மீண்டும் வேண்டும்

* பனித்திரைக்குள் ஒளிந்து
பசுமைக்கு எழில்கூட்டுகிறது
நீலநிற மலைமுகடுகள் !

* குப்பையென அகற்றாமல்
விட்டுவையுங்கள் ....
அவை கொன்றைமலர்க் குவியல்கள் !

* மீண்டும் வேண்டும்
மானுட பாதங்கள் வரைந்த....
புல்வெளி தேய்ந்த பாதைகள் !

* ஒற்றுமையின் சின்னம் வரைய
கிராமத்துக்கு பயணமானேன் ...
இரட்டைமாட்டு வண்டியை தேடியபடி !

* மின் கம்பத்தில் சிக்கிய
நூலறுந்த பட்டத்தில் தெரிந்தது ....
சிறுவனின் ஏமாற்றம் !

* இதயப் பெட்டிக்குள் எப்போதும்
நிறைந்திருக்கிறது...
விழிகளில் எழுதிய மடல்கள்

............கா.ந.கல்யாணசுந்தரம்