பிரதமர் மோடி இன்று தனது 65 வது பிறந்தநாளை கொண்டாடடுகிறார்!

**krishnaamma** · **krishnaamma** Thu Sep 17, 2015 4:33 pm

புதுடில்லி: பிரதமர் மோடி இன்று தனது 65 வது பிறந்தநாளை கொண்டாடடுகிறார் . இதனை முன்னிட்டு பல்வேறு கோயில்களில் அவரது ஆதரவாளர்கள் சிறப்பு பூஜை நடத்தி கொண்டாடினர் . பல்வேறு அரசியல் தலைவர்கள் பிரதமர் மோடிக்கு வாழ்த்து செய்தி அனுப்பி வருகின்றனர் . தமிழக முதல்வர் ஜெ, அனுப்பியுள்ள தனது வாழ்த்து செய்தியில்; பிரதமர் மோடி பல்லாண்டு வாழ இறைவனை பிரார்த்திப்பதாக கூறியுள்ளார்.

உள்துறை அமைச்சர் ராஜ்நாத்சிங்; பிரதமர் மோடி உடல் நலம் பெற்று நீண்ட காலம் வாழ வாழ்த்துகிறேன் .

வெளியுறவு துறை அமைச்சர் சுஷ்மா சுவராஜ் ; நல்ல உடல் நலம் பெற்று இந்த நாட்டிற்கு நீண்ட காலம் சேவை செய்ய இறைவனை பிரார்த்தித்து வாழ்த்துகிறேன் .

டில்லி முதல்வர் அர்விந்த் கெஜ்ரிவாலும், பிரதமர் மோடியின் பிறந்தநாளுக்கு வாழ்த்து தெரிவித்துள்ளார்.

பள்ளி - கோயில்களில் கொண்டாடட்டம்: பிரதமர் மோடியின் சொந்த மாநிலமான குஜராத்தில் பள்ளி குழந்தைகள் ஒன்று கூடி இனிப்பு வழங்கினர். பலூன்கள் பறக்கவிட்டு மோடிக்கு வாழ்த்து கோஷம் எழுப்பினர்.

ஆமதாபாத் பிள்ளையார் கோயிலில் 6500 கிலோ கொழுக்கட்டை படைத்து வழிபாடு செய்யப்பட்டது.