ரகுமான் இசையில் பாடும் சிம்பு

by **ayyasamy ram** Sat Sep 19, 2015 4:00 pm

-
சிம்பு நடிப்பில் சமீபத்தில் ‘வாலு’ படம் வெளியானது.
இப்படம் பல பிரச்சினைகளைச் சந்தித்து நீண்ட இடை
வேளைக்குப் பிறகு வெளியானாலும் சிம்பு ரசிகர்களை
மட்டுமல்லாது மற்ற சினிமா ரசிகர்களையும் வெகுவாகக்
கவர்ந்தது.

இப்படத்தைத் தொடர்ந்து தற்போது கவுதம் மேனன்
இயக்கத்தில் ‘அச்சம் என்பது மடமையடா’ படத்தில்
நடித்து வருகிறார் சிம்பு. இதில் அவருக்கு ஜோடி
மஞ்சிமா மோகன்.

இப்படத்திற்கு ஏ.ஆர்.ரகுமான் இசையமைத்து வருகிறார்.
இவரது இசையில் 5 பாடல்கள் உருவாகி வருகின்றன.
இதில் ஒரு பாடலை சிம்பு பாட இருப்பதாகச் செய்திகள்
வெளியாகியுள்ளன. ஏ.ஆர்.ரகுமான் இசையில் ஏற்கெனவே
சிம்பு ‘காதல் வைரஸ்’ என்னும் படத்தில் ஒரு பாடல்
பாடியுள்ளார் என்பது குறிப்பிடத்தக்கது.

‘அச்சம் என்பது மடமையடா’ பாடல்கள் விரைவில்
வெளியாக உள்ளன. சமீபத்தில் இப்படத்தின் முன்னோட்டம்
வெளியானது. இது ரசிகர்களிடையே நல்ல வரவேற்பு பெற்ற
நிலையில், இப்படத்தின் பாடல்கள் மீது மிகுந்த எதிர்பார்ப்பை
ஏற்படுத்தியிருக்கிறது.

இப்படம் டிசம்பர் மாதம் திரைக்கும் வரும் என
எதிர்பார்க்கப்படுகிறது.
-
-----------------------------------------------------
tamilmurasu/sg