என்றே நினைக்கிறேன் .

நீங்கள் எதையும் தப்பாக எதையும் சொல்லவில்லை என்பதையும் ,
என் நிலையை விளக்குவதற்கு ஒரு சந்தர்பமாக அமைந்தது என நன்றியுடன் கருதுகிறேன் .

ரமணியன் ,

"

**விஸ்வாஜீ** · **விஸ்வாஜீ** Mon Sep 21, 2015 4:50 am

ஈகரையின் பிறந்தநாளை சிரித்துக் கொண்டே அருமையாக கொண்டாடிவிட்டோம்
அய்யா. அருமை உங்கள் கற்பனை

**ஜாஹீதாபானு** · **ஜாஹீதாபானு** Mon Sep 21, 2015 1:57 pm

அனைவருக்குமான பாடலும் ரிங்க் டோனும் அருமை ஐயா... மனது புண்படும்படி எதுவுமே இல்லையே.

Sponsored content · Sponsored content

ஈகரை பிறந்த நாள் -- அன்பளிப்புகள்

ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

Re: ஈகரை பிறந்த நாள் -- அன்பளிப்புகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக