முதுகு வலியால் மூன்று நாள் கிடந்தேன் …!

**ayyasamy ram** · **ayyasamy ram** Sat Sep 19, 2015 8:50 am

இரண்டு அறை ஒரு வசிப்பறை
விளக்குமாறு கொண்டு
பெருக்கினேன் சுத்தமாக
பணிப்பெண் வராத ஒரு நாளில்
முதுகு வலியால் மூன்று நாள்
கிடந்தேன் படுக்கையில்
ஓய்வாக நான்
–
பணிப்பெண் ஒரு நாளில்
மூன்று வீடுகள் பெருக்குதலும்
பாத்திரம் தேய்த்தலும் என
மாதம் முழுதும் கழிக்கிறாள்
அவள் வீட்டின் பணியுடனே!
–
———————–
ராம்க்ருஷ்

**M.Jagadeesan** · **M.Jagadeesan** Sun Sep 20, 2015 10:36 am

ஒரு வேலைக்காரி செய்யும் வேலையை நாம் செய்யமுடியாது . நாம் செய்யும் வேலையை வேலைக்காரியால் செய்ய முடியாது . ஒரு கொத்தனார் செய்யும் வேலையை , ஒரு டெய்லர் செய்ய முடியாது . ஒரு டெய்லர் செய்யும் வேலையை , ஒரு தச்சன் செய்ய முடியாது . இவ்வளவு ஏன் ? ஒரு தேனீ செய்யும் வேலையை நம்மால் செய்ய முடியுமா ? ஒரு பறவையைப் போல நம்மால் கூடு கட்ட முடியுமா ? கரையானைப் போலக் கெட்டியான புற்றை நம்மால் உருவாக்க முடியுமா ? முடியாதல்லவா !
அவரவர் செய்யும் வேலை அவரவர்க்கு எளிது . ஒருவர் செய்யும் வேலையைக் கொண்டு , அவரை நாம் குறைத்து மதிப்பிடக் கூடாது .

இந்த ஔவையாரின் பாடலைப் பாருங்கள் !

வான்குருவி யின்கூடு வல்லரக்குத் தொல்கறையான்
தேன்சிலம்பி யாவர்க்கும் செய்யரிதால் – யாம்பெரிதும்
வல்லோமே என்று வலிமைசொல வேண்டாங்காண்
எல்லார்க்கும் ஒவ்வொன் றெளிது.

ஆறறிவு படைத்த மனிதனால் செய்ய முடியாதை இந்த வான்குருவி, கறையான், தேனீக்கள் செய்யும். ஆனால் நம்மால் அவைகளைப் போல கூடு கட்டவோ, புற்று உருவாக்கவோ, தேன்கூடு செய்யவோ முடியாது. ஒரு நிமிஷம் யோசித்துப் பாருங்கள்: நம்மால் பூவிலிருந்து தேனை எடுக்க முடியுமா, தேனீக்களைப் போல? அவை சேகரிக்கும் தேனைக் கூட அவைகளை விரட்டி விட்டு விட்டுத்தான் எடுக்கமுடியும்!

எனவே அவரவர் செய்யும் வேலை அவரவர்க்கு எளிது . மாற்றி செய்தால் துன்பப்பட வேண்டியதுதான் .

சசி · சசி Sun Sep 20, 2015 2:30 pm

ஜெகதீசன் ஐயா மன்னிக்கவும் நீங்கள் வேலைக்காரி என்று பதிவு செய்தது எனக்கு வருத்தமாக இருக்கிறது. நீங்கள் பதிவு செய்த பாடல் மிகவும் அருமை.

**M.Jagadeesan** · **M.Jagadeesan** Sun Sep 20, 2015 3:36 pm

' வேலைக்காரி " என்ற சொல்லால் தங்கள் மனம் புண்பட்டிருந்தால் , அதைப் " பணிப்பெண் " என்று மாற்றிப் படித்துக் கொள்ளுமாறு கேட்டுக் கொள்கிறேன் .

சில ஆண்டுகளுக்கு முன்பு , அறிஞர் அண்ணாவின் கதை வசனத்தில் , "வேலைக்காரி " என்ற ஒரு படம் வெளிவந்தது. அப்பொழுது யாரும் அந்தப் பெயரை மாற்றவேண்டும் என்று கோரவில்லை .

தங்கள் கூற்றுப்படி ' வேலைக்காரி " என்று சொல்வது தவறென்றால் " வேலைக்காரன் " என்று சொல்வதும் தவறுதான் .

**krishnaamma** · **krishnaamma** Sun Sep 20, 2015 3:43 pm

M.Jagadeesan wrote:' வேலைக்காரி " என்ற சொல்லால் தங்கள் மனம் புண்பட்டிருந்தால் , அதைப் " பணிப்பெண் " என்று மாற்றிப் படித்துக் கொள்ளுமாறு கேட்டுக் கொள்கிறேன் .

சில ஆண்டுகளுக்கு முன்பு , அறிஞர் அண்ணாவின் கதை வசனத்தில் , "வேலைக்காரி " என்ற ஒரு படம் வெளிவந்தது. அப்பொழுது யாரும் அந்தப் பெயரை மாற்றவேண்டும் என்று கோரவில்லை .

தங்கள் கூற்றுப்படி ' வேலைக்காரி " என்று சொல்வது தவறென்றால் " வேலைக்காரன் " என்று சொல்வதும் தவறுதான் .

மேற்கோள் செய்த பதிவு: 1163667

எனக்கு ஒன்றும் குத்தமாய் படலை ஐயா புன்னகை

.............வேலை செய்பவளை "வேலைக்காரி " எந்கிறோம்......வேலைக்கு ஆள் வைத்து வேலை செய்பவரை " வேலைக்காரன் " என்கிறோம்..............ரொம்ப நல்லா எந்த வேலையையும் முடிக்கும் திறன் உடைய ஆட்களையும் நாம் இதே பேர் சொல்லித்தானே பாராட்டுகிறோம்..............சரிதானே? புன்னகை

.
.
.
"கெட்டிக்காரர்கள்" எனும் பொருள் படும்படி, ............"கைதேர்ந்த வேலைக்காரி"...."கைதேர்ந்த வேலைக்காரன்" என்று சொல்கிறோமே...........பாராடுகிரோமே....

மேலும் பணிப்பெண் என்பதற்கும் வேலைக்காரிக்கும் வித்தியாசம் உண்டு என்பது என் கணிப்பு புன்னகை

**ayyasamy ram** · **ayyasamy ram** Sun Sep 20, 2015 7:16 pm

பணி செய்பவர்களை ஊக்குவிக்கும் விதமாக
அரசாங்கத்தில் சில மாற்றம் செய்வார்கள்....
-
அதனால் செலவு ஏதும் இல்லை (பணப் பலன்)
-
உதாரணமாக ப்யூன் என்ற உத்தியோகம் பார்த்தவரை
கடை நிலை ஊழியர் என பெயர் மாற்றம் செய்வார்கள்
-
சர்வே துறையில் சங்கிலியாள் )செயின்மேன்) என்ற
பதவிக்கு உரியவரை ஃபீல்டு அசிஸ்டெண்டு என்று
மாற்றுவார்கள்...
-
இது போல செய்து அவர்களுக்கு ஒரு கவுரவம்
தருவார்கள்...!!
-