விதை மறந்த மரங்கள்

**ayyasamy ram** · **ayyasamy ram** Fri Sep 18, 2015 9:26 am

-
கதையென்றாலே ஏனோ
மனம் அழுதுவிடுகிறது.
–
இப்படித்தான்
வாழவேண்டுமென்று இல்லாமல்
எப்படியோ வாழ்ந்தவனெல்லாம்
வரையறை செய்கிறான் வாழ்க்கையை.
–
எம்கண்டம் முடியட்டுமென்று
காத்திருந்தவன்
கடைசிப் பேருந்தையும் தவறவிட்டான்
தொடங்கியது எமகண்டம்.
–
பூஜையின் பயணத்துக்குமுன்
சென்றடையாத பல இலக்குகள்
பன்றியை மோதிவிட்டதென
கிடப்பில் கிடக்கும் புதிய வாகனம்.
–
ஜாதகம் சரியில்லையென்றே
விதை மறந்த பல முதிர்ந்த மரங்கள்
இந்தப் பாழாய்ப்போன
பழங்கதைகளைக் கேட்டுக் கேட்டே
அலுத்துவிட்டன.
–
—————————————–
– உமையவன், சென்னை-41
நன்றி- கல்கி
படம் - இணையம்